2 Korin 7:15 - Oksapmin

¹⁵ Taitas oh gure pati tei oh kotporhan gur ohnong wamar sein bupang rim kas hat patim orhor ohnong ambutiriri. Ambura ohe meng amratper daham amram ma ihtirinong oh Taitas oh daham gure danong hatin ohe da oh isip nahapatri.

2 Korin 7:15 ပူးပေါင်းရင်းမြစ်များ

Jon oh yah meng ma brak matip ohe meng oh 16:21

It yah dasi ma hatipri oh mamarumur. Kuu ihir brer itinmat ake ni ma hapat daham da er haptimur. Da er hapti brer sariptimur. Sara it ake su danong na hama nohe brer yah sar moh daham amam haptimur.

Aposer 16:29

Potporhan oh tanggam oh dara has mar wamtiporim marangopri. Marasa bupat tit Porsi; Sairas ite duup oh bos hamnong ham timangopri.

1 Korin 2:3

Nohe gurnong ma napot indip oh noh Norhe ina moh gapa hat pat ohoh ihan ihirnong meng oh pomat na potiprohkin daham kas ham ina bupat orhor gurnong meng naporisuhmur.

2 Korin 2:9

Noh rih gurnong Gur ama er hah han ohnong ina ruum apinmur napor ma brak natip oh gur Moh Por ohe meng ma hapat ihan dir amram ohnong ina ruum apriper dahatiprohedo da na dahatiproheo daham noh kis naham brak natipmur. Gin gur nohe meng namram ruumsup ma apdori oh gin kimur. Mandatinmur.

2 Korin 6:12

Nuhur gurnong ma da nat pati da oh tit da tit na naremama amam dao oh gonsi pitap teinong mar gurnong napriptimur. Napripti orhor gurdapat nuhurnong ma da napripti da oh hatip mat pok napriptimur.

Epesas 6:5

Kakdah morhe ire hrepdapat hat patim be ma atamreipti han bap gurhe iraire mengnongwi amrama kas hat orhorwi patim atamreinmur. Atamreinmat oh ina teimdapat tit da haya ina mutuhdapat tit da haya hat patimheri atamrein patepri. Iraire danong ohwi hat patim orhor atamrein patenmur. Krais orhe mengnong dimar ma atamrein saptiru hat orhorwi atamrein sashenmur.

Piripai 1:8

Noh gure danong ham ma bopor nahat napapat oh Krais orhe dirnong ma bopor nahat napapat da hatin hat orhor gurnong bopor nahat napapatmur. Noh imat bopor nahat napapatmur ma naporpat mengnong oh Got oh Arpin meng porpat ma hapat daham am hat patmur. Norhor imat bopor nahapat gursi diradir tap hat patineng rim gure danong ham pitning hapatmur.

Piripai 2:12

Norhe boporsi han yah han bap gur noh gursi patim meng napotporhan gur amram dindeiptingweriru hat orhor noh na patinhe atnap Jisas orhe ma namgitip da hatin hat orhor isip hat orhor amram dimar patenmur. Ihat patim Gin dirnong Got oh nambutin ohe da oh rang ohe tan duup naham inahat napapat ma hapat. Ihan dir orhe kasip ohsi amamen matper daham orhornong kasa ham amamen matin ohe danongwi hat patenmur.

Korosi 3:12

Got oh gurnong Maihir norhe nita bapmur napor kis nahapat orhe hrepnong naham bopor naham norhe nita han bapo rim ongeng nahat napapatmur. Ihat napapat ohoh ihan gur Orhor imat napapat ma hapat daham hinhina goshat indin dao yah da gosapris gospanggeit indin dao guragure winnong na daptuhuripti dao manap da deipti dao kapkap irhaha na deipti dao ama dahapti danong ohwi isip hat patenmur.

2 Tesaronaika 3:14

Nure napor brak nasariya meng moh tit han tit amrama na dindeihanoh ama han ohnong dason mara am hat patenmur. Ihat patim ama ihpat han ohe tapnonghe ham patepri. Gur ihat patin orhe ma ihpat da oh Noh ihat patin ihir nohnong kasna naham inahapti ma hapat daham sa am hatipra.

1 Jon 3:17

Arwananah ihirnong imat na bopor mara go ihsen erer oh ruumsan patin orhor arwananah asoh ma hatip hat pati ire danong na ham na hinhina mara gorhe danongwi hat pathanoh Got orhe hanip dirnong bopor nahat napapat da oh gwe mutuh oh ti na pat ma hapat dahenmur.