2 Korin 13:10 - Oksapmin

¹⁰ Hanipyah ohe kasip nohnong ma napin pat kasip oh gurnong eimat er nahatin ohe kasip basmur. Gurnong da nadason matporhan da yah hat ha songwerim ohe kasip oh napin patmur. Ama kasip ohsi noh apris gurnong ha ruumsup nahatipra. Ihan noh na apin patin orhor meng mohri nabrak mar nadarhetpor. Nadarhetporhan gur sama pomta tei noh apriprawa daham meng ohri mama nadarher ohmur.

2 Korin 13:10 ပူးပေါင်းရင်းမြစ်များ

1 Korin 4:21

Gure ihat ma sapti da oh mandama yah hat ha sashengwe rim noh mama brak mat nasar ohmur. Gin guragure dawimur. Gur meng oh na amram ihat orhor ayahanoh noh apris brer ihirnong da adason deipti ohe tan kapor nasar da nadason matipramur. Matipramura; gur ihat ma pati da oh mandama yah hatwi ayahanoh noh apris nohhe da yah ham manap dasi ham meng napotipramur.

1 Korin 5:4

Da ma adason matipri oh Gur diradire Hanipyah Jisas orhe mengtei tap tei hatinmur. Tap tei hapti gur Dir Por ohe dahe dirsi tap hat pat ma hapat. Diradire Hanipyah Jisas ohe kasip ohhe dirsi tap hat napapat ma hapat dahama ama kasip ohsi ama er hat pat han ohnong mamaru matinmur.

2 Korin 10:2

Kat han ihir Por oh kakdah mohe danong hat patim ihat sapat hanmur ma naporipti han ihirnong oh noh apris kasip mengtei potin ina hat patmur. Noh kasip mengtei gurnong inahatiprarim ihan guragure da oh pomtinmur.

2 Korin 10:4

Nure sum timbas deipti oh kakdah morhe dup ban kaw erer ohsi marin patim er danong na suptimur. Got orhe kasip napin pat ohsi er da mahaw bap ire kasip doho hama doho dah treman patinong oh Got orhe kasip napin pat ohsi doho urkamat asar ros suptimur.

2 Korin 10:8

Noh Hanipyah orhe atamreipat han ma hat pat moh orhordapat oh nohnong Go ire danongri aer deipra. Ire da oh akasip mar isip mat orhorwi apisashenmur napor kis nahat napapatin noh mama gure danong nakasip mat napisapat ohmur. Noh ihtin han hat patmur ma ri meng moh norhornong armi tahat patim orhor ginaporpatmur. Norhorhe armi tahatin meng napormur ma napor oh norhorhe na kas hat patmur. Norhe damdapat ihat dahapat handa ihan noh kas hatiproh. Got orhor ihtin inasi nahat napapatin ihpat han ohoh ihan noh na kas hatiprohmur.

2 Korin 13:2

Meng amrama er hat patihan ama er hat pati han ihirnong arpin imtipramur. Noh tipnerip ma apdap oh apris patin gahan sonmat oh gurnong Gur ihat orhor er hat patihanoh noh it bimrip oh ma apripra oh arpin ama er hat pati han gurnong er yan napripramur napor namdapat pipmur. Gin ama napotip meng orhor ginhe it tap meng orhor naporpatmur. Tap meng orhor naporpat ohoh ihan arpin rih ma er hat sapti hano kopen ma er hat sapti hano guragure ma er hat sapti ohe pe oh noh aprisa guragurnong tap nahat arpin er yan napripramur. Tit er hat ma sapat han tit na sam namdatinhe na namdatipramur.

2 Korin 13:8

Gur dahenmur. Nuhur arpin mengnong oh dasuh meng hatin mar amkatin inasi hat na patimur. Arpin mengnong oh isip mat pison inasi hat patimur.

2 Korin 2:3

Norhor gure patinong na aprisa brakwi gurnong natirmur. Brak mat ma natir oh noh gure pati kat apirhanoh norhornong amam da napin han gurdapat norhornong da er naham ina ruumsup napriprikin daham na apdormur. Na aprisa mengwi brak mat natirmur. Gur norhornong amam da napin han gur ohoh ihan gur Nuhur Por ohhe amam hat pathanoh nuhurhe amam haptimur gur ihat dahat pati ma hapat dahapatmur.

2 Korin 6:6

Ihat patim da ongeng mat pisayao dakuu hat ayao kapkap it diteim potin danong na hayao hanip yah mat papindin ohe danong hayao Got ohe Yahsup ohe ma inahat napapat danong hayao ihirnong ina mutuhdapat bopor mat indin ohe danong hayao ihat pati han bap nuhurmur.

Taitas 1:13

Gin Krit ihirhe ohe ma potip mengru hat pati ohoh ihan Got orhe nita bap ihir dasuh mengsi; arpin mengsi tap mat ma marin pati han ihiroh dasuh meng oh mandama arpin mengnongwi marin ha paptengwe rim go kasip mengtei orhorwi ihirnong pomat potinmur.