2 Korin 4:16 - Oksapmin

¹⁶ Nuhur Got orhor imat napamsapra hano rim nuhur mama meng moh garham mandatpera na dahaptimur. Na daham ina teidapat paser ina hama irat huhup ohe tan timbas hatin ina hat pati ma hapat. Damdapat oh kopenohe paten dasi nahat napisapat ma hapat dahaptimur.

2 Korin 4:16 ပူးပေါင်းရင်းမြစ်များ

Ruk oh yah meng ma brak matip ohe meng oh 11:3

Go den gin din ohe kis oh kis mat napina.

Rom ihirnong Por oh brak atip ohe meng oh 12:2

Da ina imat ma apripti han bap guroh kakdah mama dahat sapti da hatin hathe sasipri. Kakdah mama da hat sapti da moh Got oh dat namdama orhe dahapat kopenohe da ohsi ha nahatinoh. Nahatporhan noh kopenohe da hat son dasi nahah mohsi hat sasipora daham ama kopenohe da ohsi saya apriya hatwi sashenmur. Ihat susa Got orhe Moh yah damur dahapat ohe danong am hayao orhe amam mat papat danong am hayao orhe ihat ha sashengwe dahapat danong yah hat orhor am hayao hat sa sasipri.

Rom ihirnong Por oh brak atip ohe meng oh 7:22

Noh ma ihat pat oh mamarumur. Norhe damdapat Got orhe sawa yah mengnong moh amam ham dimtipora dahapat orhor

1 Korin 15:58

Dirnong ihtin inasi nahat napapat ohoh ihan norhe boporsi taptem bap gure kasip hat ma pati danong oh gapa hamhe mandapri. Kasip hat orhorwi patenmur. Ihat orhorwi patim diradire Hanipyah ohe atamreipti moh be na atamreipti ma hapat daham kasip hat orhorwi patim atamrein sashenmur.

2 Korin 12:15

Na napora gurnong ha yah hatingwe rim nohe erer oh gonsi gurnong napanggeim sus napripatin nohe erer timbas hama norhe ina bokwi hapat ruumsup darhanhe yahwa dahapatmur. Yahwa daham gurnong bopor nahatin da oh isip dapsi mat orhor napisapatmur. Inahapatin gurdapat oh nohnong bopor nahatin ohe da oh gar gar mat ha napisashengwe dahapatda. Basra. Nohe gurnong ma isip mat orhor bopor nahapatru hat orhor gurdapathe nohnong imat orhor ha bopor nahengwe dahapatmur.

2 Korin 4:1

Got orhor yah nahapat han ohoh ihan dirnong hinhina nahama mama ohe tamreindin da moh napin pato rim nuhur garham na mandaptimur.

Epesas 3:16

Ama Got ohnong noh At Gota. At Got go nuhurnong ma napanggeipat ohe da oh isip isipnap hat patmur. Go ihat pat han ohoh ihan gorhe Yahsup oh ire mutuhnong mara Yahsup ohe kasip ohsi ihirnong kasip da mat orhorwi paptenmur.

Epesas 4:23

Rihohe er da oh kom asar kopenohe yah hat son danong ma dahapti da orhap gon gurus ha napotinohmur.

Taitas 3:5

Ma nambutip oh hanip diradire yah hat sapti ohe pe oh ambutpora daham na nambutipmur. Basra. Dir er hat patin orhor orhor hinhina dasi han ohoh ihan dirnong hinhina naham nambutipmur. Ma nambutip oh dire er gap hirmat namdama orhe Yahsup ohsi orhorsi yah hat paten ohe kopen brer nahama kopenohe han nahatipmur.

1 Pita 3:4

Da mutuhnong oh Noh yah mat orhor awat matpora daham awat mar paptenmur. Da mutuhnong ma awat deipti awat oh mamaru hat patmur. Kapkap heisup na hama kimirim manap tung da tei ma sapti da oh awat yahnap na timbas hapat awat yahnap ohmur. Ama da mutuh ohe awat yahnap oh Got oh Ohri duuptei awat yahnap ohmur dahat patmur. Ihat dahat pat ohoh ihan imat orhorwi awat mat paptenmur.

1 Pita 4:14

Ihir Maihir Krais orhe nitamur napor dasei naham inahayahanhe gur Got oh orhe kasip Yahsup oh nadarhetporhan nure mutuh patin inahaya ma hapat daham gur amam henmur.