2 Korin 8:10 - Oksapmin

¹⁰ Gin norhe dahah meng tit gurnong napotiprohmur. Hanohe krismas gure kopenat Dirri pan hat orhorwi panggeitper daham gurri pan hat katpe ma mamen mat atiri oh guragure bes teidapat paptimur.

2 Korin 8:10 ပူးပေါင်းရင်းမြစ်များ

Hibru 13:16

Imat armi mat paptim arwananah ihirnong asoh panggeipti dao erer hatip hatperhan panggeim apripti dao oh hanhan mar mandapri. Dahat patim orhor panggeinmur. Ama imat armi mar panggeipti da oh Got oh Nohnong armi naham apop natemar napripti ohe tan mat nohnong napriya ma hapat daham oh da yah ham amam hapatmur.

2 Korin 9:2

Noh gure ihirnong panggeitper ma dahapti da oh noh am hat patmur. Am hat patima Masedonia sios kuuhan ihirnong Akaia mong Korin aptei hano ama nuhursi taptem kuuhan bap ihir rih hanohe krismas orhor panggeitper dahatpa da orhor hat patimur por noh gurnong armi nahatin meng oh ihirnong pot indirmur. Potporhan Masedonia ihirhe kat kuuhan ruumsan ihir Ihir ihat panggeitin danong pan hat pati ohoh ihan dirhe ihirnong imat orhor panggeitper daham atirimur.

1 Korin 7:40

Kuu gohe gorhe dawimur napor orhora; norhe dahapat oh han darhanoh ama han dar amam oh garpokmur. Han na darhanoh ama amam oh isipnap hat patepra ma hapat dahapatmur. Nohe ma dahapat oh Got orhe Yahsup oh nohe mutuh moh patin noh ihat dahat pat ma hapat dahapatmur.

1 Korin 7:25

Gin na gosdat pati bap gure paten meng oh napotiprohmur. Ma napotiproh meng oh Hanipyah ohe ritip meng oh na napotiprohmur. Norhe dahat pat meng tit napotiprohmur. Norhe dahat pat meng ma napotiproh oh gure damdapat oh Hanipyah oh Por ohnong hinhina mar ohsi pat ohoh ihan oh amram am hatin ohe meng tit napotiproh ma hapat daham nohe ma napotiproh mengnong moh amratinmur.

Piripai 4:17

Gin oh ma napanggeitirinong oh noh amam hat patmur ma napor oh Ihir it titsi ha napanggeitingwe daham na ginapormur. Got oh gure yah yan ma nat pat ohe boknong oh gure ma natiri ohe yah yan oh ohe boknong dip mar tap mat ha napinoh dahapatmur.

2 Korin 8:8

Noh Masedonia ire imat ma panggeitiri meng oh gur imat orhor ha panggeitingwe rim na ginapormur. Noh gur hatip hat pati han ire danong ma hat pati da oh arpin ire danong ham panggeitin danong hat patido da na panggeitin ina hat patio daham noh am hatinmat mameng moh napormur.

1 Korin 16:2

Gur mamaru mat mani oh asarinmur. Guragure tamreim ma daripti mani oh sama guragure ma daripti kis orhorwi mat orhor tit Sande tit Sande oh asarinmur. Imat asariptin nohe ma apripra oh ama wanin mat asaripti wanin orhor datipramur. Gurnong wan tit it angmar asarinmur na napotipramur.

2 Korin 12:1

Gurnong napanggeitin mengnong oh amraptida ihan ameng oh napotiproh. Gurnong na napanggeitin dasuh meng ohwi amratin ina hat pati ohoh ihan na napanggeitin ohe armi tahatin mengnong ohwi napotiprohmur. Ma napotiproh oh Hanipyah Jisas Krais ohe kinpitap hatin ma namgitip ohsi; komdapat dir na dahat pati han ma tarpatipra han ma namgitip han ohsi napotiprohmur.

Jon oh yah meng ma brak matip ohe meng oh 11:50

Tap han diradir gon hapuriyahan ermur. Diradir gon haputipririm dire gwemat tit han oh pokwi ma haputipra oh yahmur. Gur na dahat patida ama gipotip oh.

Matyu 10:42

Win timbas han tit Moh Jisas ohe nita ma hapat. Ihan tom pandipera daham pandeyahanoh ama pandeya gar orhora; Got oh dahat pat ohoh ihan ohe pe oh arpin dam timdipramur napongop.

1 Korin 10:23

Ihir Nuhur Got orhe sawa hrepdapat hat ma pati oh Juda ire Nuhur ihat patimur ma ripti ohe sawa meng hrepdapat hat na pati ohoh ihan dir erer oh gonsi yahwimur riptimur. Ihat pati orhor gonsi erernong yahwi hat patda. Basra. Erer asoh kat tit hanip dire danong kasip goshat indin ohe dasi nahatin ohe han hat na napapatmur.

1 Korin 6:12

Gur erer moh gonsi yahwimur ripti orhor kat tit na napanggeitin hannong giporiptimur. Noh erer oh gonsi yahwimur dahapat orhor tit danongwi ham noh ama ohe da hrepnong hat na patepramur daham ama da ohe hrepnong hat na patepramur.

Jon oh yah meng ma brak matip ohe meng oh 18:14

Kaiapas oh Got ohe ap yawar hanat bok han ire duupteinap han ohmur. Oh rih tap han diradir gon hapuriyahan ermur. Tit han oh diradir gon haputipirim dire gwemat hapurhanoh yahmur ma ritip han ohmur. Orhe birip pat pisangopa.

Jon oh yah meng ma brak matip ohe meng oh 16:7

Gur da trun er hapri. Noh aprin meng napotiprohmur. Napanggeit napapten Yahsup oh apris ha napanggeitinoh rim noh sapramur. Noh na ushanoh napanggeit napapten Yahsup oh na apripramur. Noh ushanoh ama Yahsup ohnong darhetporhan oh aprisa gurnong napanggeit napaptepramur.

2 Korin 8:6

Ihirhe imat yah mat orhor atirimur. Ihan Korin irehe imat yah mat orhor atipri ma hapat daham Taitas ohnong Taitas go rih susa Korin ihirnong Gur kat ihirnong hinhina mar panggeitinmur potporhan ma itpa ohe kat pe oh gin ha timbas matingwemur pora Taitas ohnong ama darheriya ohmur.