2 Korin 9:8 - Oksapmin

⁸ Imat panggeitpera ma dahapti gurnong oh Got oh Noh ihat ma pan hat yah mat orhor apripti ihirnong oh noh iraire din ohesi; ihirnong panggeitin ohesi ruumsan mat orhor tap mat apripora daham imat napin inasi nahat napapatmur. Inahatin inasi nahat pat ohoh ihan guraguresi; ihirnong yah mat panggeitin ohesi tap mat ruumsan mar bapkei mat orhor napripatmur.

2 Korin 9:8 ပူးပေါင်းရင်းမြစ်များ

Epesas 3:20

Dir Got orhe kasip oh inahatporhan ihat kasipsi han hat pat ma hapat dahapat orhor ama dire am hapti kasip oh garpokmur. Orhorsi pat kasip isipnap oh dirhe am hamo dahamaro na hatin ohe wanohe kasip ohmur. Ihtin kasipsi han hat pat ohoh ihan Krais orhe tapnong ham Got orhe nita sios dir orhornongwi win adaptuhur dipdipwi armi marwi paptiru hat orhorwi papteprinapmur. Arpinwa.

Taitas 3:14

Krit ihir gospanggeit indin ohe danong asoh na hat pati bap ohoh ihan Got orhe nita kuuhan bap ihir gospanggeit indin ohe danong asoh na hama be patepririm Taitas go ihirnong Gur beheri gapa hat patepri. Kat kuuhan ihir ire din hano erer oh hatip hat patihanhe moh panggeitin kat oh patin orhor dir kapkap na panggeiyahan er hatiprohekin daham ama ihat hatip hat pati kuuhan ihirnong panggeitin ohe da oh kasip hat orhor am ham pomar panggeit paptenmur porinmur.

2 Korin 8:7

Korin gur Krais orhorwi inahatin hatin hanwa dahapti dao yah mengnong daham am hat patim meng pot pisapti ohe dao pan hat Got orhe atamreipti dao nuhurnong bopor nahatin ohe dao ama da gonsinong oh guroh isip hat patimur. Ihat isip hat pati ohoh ihan kat Got orhe nita hat pati ihirnong gure hrepnong mar paptimur. Gur ihat pati han bap gur ohoh ihan gure ihirnong panggeitinhe isip mat orhorwi panggeitpera daham imat isip mat atinmur napor mama nabrak dei ohmur.

1 Korin 15:58

Dirnong ihtin inasi nahat napapat ohoh ihan norhe boporsi taptem bap gure kasip hat ma pati danong oh gapa hamhe mandapri. Kasip hat orhorwi patenmur. Ihat orhorwi patim diradire Hanipyah ohe atamreipti moh be na atamreipti ma hapat daham kasip hat orhorwi patim atamrein sashenmur.

2 Korin 9:11

Ruumsan mat orhor panggeitpera ma dahapti gurnong oh Got oh Ihir ihat dahaptio rim ihirnong ruumsan mat panggeit papten han oh ruumsan mat orhor apris paptepramur rim imat orhor gurnong napripatmur. Napriporhan gur ohsi ihirnong panggeitinmat nure bes teinong matperhan nuhurdapat ihirnong apriperhan ihirdapat Wes imat napanggeim napriyao rima Got ohnong weso pora ohnong amam matiprimur.

2 Korin 8:2

Masedonia mong ma pati ihirnong Got oh ama da apin pat ohe pemdapat ma ihtiri oh mamarumur. Ire boknong ruumsup amkat pat dus orhor ihir gapa ham na mandam amam danong oh isip hat orhor indirimur. Amam da isip hat orhor ma indiri oh ihir borop hat patim orhor ihsen gar ma pat oh Got orhe nita kuuhan wan aptei pati ihirnong panggeitpera daham pan ham isip mat orhor panggeim atirimur.

Taitas 3:8

Nohe ma napor meng moh arpin dam timdin meng ohoh ihan Taitas go ohe danongwi kasip hat patim orhor kasip mat orhor Got orhe danong ham Ohwi inahatin hatin hanwa ma dahapti kuuhan gur yah danongwi ham yah hat orhorwi sashenmur porinmur. Yah hat sapti ohe da oh kuuhan gonsi ihirnong panggeitin yahnap da ohoh ihan yah hat orhorwi sashenmur porinmur.

