2 Korin 6:16 - Oksapmin

¹⁶ Kakdah dasuh got ire ap yawar ohsi; Got orhe ap yawar ohsi tit apwi matin hatinda. Basra. Na imtin hatin ohoh ihan gur sahsah mathe paptepri. Got oh ritporhan ma brak matpa mengnong moh dahenmur. Ma brak matpa meng oh mamarumur. Got oh Noh ire ina oh norhe ap yawar hatin mara ire ina mutuh oh noh patepramur. Ihat ma patepra oh ihirnong norhe nita mar paptepramura; ihirdapat norhornong Nure Gotmur napor napapteprimur. ritporhan brak matpamur. Giritporhan ma brak matparu orhe nita ma nahat pat dir gonsi dipwi pat han Got orhe ap yawar ongeng mat apapten ohe ap yawar hatin hat patimur. Ihat pati han dir ohoh ihan gur Got ohe danong na hapti han ihirsihe sahsah goshathe patepri.

2 Korin 6:16 ပူးပေါင်းရင်းမြစ်များ

Erer tarpatipra 21:3

Wanporhan noh amraoh orhe pohon tongnopat bas amdapat kasip mengtei We. Gur gin amratinmuro. Gin Got ohe ma patepra oh orhe kuuhan ire mutuh oh patepramuro. Oh ihat patin ihirhe orhe nita bap kuu han ham pateprimuro. Arpin napormuro. Got orhorsi; orhe nita kuuhan ihirsi tap hat pateprimuro.

Hibru 8:10

Hanipyah norhor orhe gon meng Isrer gurnong ma rit natipra meng oh mohmur. Mama ihat pati dik moh timbas hatporhan norhe sawa meng oh gure da mutuhnong namtipramur. Ma namtipra oh gure ina mutuh oh nabrak dei hatin mat namtipramur. Nadeipat gur norhe nita kuuhan bap ham amram dimatwi pateprimur. Noh gure Got hat patepramur.

1 Korin 6:19

Gur mohnong dahat patimur. Got oh Hanip ire ina moh ap yawar hatin hat patin norhe Yahsup oh ros sa patepra daham orhe Yahsup oh dire mutuhnong naham napapatin dir orhorsi patimur.

Rom ihirnong Por oh brak atip ohe meng oh 8:11

Ama inahat napapat han gure mutuh oh Jisas Krais orhornong pamsuhup han Got orhe Yahsup oh gure mutuh oh patmur. Pat ohoh ihan Jisas Krais orhornong ma pamsuhup han orhor orhe Yahsup oh gure mutuh pat ohe dap teimdapat gure kakdah mama hapuripti inanong oh it ama ina orhor napamsapramur.

Erer tarpatipra 21:7

Er danong ire merwi mar suya han ihirnong noh ama han ihirnong norhe brer mara nohe erer oh apripramur. Aprisa Got noh ire armi nahatin han itap hat paptepramur.

1 Jon 4:15

Ihat am hapti Jisas oh arpin Got orhe brerwa daham riyahanoh ihat ma daham ripti han bap gure mutuh oh Got orhor patmur. Gurhe Got ohsi tap hat patimur.

Epesas 3:17

Papatin ihir Krais orhorwi inahatin hatin hanwa ma dahapti ohe dap tei oh Krais orhor ire mutuhnong ham ha patenohmur. Ihat patin Got gorhornongsi; hanip ihirnongsi bopor mar da apripti ohe da oh ire mutuhnong ha hatinohmur. Hama irat kaker oh mong mutuhnong yah hat wasa iratnong ma kasip deipatru hat orhor bopor mar da apripti ohe dahe ihat orhor ha kasip deinohmur.

Jon oh yah meng ma brak matip ohe meng oh 6:56

Ama norhe inao heimo ohnong ma nadaya guroh nohsi tap hat patimur. Noh gursi tap hat patmur.

Hibru 3:6

Moses oh be han hat patim atamreisuh hanmura; Krais orhe ma tamreipatnong oh ap nita han orhe brer hat patim orhe atamreindinnong oh pomar yah mat orhorwi atamrein sapat hanmur. Orhe ap hatin hat ma pati han bap diroh mama mihat pati bap dirmur. Dire Orhorwi inahatiprawa daham amam hat ma minhan pati da oh na gapa ham kasip hat orhorwi papayahan ama han dir orhe ap hatin hat pati bap dirmur.

1 Pita 2:5

Eimat paten dasi hat ma pati gurhe kwei hatin hat pati bap gurmur. Ama ihat pati bap gurnong oh Got orhe ros paten ap yawar tam nadara orhe ap nahapatmur. Ama inahat napapat bap gurnong oh Got orhor ongeng nahat napapten hanat bok han nahapatmur. Ma nahapat oh gure dahe Krais ohe dap tei ire apop ma sum naprisheru mat orhor gure dahe ha naprishengwe daham inahapatmur. Gur imat orhornong apriperhan Krais ohe dap tei imat napriya moh yahwa daham amam hapatmur.

2 Timoti 1:14

Pot pisusa Got ohe yah meng oh gwe hrepnong ma matipnong oh ihir aer matipririm orhe Yahsup dire mutuh ma pat Yahsup ohsi diradire ihsen yahnap tit ma boporsi mar paptiru mat orhor apaptenmur.

