2 Korin 10:15 - Oksapmin

¹⁵ Noh ire tamreinperhan ire ma tamreiya ohe pe yah hahnong oh noh wamar noh indeirmur rim na armi tahatiprohmur. Got orhe tamreindin napin pat ohe kisnong ohwi tarpatporhan noh wamar armi tahatiprohmur. Gin nohe ma dahapat oh Gure Got ohnong Ohwi inahatin hatin hanwa ma dahapti da oh isip hat ha sonohmur. Isip hat saporhan Got oh Nohnong Gin go han aptei han aptei hat tamrein sashen ohe tamreindin oh Go ihat sashenmur ha napotinoh dahat patmur.

2 Korin 10:15 ပူးပေါင်းရင်းမြစ်များ

Aposer 5:13

Ire ihat ma tarmurishe dahnong oh be han ire pati tapnong oh dir na hatiprohemur daham kas ham ire mutuhnong na maraniptiri. Na marasa ihir be ire winnong adaptuhur armi mar papteniptiri.

Rom ihirnong Por oh brak atip ohe meng oh 15:20

Noh imat meng oh pot ma aptei aptei oh pisapat oh noh Krais ohnong hanhan hat pati bap ihirnongwi meng pot pisapora daham ihirnongwi meng pot pisapatmur. Krais ohnong hanhan hat pati ihirnongwi meng pot ma pisapat oh kat han ihir tit susa ap tam ohe tan mat gonot mandatiri tei noh it tei hatporim ha us hatin hat na sapatmur. Norhe ma sapat oh norhor ap tam gonomo hamo hatinmat norhor ihat sapatmur.

2 Korin 10:13

Got oh nuhurnong Gur ama han ire mutuh oh susa mihat tamreindinmur napor tamreindin kis napin pat kis orhorsiwi tamrein saptimur. Ama kis nahat napapat ohe mutuh oh gur patimur. Gur ihat pati ohoh ihan Nuhur kat han ire kis mat patnong asoh wamara nuhurri ihat sapti han bapmur na ritiprohemur. Nuhur Got ohe kis nahat napapat kisnong mohwi wamara nuhur Nuranure kis nahat napapat ohe kis mohsi nuhur ihat sapti ma hapat daham armi tahaptimur.

2 Tesaronaika 1:3

Nure taptem bapa. Gure ma Hanipyah ohnong Orhorwi inahatin hatin hanwa ma dahat pati da ohsi; arwananah ihirsi da gosat pati da ohsi ama ihat dahapti da yot oh guragure bok oh isip hat saptio rim nuhurhe Ihir ihat saptio rim Got ohnong dipwi weso naporiptimur. Weso ma naporipti oh Got oh ama weso potin da oh nuhurnong napin pat ohoh ihan Got ohnong weso naporiptimur.