Epesas 2:10

Orhor nambutin inasi nahat napapat moh rih orhor Got oh Krais Jisas orhe tapnong hatipri bap ihir mama yah da mama yah danong hat sa sasipri daham ama yah da oh mamen mat natipmur. Mamen mat nasara ama mamen mat natip yah danong hat sashen ohe inasi naham kis naham napapatmur.

1 Pita 4:10

Got orhe damdapat hanip ihirnong panggeit papten da moh nitat mat apripora daham nitat mat napripatmur. Ama nitat mat napin pat da oh guragure hrepnong mar pomar paptimdapat ama nitat napin pat da orhorsiwi hat patim panggeit pisashenmur.

Taitas 2:14

Ama minhan pati han Krais orhor Noh ire er nang hrepnong hat pati moh norhor ambura yah teinong matpora. Yah teinong mara ire er gap ahirmara eimat norhe kuuhan hat paten han bap matpora. Mara yah hat pan hat sashen ohe da ohsi matpora daham orhe yah hat paten ohe danong na hama dire danong ham dire gwemat haputipmur. Ama inahapat han orhornong apripra ma hapat daham minhan patimur.

2 Korin 8:19

Ama ihpat ohwi basmur. Tit ma ihpat oh Sios bap ihirdapat ohnong Gin hatip hat pati han ihirnong panggeitinmat atperhan Poro ire ma apisaya mani oh go tap apisashenmur pora kis mat papti han ohmur. Ama han ohsi nuhur Got orhe winnong adaptuhut pisayao nure ihirnong panggeitper ma dahaya da oh pitap teinong mar pinggit pisayao hatinmat ama han ohsi tap hat mama sapti ohmur.

Korosi 1:10

Imat ma nadahandeipti oh Hanipyah orhe hrepdapat hat patim yah hat sapti dao orhe bopor mat pat ohe dao ama da ohsiwi hat ihir ihat ha sashengwemur. Ihat susa Got gorhornong am hatin ohe dao yah hatwi sashen ohe dao oh isip hat ha sashengwemur.

Aposer 9:36

Pita oh Rida aptei patin Jisas ohe meng amrapat kuu tit Jopa aptei ama patesuh oh. Uhe win oh Tabita uhmur. Tabita ma porishe oh Grik ire mengtei Dokas uhmur porishemur. Uh ihir erer oh timbas hatperhan ihirnong pandemo ihirnong panggeim yah maro paptesuh kuu uhmur.

2 Tesaronaika 2:17

Ama inahat napapti han yot itaitnong gure paten meng oh Gut ire danong akasip mara pang inasi mat paptenmur. Ire saptinonghe ti da ti da yah hat sapti ohe da ohsiwi mat paptenmur. Menghe yah mengwi rit sashen ohe dasiwi mat paptenmur. Gut imat ihirnong paptenmur por nadahandeiptimur.

2 Timoti 3:17

Imat ma napisapat oh dir Got orhe atamreindin ohe kasipo dao oh napriporhan ti yah han ti yah han ohe tamreindinnong oh mamen tahat ha patengwe rim inahapatmur.

2 Korin 13:3

Noh er yan ma napripra oh gure er hat saperhan Krais orhor gure mutuh patim er yan ma napripatnong oh dahenmur. Orhe ma napripat oh gapa hatin napripatda da kasip hat napripat. Basra. Kasip hat orhorwi napripatmur. Gin nohhe gure patinong apris er yan ma napripra oh ama kasip orhorsi er yan napripramur. Napriporhan gur wamara Por oh tit han tit namgirit nuhur wamara Moh arpin Krais orhe ripat wanin meng oh napor ma hapat ma dahapti da oh pitap teinong matporhan gur am hatiprimur.

Piripai 4:11

Noh amam hat patmur ma napor oh nohe ma hatip hat pat oh it gur titsi ha napanggeitingwe daham na ginapormur. Nohra norhe ma ihat patnong oh Noh mihtin han hat na patneng. Ihtin han hat patneng na dahapatmur. Norhe mama mihat pat moh yahwiwa dahen ohe da oh am hapat mama yahwiwa dahat pat ohmur.

2 Timoti 2:21

Gur ihat pati bap ohoh ihan gur er danong oh kom asara yah danong ohwi ongeng mat paptenmur. Imat ongeng mat papayahanoh Hanipyah oh ama ihat pati gurnong oh Gur yahnap han ma ap it pati ohe tan hat pati gurmuro. Gur Got orhemuro rim pomat ongeng mat it pati bap gurmuro napotipramur. Ama imat naporpat han bap gur orhe yah atamreindin erernongwi atamreindin mat mamen tahat pati han bap gurmur.