2 Korin 6:13 - Oksapmin

¹³ Ihan nure gurnong da nat pati da oh ti na naremama gonsi gurnong ma napriptiru mat orhor gure dahe nuhurnong imat orhor naprishenmur. Naprishenmur ma napor oh itapir ihir brer ihirnong sawa meng poriptiru mat napormur.

2 Korin 6:13 ပူးပေါင်းရင်းမြစ်များ

Mak oh yah meng ma brak matip meng oh 11:24

Imat tit dawi ham dahandeiyahanoh gure daham ma dahandeiya meng oh Got oh arpin inahapramur.

Garesia 4:12

Nohe kasip hat naporpat mengnong moh nohe taptem gur amratinmur. Noh Juda nuranure sawa meng hrepdapat hat patdapat noh sawa mengnong mandama be han bap gur hatin hat patmur. Ihtin ohoh ihan gurhe Juda nure sawa meng hrepnong hapri. Nohe ma hat patru hat indinmur. Noh gursi patina gur nohnong na inaham yah mat napapinpamur. Ginhe imat ma napaptesheru nahat orhor napaptenmur.

Garesia 4:19

Nohe brera. Gure da oh Krais ohe da hatin isip hat ha songwe rim noh kuu ire brer ake suya ohe batbet hatin hat patmur. Ihtin batbetsi hat patin orhor Krais ohe danong hatin ohe da oh orhe da hatin hayarit noh gure danong ham ma batbet hat pat moh timbas hatipramur.

1 Tesaronaika 2:11

Nure apris gurnong ma napapindiri oh itapir ihir brer ihirnong pomar ma paptiru nahat ma napapindirinong oh gur am hat patimur.

1 Jon 2:1

Nohe taptem brer muka. Nohe brak mat nasarpat meng moh Gur er hat sasipririm noh mama meng napor brak mat nasarpat ohmur. Er hat sasipririm brak mat nasar orhor er hat sayahanhe dire komnong ham itap oh dirnong nitiprarim dire sang ripat han orhorwi patmur. Ama dire sang ripat han oh duung dasi hatwi pat han Jisas Krais ohwimur.

1 Jon 3:18

Ihtin ohoh ihan nohe taptem brer gur atem teidapatwi Nuhur arwananah ihirnong da apris bopor mat paptimur rim be mengwihe girim patepri. Arpin panggeit paptimdapat girit mengrinmur.

1 Jon 3:7

Norhe taptem brer muk gur amratin. Dasuh han ihir apris er da teinong nahatinmat dasuh nahat apripri ohoh ihan gurhe potahat patenmur. Yah hatwi ma sapat han oh Krais orhe duung dasi hat ma pat da hatin hat pat han oh moh ma hapat dahenmur.

3 Jon 1:4

Nohe amam isip hat ma pat oh mamaru hat patmur. Got orhe danong ham norhe brer hatin hat ma pati gurnong oh kat ihirdapat Ihir arpin mengnong moh amram pomat orhor dindeiptimur napotperhan amrama noh ama ihat pati ohe pe oh amam isipnap hapatmur. Be ohe amam oh ama ohe amam hrepdapat hat patmur. Ama amam orhap isip hat patmur.