2 Korin 10:1 - Oksapmin

¹ Nohanhera. Kat han ihir nohe boknong meng ma nahapti oh Por oh kakduup apris patim oh kas hat patim meng oh pomat na naporpatmur. Meih sus patim oh kasip bok mengtei inahah meng hatin mat naporpatmur napor meng oh nohe boknong nahat napaptimur. Inahapti orhor noh Krais oh orhe danong na ham manap mengtei risuh ohe tan hat orhor gurnonghe noh imat orhor napotiprohmur. Napotporhan gur amratinmur.

2 Korin 10:1 ပူးပေါင်းရင်းမြစ်များ

Matyu 11:29

Noh ahar manap dasi haho noh norhe win na daptuhuro hapat han ohoh ihan nohnong am hama nohe kat tam tei sar pisapat kaw bok oh gur gure kat tam tei sar pisashenmur. Ma pisaya han guroh ina pang hat paten da datiprimur.

Matyu 21:5

Rim ma brak matip meng oh mamarumur. Kaput Jerusarem aptei gur wandeiyaoh gure napapindin han oh kopenohe donki bas oh tongnoma orhe dahe manap han ohoh ihan heisup dasi hat apripatin na wamtiprimur. Yah hat paten ohe manap dasi hat apripatin gur wamtiprimur. rim brak matipmur.

Aposer 8:32

Tongnoma wandeioh ma brak matpa meng moh Ohnong Sipsip sutperim ma pohon supti teinong pisaptiru mat orhor ohnonghe imat pisus sutpamur. Suptin sipsip ihirnong bat agatdeiptin ma kimirit patiru hat patin orhor oh kimirit patin orhor sutpamur.

Rom ihirnong Por oh brak atip ohe meng oh 10:20

Gahan Aisaia oh Isrer ihir nohnong inahatiprohekin daham na kas hama Got ohe meng moh pomat brak matipmur. Ohnong potporhan ma brak matip meng oh mamaru hat patmur. Juda na hat pati han ihir ohe danong hatper daham na angnahapti orhor ihir nohnong wanaham nohe danong haptimur. Ihir Got oh kinhat pat han rim ti na dahatahapti orhor noh ire kinteinong pitap hapatmur. Got oh gipotporhan Aisaia oh brak matipmur.

Rom ihirnong Por oh brak atip ohe meng oh 12:1

Nohe taptem bapa. Got oh dirnong hinhina da isip nahat napapato rim noh gurnong kasip mengtei napotiprohmur. Ire Got gwemur por apop sum ma apriptiru mat orhor gure da ina oh dasi orhor patim Got orhornong aprishenmur. Imat apin oh Got gorhemur por ongengnap mar pomat papatdapat orhornong aprishenmur. Got oh Imat orhor naprisa ha armi nahengwe dahapat ohoh ihan imat ma apripti oh orhor amam hapatmur.

Rom ihirnong Por oh brak atip ohe meng oh 15:15

Noh ihat dahapat orhor nohe kat meng mama brak mat nasar moh kasip mengtei orhor nasarmur. Kasip mengtei orhor ma nasar meng moh Got orhe damdapat orhor Go Jisas Krais orhe atamreindin han hat patim Juda na hat pati han ire mutuh sus hanat bok han hatin hat patim norhe yah meng moh pot pisashenmur napor kis nahat napapat hano rim kasip mengtei napor gure danong napamsapatmur. Imat ma meng napot napisapat moh Got orhe Yahsup oh Juda na hat pati bap gurnong Got orhe ongengnap han bap nahat napapatin Got gwemur por erer oh apriperhan orhor amam hapatru hat orhor gurnonghe imat orhor ha amam nahenoh rim noh mama meng moh gurnong naporpatmur.

1 Korin 2:3

Nohe gurnong ma napot indip oh noh Norhe ina moh gapa hat pat ohoh ihan ihirnong meng oh pomat na potiprohkin daham kas ham ina bupat orhor gurnong meng naporisuhmur.

1 Korin 4:10

Ihat ma pati aposer bap nuhurnong kuuhan ihir Maihir Krais ohe danong hat patim ihat ma sapti oh da timbas hat patim ihat sapti han bapmur naporiptimur. Gure ma dahapti danong oh Nuhur Krais orhe tapnong hat patim dakuu dasi hat pati han bapmur riptimur. Nuhurnong Ihir kasip timbas han hat patimur naporiptimur. Gure ma dahapti danong oh Nuhur kasip hat pati han bapmur guragur giriptimur. Nuhurnong Maihir win timbas hat pati bap gurmur napor dasei nahaptimur. Guragure ma dahapti danong oh Nuhur winsi han bap hat patimur dahaptimur.

