2 Korin 5:15 - Oksapmin

¹⁵ Oh dirnong bat gwe naham ma haputip oh eimat yah hat paten dasi ma nahat napapat han dir Oh nohe gwemat sa haputip. Oh nohe gwemat sa Got oh it pamsuhup. Ihan norhe dahat son da oh mandama norhe gwemat ma mashup han ohe danongwi hat sapora dahatwi ha patengwe rim gonsi dirnong bat gwe naham haputipmur.

2 Korin 5:15 ပူးပေါင်းရင်းမြစ်များ

Ruk oh yah meng ma brak matip ohe meng oh 1:74

Meng por ma awam tuketip oh Epraham gwe puh ihirnong noh mahaw han ire bes teidapat ambura yah teinong matipramur. Matporhan ihir norhe natamreindin oh kas timbas sa natamreipri.

Jon oh yah meng ma brak matip ohe meng oh 5:24

Arpin gur nohe meng amrama nohnong ma nadarhetip han ohnong Ohwi inahatin hatin hanwa dahayahanoh ama dahaya gurnong oh eimat paten dasi haptimur. Ama gur eimat paten dasi ham yah dasi hat pati ohoh ihan noh gurnong Gur er hanmur napor gure boknonghe nohe heisup da oh na nahatipramur.

Jon oh yah meng ma brak matip ohe meng oh 6:57

At oh eimat paten dasi hat pat han ohoh ihan nohnonghe ama da ohsi naham nadarhetipmur. Ama da ohsi naham nadarhetip ohoh ihan nohe ina boknong ma nadaya gur ama da ohsi haptimur.

Rom ihirnong Por oh brak atip ohe meng oh 12:1

Nohe taptem bapa. Got oh dirnong hinhina da isip nahat napapato rim noh gurnong kasip mengtei napotiprohmur. Ire Got gwemur por apop sum ma apriptiru mat orhor gure da ina oh dasi orhor patim Got orhornong aprishenmur. Imat apin oh Got gorhemur por ongengnap mar pomat papatdapat orhornong aprishenmur. Got oh Imat orhor naprisa ha armi nahengwe dahapat ohoh ihan imat ma apripti oh orhor amam hapatmur.

Rom ihirnong Por oh brak atip ohe meng oh 4:25

Ama da pamsuhup han ohe ma haputip oh dire er hat sapti ohe gwemat Got oh Go was ire er gap hirmat amdam ire gwemat haputinmur por darhetporhan oh arpin wandas dire er gap ohe gwemat haputipmur. Haputporhan it da ma pamsuhup oh orhe dap teidapat dirnong Gur yah han bapmur napotinmat pamsuhupmur.

Rom ihirnong Por oh brak atip ohe meng oh 6:2

Watina. Mihtin nipat meng mohri it daham na riptimur. Dir er danong hatin da oh mandama hapuriya hatin hat pati ohoh ihan dir er danong hatin oh kinhat it hatiprohe. It na ihtiprohemur.

Rom ihirnong Por oh brak atip ohe meng oh 6:6

Dire ina teimdapat tarpam ma er nahapat da ina oh Krais ohsi tap mar irat bok sur garmar mandatpamur. Sur garmar ma mandatpa oh Orhe hrepnong nahat napapat kasip oh ha timbas hatinohmur. Timbas hama hanip dirnong tit han ohe hrepdapat napapat hatin nahat napapat da moh ha timbas hatinoh daham irat bok sur garmar sum mandatpamur. Imat irat boknong sum mandatpa da oh dir daham am hat patimur.

Rom ihirnong Por oh brak atip ohe meng oh 8:10

Krais oh gure mutuh ma pat bap guroh gure ina oh er hat sapti ohe pe oh hapur timbas hatipri orhora; da oh Krais oh gure mutuh oh pat ohoh ihan Got oh gurnong Gur yah hat pati han bapmur ma naporpat ohe pe oh da oh patru eimat patepramur.

Rom ihirnong Por oh brak atip ohe meng oh 8:6

Ama ina teimdapat er da tarpapat ohe danongwi hat pati ihir yah hat paten ohe danong na dara eimat batbet dar paten ohe da oh dat pati bap gurmur. Yahsup orhe danongwi hat ma sapti bap gurhe eimat manap hat yah hat paten ohe da oh dar ihat sapti bap gurmur.

1 Korin 10:33

Nohe ma yah hat sapatru hat orhor gurhe ihat orhor sashenmur. Nohe ma yah hat sapat oh mamaru hat sapatmur. Norhe boknong yah tahat indin ohe danongwi hat na sapatmur. Ihirnong pinggim amam hat paten ohe danong oh pinggim ihat sapatmur. Nohe ma ihat sapat oh ihir Got orhe ambutin hrepnong ha hatingwe rim ihat sapatmur.

2 Korin 12:10

Noh Krais ohe danong hat sapatin nohe ina boknong gapa hat pat ohe pe oh Got orhe kasip oh nohe mutuhnong yah hat tarpama kasip nahat napapatwa dahapatmur. Ihat dahapat ohoh ihan ihir dasei naham inahayao ti han ti han ruumsup oh norhe boknong nahayao naham gapa nahatperhan Nohe gapa hah ohe pe moh Got orhe kasip oh kasip nahat napapatwa daham noh amam hat patmur.