1 Jon 4:12

Dir Got ohnong na wandeipti han orhora; dir hanip ihirnong da apris bopor mat paptihanoh ama imat bopor mat papti ohe pe oh ama na wandeipti Got orhor dire da mutuh patim ihirnong da apris bopor mat papten ohe da oh dirnong isip mat orhor naprisa pei mat orhorwi napisapatmur.

Rom ihirnong Por oh brak atip ohe meng oh 9:26

Ihtin meng orhor tit ma ohnong potporhan ma brak matip oh mamaru hat patmur. Ire pati tei oh gur norhe nita bap basmur ma gipotip tei oh atei orhor noh it Gurnong oh patru patepra han Got norhe brermur potipramur. ritporhan Hosea oh brak matipmur.

Rom ihirnong Por oh brak atip ohe meng oh 8:9

Oh ina teimdapat er da tarpapat ohe hrepnong mat papat han bap ihirmura; gurnong oh ihat na patimur. Gurnong oh gure mutuh oh Got orhe Yahsup oh patin ohoh orhe hrepnong naham napapatmur. Krais ohe Yahsup oh gure mutuh oh na pathanoh ama han gur Krais ohe nita bap hat na pati bap gurmur.

Epesas 2:20

Dir titwi ma hat pati oh tit ap gonwi hatin hat patimur. Ihat ma pati oh mutuh haw tam ma hat pat oh Jisas Krais orhormur. Mun nanip hat ma pati oh meng pot pisashe hano aposero nuhurmur. Mun nap ma hat pati bap oh gurmur. Ihat tit apwi hat patimur.

Matyu 6:24

Jisas oh giporpat Gin mohnong dahatinmur. Tit han gowi yot han ite atamreindin asoh tapsut orhor tap hat atamreindin hatinda. Basra. Ihat na atamreindin hatinmur. Yot mat orhor atamreihanoh titnong bopor dei titnong na bopor dei hatiprohmur. Tit ohe danong ham titnong kom asar mandatiprohmur. Ihat yot hat na tamreindin ina hat pati ohoh ihan Got orhe danong ham atamreindin ohsi mani ohe danong ham tamreindin ohsi tap hathe na tamreindin ina hat patimur pongopri.

Erer tarpatipra 2:1

Naporpat Gin go Got ohe nita bap Epesas aptei sios wamat papat enser ohnong mama meng moh brak mat atinmur. Beshei merum oh bes oper tandapat marim ao tanggam has mar itin ohe gor kweisi hatpa beshei gwar ire mutuh tandeit uso apiro hapat han norhe mengmur. Ihat pat han norhe meng moh Epesas aptei sios wamat papat enser ohnong brak mat atinmur napotporhan noh ama han orhe meng oh mama brak mat nasar ohmur.

Matyu 16:16

Dahanahatporhan Saimon Pita oh Go Got dipwi patesuhru patru pat han ohe monmur. Go Got oh Noh hanip ihirnong amburin han tit darhetipramur rim ma kis matip han oh gomur pongop.

Jon oh yah meng ma brak matip ohe meng oh 14:23

Potporhan oh Ei. Nohe danong ham ma bopor nahat pati gur nohe mengnongwi amrat patimur. Ama amrapti han gurnong oh at oh bopor nahama nuhut apris gursi eimat napapteprimur.

1 Korin 10:21

Gur Dir Hanipyah orhe heim tomo rim dipera. Mongsup ire wain tom ma asariyahe dipera. Dama Hanipyah ohsi; mongsup ihirsi tit inawi hatper daham kinhat ihtin ina da hatiprohe. Na ihtin hatin hat patimur. Denhe Dir Hanipyah orhe wataho rim dipera. Mongsup ire den ma asariyahe dipera. Dama Hanipyah ohsi; mongsup ihirsi tit inawi hatper daham kinhat ihtin ina da hatiprohe. Na ihtin hatin hat patimur.

Epesas 2:22

Imat dapat ap ohe tan isip mat ma apisapat oh gursi; nuhursi Krais orhe tapnong hat pati bap diradir gonsi tapnong naham tit bapwi nahat napisapatmur. Imat ma napisapat oh Got orhe Yahsup ohe paten apo rim ap isip mat apisapatmur.

Jemis 4:5

Got orhe ritporhan ma brak matpa mengnong moh dahatinmur. Got orhe ma natip danong oh ongeng mat orhorwi pisaya popriya mat sa paptepri daham er matipririm orhor papatmur ritiporhan brak matpamur. Ma giritip mengnong oh Moh be giritip meng ma hapat daham amkar ihat sasipri.

Ruk oh yah meng ma brak matip ohe meng oh 5:36

Giporpat rihohe da ohsi; kopenohe da ohsi sahsah matipririm mama paham meng moh pongopri. Rihohe watah oh tem tahatporhan kopenohe watah oh gatmara bra tit dara rihohe watah temnong na apaptimur. Indeiyahanoh kopenohe watahnong gatmar er deiptimur. Rihohe watahnong oh orhe gon hat patin orhor kopenohe watah bra oh ohe boknong deiyaoh er deiptimur pongopri.