2 Korin 10:10 - Oksapmin

¹⁰ Kat ihir Por oh meihdapat da nadapetin meng kasip mengtei inahatin hatin meng oh nasarpato. Kakduup moh apris patim ma naporpat oh gapa han ham gapa meng na dahatin mengwi naporpato giriptimur.

2 Korin 10:10 ပူးပေါင်းရင်းမြစ်များ

1 Korin 1:17

Krais oh nohnong Go ihirnong tom patitin hanmur napor na nadarhetipmur. Nohnong ma nadarhetip oh Go ihirnong nohe yah meng moh porinmur napor nadarhetipmur. Nadarhetporhan noh dakuu han ire kakdah moh ohe dakuu meng napotporhan dakuu mengnong moh dimtipera daham dakuu han ire naporiya mengnong amram dindeiptiru mat gurnong imat na naporpatmur. Nohe ma naporpat oh irat bok ma sur gartahatip ohe meng oh hanip dire danong kasip nahapat mengo rim ohe meng oh amram ha dimtingwe rim kakdah moh ohe dakuu han ire dakuu meng ripti meng hatin mat gurnong na naporpatmur.

1 Korin 1:21

Ma indeipat Got oh dakuu han ohoh ihan oh rih orhor Ihir ire kakdah morhe dakuu mengnong daham am hat sapti ohe pe oh norhornong na am haprimur. Jisas oh irat bok sur gartahatip ohe mengnong na dahatin menghe dahapti mengnong oh amram Arpin napanggeitin menghe dahayahan noh ama ihat gidahaya ihirnong amburipramur dahatipmur. Ama irat bok sur gartahatip mengnong oh nuhur pot pisaptimur.

2 Korin 10:1

Nohanhera. Kat han ihir nohe boknong meng ma nahapti oh Por oh kakduup apris patim oh kas hat patim meng oh pomat na naporpatmur. Meih sus patim oh kasip bok mengtei inahah meng hatin mat naporpatmur napor meng oh nohe boknong nahat napaptimur. Inahapti orhor noh Krais oh orhe danong na ham manap mengtei risuh ohe tan hat orhor gurnonghe noh imat orhor napotiprohmur. Napotporhan gur amratinmur.

2 Korin 10:11

Ihtin meng ma ripti han bap ihir pomat ha dahatingwemur. Noh meihdapat patim kasip mengteido gapa meng teido ma naporpat hanhe oh kakduup apirhanhe tap da meng orhorwi naporipra ma hapat ha dahengwemur.

2 Korin 10:9

Nohe ma nasarpat meng moh gur sama dirnong kas hatin meng nasarpat ma hapat dahatipri.

2 Korin 11:21

Ire watahpei ham gurnong imat ma naporipti meng oh nuhurri kas hat patim ohoh ama ihtin danong oh na hashemur. Gin noh kas hat patim orhor mameng moh napotiprohmur. Gin ire watahpei hat patim ma tohormi taham naporipti meng ohor norhe boknong tohormi tahat patim orhor napotiprohmur. Ama imat tohormi tahat patim napotiproh meng oh noh da ban tahat pat han hatin hat patim napotiprohmur. Ma napotiproh oh gur Por ohnong Krais orhor kis mat papat hanhe ha dahatingwe rim napotiprohmur.

2 Korin 11:6

Noh meng ma naporpat oh han ire kopenat meng potinmat tandeim kas hat meng poriptiru hat patim naporpatmur. Ihat meng naporpat orhor norhe dahat patnong oh amnap han hat patim orhor naporpatmur. Ama dakuu amnap hat pat da oh nohe tamreipat ohe peo norhe meng naporpat ohe peo oh gurnong namgit napisapatmur.

2 Korin 13:3

Noh er yan ma napripra oh gure er hat saperhan Krais orhor gure mutuh patim er yan ma napripatnong oh dahenmur. Orhe ma napripat oh gapa hatin napripatda da kasip hat napripat. Basra. Kasip hat orhorwi napripatmur. Gin nohhe gure patinong apris er yan ma napripra oh ama kasip orhorsi er yan napripramur. Napriporhan gur wamara Por oh tit han tit namgirit nuhur wamara Moh arpin Krais orhe ripat wanin meng oh napor ma hapat ma dahapti da oh pitap teinong matporhan gur am hatiprimur.