2 Korin 3:6

Orhe imat kasip mat napapat kasip oh komdapat dik natip meng pot pison inasi nahatin ohe kasip ohmur. Ama kasip ohsi nuhur komdapat ohe dik natip meng oh gin mama pot pisapti ohmur. Komdapat dik natip meng oh rih Moses ohe atem tei dik natip meng oh hatin basmur. Rihohe dik natip mengnong oh eimat paten dasi na nahatin meng ohmur. Komdapat dik natip mengnong moh Got orhe Yahsup ohe kasipsi ohoh ihan eimat paten dasi naham batbet dar paten apteinong nahatin ohe mengmur.

2 Korin 5:16

Gin Got ohe danongwi ma hat pati bap diroh kakdah han ire ina teimdapatwi wamar Moh er hanhe moh yah hanhe por ma saptiru hat hanipnong na saptimur. Rih Krais ohe inanonghe wamara Oh mihat sapat han ma hapat por imat orhor sashemur. Gin ma patinong mohri ohnong imat na saptimur.

Garesia 5:25

Ma ihat pati bap dirnong oh Yahsup oh dipwi yah hat paten dasi nahapatmur. Inahapat ohoh ihan gur orhe ama ihat paten da nahapatru hat orhorwi saya apriya hat indinmur.

Epesas 4:17

Gin noh Krais ohe mengtei kasip bok meng moh napotiprohmur. Gur Got ohe danong na hat pati han ire da hat sapti da hatin hat sasipri. Ire ma ihat sapti ohri kwitem dus dam na tarpatin ohe danong ham da hut sapti bap ihirmur. Ihir Got ohe yah meng moh na amratiprohemur daham kom asar na dahapti ohoh ihan Got orhe meih mahan patmura; irarhe meih mahan patimur. Ohsi tap tei hat na patimur.

Epesas 5:14

Tit has teinong ma hapti ohe meng oh mamaru hat riptimur. Hapura timon pat han go kin wataham masona. Masporhan Krais orhe has ohsi has teinong nahatiprohmur riptimur.

Korosi 2:12

Gure orhe boknong ma hat pati oh mamarumur. Gure tom ma wahiri oh orhorsi tap hat hapura orhorsi tap mat mong temnong sein ha nasariya hatin hatirimur. Hapti it tom dahdapat kot teinong ma marhuri oh Krais ohsi haput patimdapat tap hat it ha masaya hatin hatirimur. Ihat it masaya hatin ma hatiri oh gur Got oh kasipsi hat pat han ohoh ihan orhe kasip ohsi krais ohnong ma pamsuhupru mat orhor dirnonghe imat it napamsaprawa daham ama dahaya ohe pe oh Krais ohsi it masaya hatin hatirimur.

Korosi 3:1

Got oh Krais ohnong pamsas orhornong kakhannap matinmat orhe bes oper tannong mat mandatipmur. Imat mandatinmat ma pamsuhup oh dire dahe haput patina orhorsi tap mat napamsasa orhe tapnong nahat yah hat paten dasi nahat napapat ma hapat. Ihan dir orhe putei mahat ma napapat erer oh datipri ma hapat dahat orhorwi minhan patenmur.

Korosi 3:17

Rit susa gure meng rit sapti dao gure ma ihat sapti dao ama ihat sapti da gonsi oh Krais orhe hrepdapat hat patim ihat sashenmur. Ihat susa Got ohnong dipwi weso porwi paptenmur. Dire weso porwi ma papti oh Krais oh mutuh han ham itap ohnong porpat ma hapat daham weso porwi paptenmur.

Korosi 3:23

Gure gonsi erer ma atamreipti oh hanip ire atamreiptiru hat tamreipri. Hanipyah Krais orhe atamreindin oh ma pan hat atamreiptiru hat orhorwi atamrein sashenmur.

1 Tesaronaika 5:10

Krais ohe ma haputip oh dir da patindo haputpa teido apris dirnong nambura orhorsi tap hat ha patengwe rim dire gwemat haputipmur.

Taitas 2:14

Ama minhan pati han Krais orhor Noh ire er nang hrepnong hat pati moh norhor ambura yah teinong matpora. Yah teinong mara ire er gap ahirmara eimat norhe kuuhan hat paten han bap matpora. Mara yah hat pan hat sashen ohe da ohsi matpora daham orhe yah hat paten ohe danong na hama dire danong ham dire gwemat haputipmur. Ama inahapat han orhornong apripra ma hapat daham minhan patimur.

1 Pita 4:6

Ama han bap ihir na haput patin orhor kat han ihirdapat ama han ihirnong Gur amratin. Got oh eimat paten dasi hat pat han ohoh ihan gurhe eimat paten da ohsi hatinmat meng moh pomat amranmur. Mameng moh amram dindeiyahan inamdapat hapur timbas hatipri orhor danong oh na timbas ham eimat patepramur por yah meng oh pot pisashemur.

1 Jon 4:9

Got oh dirnong da napris bopor nahat napapat ohe da oh orhe mon tit pokwi orhor ohnong Gin go wasa ire gwemat haputinmur. Haputporhan gwe ma hapur ohe dap tei oh ihir eimat yah hat paten da sa datipri por orhe mon tit pokwi orhor darhetipmur. Ma imtip oh orhe bopor nahat napapat da oh mon ohe boknongwi mar dirnong namgitipmur.

Erer tarpatipra 1:18

Da dipwi pati ohe da duuptei oh norhorwimur. Noh haputip orhor gin mama da pat oh patru dipdipwi patepramur. Noh hanip hapuriya dao hapur sus da pati apo norhorwi wamat papat hanmur.