2 Korin 9:14 - Oksapmin

¹⁴ Got ohnong armi mara Got orhe damdapat Noh imat yah matpora daham ihirnong bapkei deipat da ohsi nuhurnong napanggeitahe daham gurnong bopor nahama gure ihat paten meng oh sa nadahandeipri.

2 Korin 9:14 ပူးပေါင်းရင်းမြစ်များ

Piripai 4:1

Nohe tap tem gurnong norhor isip bopor nahat patmur. Patim gure kinkin danong hat patmur. Gure ma ihat sapti oh norhe winsiwi ihat saptio rim noh amam nahat napapatmur. Ihan norhe yah han gur nohe gurnong napor mengru hat orhor Hanipyah orhe tapnong hat ma pati da orhorsi kasip hat orhorwi sashenmur.

Piripai 1:8

Noh gure danong ham ma bopor nahat napapat oh Krais orhe dirnong ma bopor nahat napapat da hatin hat orhor gurnong bopor nahat napapatmur. Noh imat bopor nahat napapatmur ma naporpat mengnong oh Got oh Arpin meng porpat ma hapat daham am hat patmur. Norhor imat bopor nahapat gursi diradir tap hat patineng rim gure danong ham pitning hapatmur.

2 Korin 8:1

Nure taptem bap gur Got orhe damdapat Masedonia mong ma pati ihirnong mihtin yah da oh apripora daham ma apin pat da ohe pemdapat ma ihtirinong oh gur dahenmur.

Piripai 2:26

Ohe ma sik hatip oh Ihir nohe ma sik hatip meng moh ihir amrama da er hat patikin. Ihan Noh sus ihirnong wamtipor daham gure pitning hapatmur.

2 Korin 1:11

Nambur ma napapat oh gur nure ihat ma pati meng nadahandeipti ohe pe oh inahat napapatmur. Imatwi ruumsan kat gur nure ihat paten meng oh nadahandeiptin Got oh namrapat bapkei nahat orhor sa napaptepra. Imat napapatin kuuhan ruumsan ihir wanahapti Ihirnong imat papat moh daham Got orhornong weso por sa armi mar paptepri.

Rom ihirnong Por oh brak atip ohe meng oh 1:11

Noh gure patinong apris gursi diradir tap hat ayaneng daham dahandeipatmur. Noh aprisa gure Krais ohnong dahatin da oh Got orhe Yahsup oh titsi naprisa ha kasip nahat napisashenoh rim noh apripor daham Got go mandap namanhetin por dahandeipatmur.

Ruk oh yah meng ma brak matip ohe meng oh 16:9

Jisas oh giporpat Gin gur mohnong dahatinmur. Kakdah er hat patim ma daripti mani mohsi hatip hat pati han ihirsi guragur yah han hat indinmat aprishenmur. Imat apriptin ma timbas haya tei mah Got oh orhe eimat ma napaptepra apteinong nambur napisapramur.

2 Korin 9:13

Imtiperhan ihir wamara ama ihir arpin Got ohe nita bapmur. Ihir Nuhur Krais ohe meng dindeipti bap nuhurmur ma ripti oh arpin indeipti bap ihirmur. Ihir nuhurnongo ihirnongo ruumsan mat orhor napanggeipti bap ihirmur rim Got ohnong armi matiprimur.

2 Korin 9:15

Got orhe ma napdap han oh isipnap ohoh ihan dir kinhat ihtin hanmur ritiprohe. Ihtin isipnap han napdap ohoh ihan dir ihtin isipnap napdap ma hapat daham weso potwi papteper dahat patenmur.