1 Korin 4:21

Gure ihat ma sapti da oh mandama yah hat ha sashengwe rim noh mama brak mat nasar ohmur. Gin guragure dawimur. Gur meng oh na amram ihat orhor ayahanoh noh apris brer ihirnong da adason deipti ohe tan kapor nasar da nadason matipramur. Matipramura; gur ihat ma pati da oh mandama yah hatwi ayahanoh noh apris nohhe da yah ham manap dasi ham meng napotipramur.

2 Korin 10:10

Kat ihir Por oh meihdapat da nadapetin meng kasip mengtei inahatin hatin meng oh nasarpato. Kakduup moh apris patim ma naporpat oh gapa han ham gapa meng na dahatin mengwi naporpato giriptimur.

2 Korin 10:2

Kat han ihir Por oh kakdah mohe danong hat patim ihat sapat hanmur ma naporipti han ihirnong oh noh apris kasip mengtei potin ina hat patmur. Noh kasip mengtei gurnong inahatiprarim ihan guragure da oh pomtinmur.

2 Korin 10:7

Gur nohe ma ihat pat danong na wanahama be ina teimdapatwi wanahapti Oh be ihat pat hanhe dahaptimur. Iham Nohwi Krais orhe mengtei atamreipat han ma hapat ma dahah han go it potahat dahatinmur. Ma dahatiproh oh Nohwi Krais orhe atamreipat han bas ma hapat. Por ohsihe nutanut arpin Krais ohe mengtei tap atamreipti han yot ma hapat sa dahatipra.

2 Korin 11:21

Ire watahpei ham gurnong imat ma naporipti meng oh nuhurri kas hat patim ohoh ama ihtin danong oh na hashemur. Gin noh kas hat patim orhor mameng moh napotiprohmur. Gin ire watahpei hat patim ma tohormi taham naporipti meng ohor norhe boknong tohormi tahat patim orhor napotiprohmur. Ama imat tohormi tahat patim napotiproh meng oh noh da ban tahat pat han hatin hat patim napotiprohmur. Ma napotiproh oh gur Por ohnong Krais orhor kis mat papat hanhe ha dahatingwe rim napotiprohmur.

2 Korin 11:30

Noh norhe inanong moh armi tahatin inasi nahat napapat ohoh ihan noh armi tahat indin meng oh napotiprohmur. Armi tahat indin meng ma napotiproh oh kasip hat patim ma indeipat ohe armi tahatin meng oh na napotiprohmur. Gapa hat patim ma ihpat meng oh armi tahatin ohe meng hatin mat napotiprohmur.

2 Korin 12:5

Ma ihtip oh Got oh inahatip ma hapat daham ama ihtin ohe penong daham armi tahatiprohmur. Norhe kasip ohe boknong daham na armi tahatiprohmur. Norhe gapa han hat ma pat ohe boknongwi daham armi tahatiprohmur.

2 Korin 3:12

Ama na timbas hatin has yah meng oh nuhur pot pisaptio rim nuhur na kas ham watahpei hat orhorwi gonsi meng oh naporiptimur.

2 Korin 5:20

Inahat napapat han nuhur ohoh ihan nuhur Krais orhe mengtei orhe meng pot pisapti han bap nuhurmur. Orhe meng pot ma pisapti oh Got oh nure atem tei tongnoma orhorsi mahaw hat pati han gurnong Gin gure Got ohsi mahaw hat pati da oh mandama orhorsi yah han hat paten ohe danong hatinmur napor kasip mengtei dipwi napot napisaptimur.

2 Korin 6:1

Nuhur Got ohe tapnong ham atamreipti han nuhuro rim Got orhe damdapat orhor Imat yah matpor daham yah nahat orhor ma napapat bap gurnong orhe inahapat danong oh wa hapri. Damsi hat orhorwi ha patengwe rim nuhur mama kasip mengtei naporipti ohmur.

2 Korin 7:4

Gure da oh nuhurnong napriprohewa daham nohe ma dahat pat meng gonsi pitap teinongwi mar mama naporpat ohmur. Noh gurnong armi nahatin da orhorsiwi hat pat ohoh ihan tihan tihan ruumsup oh nohnong naptahat napapathanoh noh na gapa ham amam hama pan hat orhorwi patmur.

Garesia 4:13

Gur am hat patimur. Nohe kopenat ma apdap oh noh sik hat patim apdapmur. Aprisa gurnong yah meng oh napot indipmur.

Garesia 5:2

Gin Por norhe ma napotiproh meng moh gur amratinmur. Kat ihirdapat gurnong Gur eit watah oh gatdeiyahanwi yah han bap hatiprimur naporiya mengnong oh gur amram Yahwa. Nagatmatina poriyahanoh Krais ohe dirnong napanggeim ma haputipnong oh dam timbas na napanggeitin ina mar ihaptimur.

