2 Korin 7:13 - Oksapmin

¹³ Natporhan Taitas oh ihir ama brak oh dara amrangwerimur ritporhan nuhurhe amam ham da yah hatirimur. Ama da yah hatiri ohe bas oh gure Taitas ohnong da yah mar amam matiri da oh Taitas oh apris ritporhan ama amam ohsi nuhur atnap isip amam hatirimur.

2 Korin 7:13 ပူးပေါင်းရင်းမြစ်များ

Rom ihirnong Por oh brak atip ohe meng oh 12:15

Ihir amam da tit dariptihanhe gur Wes imat amam da dariya rim guragur tap hat amam henmur. Ihir ruumsup tit dar saheih ham yimaptihanhe guragur tap hat ruumsan dara saheih ham yimonmur.

Rom ihirnong Por oh brak atip ohe meng oh 15:32

Nadahamar paptin Got orhor Gin ire patinong ha sonoh dahahhanoh noh amam hat orhor aprisa diradir pan inasi gosham indiprimur.

1 Korin 12:26

Dire ina moh tit inawi ham gospanggeit pati ohoh ihan tit pemdapat tit ina ruum darhanhe gonsi ina pe moh ire ruum dariptimur. Tit pemdapat tit armi matin da hahhanhe gonsi ina pe moh irair tap mat ama ohe amam oh dariptimur.

1 Korin 16:13

Gur mamengnong moh dahenmur. Gurnong er da oh apris er nahatiprarim watahat patenmur. Ihat watahat patim gure Krais ohnong ohwi inahatin hatin hanwa ma dahapti da oh kas ham gapa hatipririm watahpei ham kasip hat orhorwi patenmur.

1 Korin 16:18

Noh ihat amam hat ma pat oh gure danong ihir ma nayah matiriru hat orhor nohnonghe imat da yah nahatperhan noh amam hat orhor patmur. Ihat pati han ihir ohoh ihan gur ihirnong ihat pati hano rim amam mar paptenmur.

2 Korin 2:13

Ire danong amamen mat papatin orhor noh Korin ire meng oh Taitas oh kianan napotiproho daham angmar ti na pathan ama ohe ruumsup da oh namkat napapatin ohoh ihirnong kapkep mara Taitas oh Masedonia mong tei patkin rim Masedonia mongnong wamar pipmur.

2 Korin 2:3

Norhor gure patinong na aprisa brakwi gurnong natirmur. Brak mat ma natir oh noh gure pati kat apirhanoh norhornong amam da napin han gurdapat norhornong da er naham ina ruumsup napriprikin daham na apdormur. Na aprisa mengwi brak mat natirmur. Gur norhornong amam da napin han gur ohoh ihan gur Nuhur Por ohhe amam hat pathanoh nuhurhe amam haptimur gur ihat dahat pati ma hapat dahapatmur.

2 Korin 7:14

Nuhur Korin aptei kuuhan gure boknong armi nahatin meng oh Taitas ohnong Ihirri han yahnap bap hat patimur por ohnong darhetirimur. Darhetperhan oh gure pati tei oh apris gurnong wanahatporhan nure gure boknong armi nahatiri mengru mat orhor ambur papangweriri. Taitas oh apris Ihir ihat napapangwerimur ritporhan nuhur na kas ham amam hatirimur. Ma amam hatiri oh nure gurnong arpin mengwi ma naporiptiru mat orhor Taitas ohnonghe arpin meng potiri ma hapat daham nuhur amam hatirimur.

2 Korin 7:15

Taitas oh gure pati tei oh kotporhan gur ohnong wamar sein bupang rim kas hat patim orhor ohnong ambutiriri. Ambura ohe meng amratper daham amram ma ihtirinong oh Taitas oh daham gure danong hatin ohe da oh isip nahapatri.

2 Korin 7:6

Nuhur ama ohe ina ruumsup ohsi dat patin at Got oh da ruumsup hat patin pang naham yah amam da ma napripat han orhor da mahan yah nahatirmur. Ma yah nahatir oh Taitas oh aprisa nuhurnong Noh Korin ire patinong saporhan ihir nohnong nambura nohnong amam naham yah da nahatirimuro. Yah da nahama ihir Nuhur Por ohnong nuhur wamar nuranur tit dawi hapti nure ma er hatpa meng oh pomtiprinengo. Pomara nuhur Por ohnong kom aham panggeitiprimuro ihirhe giriptingwerimur napotporhan Taitas ohe ma apir ohe amam ohsi; Korin gur diradir wanggoshatiprineng ma dahapti ohe amam ohsi amam isip nahatirmur.

Piripai 2:28

Oh gure pitning hapat ohoh ihan Ohnong kapkap darhetpora daham adanong oh isip hat patmur. Darherit oh gure pati tei oh apriporhan gur it ohnong wamara da yah hatiprimur. Gur da yah hatperhan nohe da ruumsuphe pangsi hatipramur.

2 Timoti 1:16

Onesiporas oh pokwi nohe karapus hat patnong moh na kasna nahama Rom ap mutuhnong moh De ap oh karapus hat pato rim angnahat apris wanahatipmur. Wanahapat gin trun dah tit da yah naham us apir hapatmur. Oh inahapat hano rima noh orhornongo orhe kuu brer ihirnongo oh Got go hinhina mar yah mat paptenmur.

Pirimon 1:20

Nohe nap Pirimon go nohnong mamaru nahat da yah nahatinmur. Go Nuhut Hanipyah orhe tapnong hat pati han yot ma hapat. Ihan noh ohe danong apang matpora daham norhe ma napor mengru mat orhor Onesimas ohnong amamsi mat ambutinmur.

Pirimon 1:7

Norhe taptema. Gorhe ma Got ohe nita ihirnong bopor mar panggeim da ayah deipat oh noh amam isip hama gin nohe dahe pangsi hat patmur.

1 Pita 3:8

Gin Pita noh mama napor meng moh timbas matinmat mama meng moh napotiprohmur. Guragur tit dawi goshat patim saya apriya hat patenmur. Ama da ohsi ihat patim tit han oh amam darhanhe guragur tap hat amam da titwi darinmur. Ina ruum darpathanhe guragur tap hat ina ruum titwi darinmur. Guragure taptem ihirnong asohhe gonsi hinhina da aprisa bopor mat paptenmur. Bopor mat paptima Norhorwi ihtin han hat patwa dahapti ohe da oh mandama ire danong hat patenmur.