Epesas 3:1

Got oh dirnong tit bapwi nahat napapato rim noh gure ihat paten meng oh Got ohnong nadahadeipatmur. Noh gure imat nadahandeipat han noh Krais Jisas orhe han hat patim Juda na hat pati han bap gurnong napanggeit napisapat ohe pe oh karapus nahat patimur.

Epesas 4:1

Noh Got ohe atamreipat hano rim karapus nahat patimur. Karapus hat pat han norhor Got oh Krais ohe kasip ohsi inahapato rima noh kasip meng tei gurnong mama meng moh napotiprohmur. Got oh Gur norhe nita kuuhan bap hama mihat sa sasipri daham ma kis nahatipru hat orhorwi gurhe ihat orhorwi sashenmur.

Piripai 4:5

Hanipyah ohe it aprin oh kakduup hah ma hapat daham gur ahar manap da tei hat patim meng pot pisashenmur. Ihat pot pisaptin ihirhe gurnong wanahama sa am hapri.

Korosi 1:23

Ihtin han bap hat patim nohe patnong ha apringwe dahat pat ohoh ihan gur ongeng tahat indin ohe dao. Got ohe danong hat sapti ohe dao ohri kom asar mandapri. Kasip hat orhorwi marin patenmur. Ihat ayahanoh nambutipra ohoh ihan kasip hat orhorwi paptenmur. Gurnong yah meng napotperhan amrama Orhor ama ihtin han erer oh napripra ma hapat daham ma minhan pati danong ohri wannong pranahat napisaprohe ohoh ihan imat pranahat napisaprarim kasip hat orhorwi marin paptim minhan patenmur. Ama yah meng oh ire among among gonsi pot pisapti ohe meng oh nohnonghe ama tap meng orhor pot pisashen han kis nahat napapatmur.

2 Tesaronaika 3:17

Gin gurhe sa pati napor mama nabrak dei meng moh Por norhe bes tei mama nabrak dei ohmur. Noh brak ma nasarpat oh ihir brak matperhan pepe kapkep meng oh norhe bes tei mimatwi brak mat nasarpatmur. Gur Por orhe bes tei brak mat natirhe ha dahatingwe rim norhe bes tei brak mat mama nasar ohmur.

Pirimon 1:19

Arpin orhor natipra ma hapat ha dahatinoh rim Por norhe gwe yan oh arpin natipramur napor norhe bes teidapat mama brak moh brak mat nasar ohmur. Gwe ama yan gar oh noh natin hatin hah ohoh ihan noh natipramur. Gomdapat nohnong yan nahat ma pat oh nohe meng naporpat ohe pe oh go eimat paten dasi hatirmur. Gwe ma ihtir ohe pe oh nohnong yan isipsi na napin hatin yan hat patmur. Ma pat oh gorhor am hat patmur. Ihan ihtin meng oh noh na napotiprohmur.

Pirimon 1:9

Noh gonong Aw go imat ambutina napotin orhora; noh gonong bopor nahat napapat ohoh ihan gonong Imat ambutina na napotiprohmur. Gorhordapat Noh imat ambur papinpora daham ha imtinoh rim noh Go imat ambutina na naporpatmur. Noh Krais Jisas ohe nitao rim karapus nahat napapti han bat Por noh gonong napotin ina hat pat orhor gonong imat na napotiprohmur.

1 Pita 2:11

Nohe yah han bopor nahat napapat han bap gurnong oh kasip mengtei napotiprohmur. Gur kakdah moh kakun hohop han bap hat pati han bap gur ohoh ihan gure da mutuhdapat tarpam er nahapat da oh eimat kom asar mandanmur. Ama er da oh orhap tarpapat da oh Got orhe apteinong son ohe yah danong sum naer deipat ohoh ihan ama danong oh eimat kom asar mandanmur.

Erer tarpatipra 1:9

Noh guragure nita Jon noh brak mat mama nasar ohmur. Diradir Jisas ohe nita bap dir Got orhe napapindin hrepnong hat pati bap dirmur. Ama ihat pati han dirnong be han ihirdapat Jisas ohe nita hat pati han bap ma hapat daham ina ruumsup napriptimur. Ina ruumsup diradir titwi daripti han dirmur. Ina ruumsup napripti orhor Jisas orhe tapnong hat pati ohoh ihan dir na gapa ham kasip hat orhorwi saptimur. Noh Got ohe mengsi; Jisas ohe arpin meng ma napor mengsi pot pisapatin ama ohe pe oh ihir nohnong inahama tom goh Patmos mongnong nang natpam namdatpamur.