2 Korin 1:8 - Oksapmin

⁸ Nohe taptem gur amratin. Nure Esia mong patin ina ruumsup ma datpa ohe meng oh gur am ham ha dahatingwe rim noh mameng moh napotiprohmur. Ama ruumsup oh gar ruumsup basmur. Isipnap ruumsup oh naptahatporhan nuhur Isip ruumsup naptahah moh nuhur gin hapuriya ma hapat dahatpamur.

2 Korin 1:8 ပူးပေါင်းရင်းမြစ်များ

Aposer 16:6

Gahan Got orhe Yahsup oh Poro ihirnong Gur nohe yah meng moh Esia mongnongri pot na pisaprohemur potporhan ihir arpin amongnong na susa Prigia mongo Garesia mongo ama mong ohe aptei apteinong oh meng pot pihipari.

Aposer 19:41

Pora Gin guragure apteinong kukut sonmur por ihirnong okmar darhengopri.

Aposer 2:9

Dir among among nitatdapat ma apris pati oh Patia mongo Judia mongo Midia mongo Eram mongo Mesopotemia mongo Kapadosia mongo Pontas mongo Esia mongo

Rom ihirnong Por oh brak atip ohe meng oh 1:13

Nohe taptem gur mohnong dahatinmur. Nohe da oh dipwi gure patinong apripora dahapat orhor apripor ihah tei oh ti da ti da oh apris mandap gatnahapatmur. Noh gure patinong apripora ma dahat pat oh nohe mong mong mama Juda na hat pati han bap ihirnong noh meng pot pisapat ohe pe oh ire Krais ohe danong ma hapti da oh gurhe ihat ha dahat patengwe rim noh apripor dahapatmur.

1 Korin 15:32

Noh Epesas aptei pati han ihirnong kot samin ihirsi gusuptiru hat orhor meng ma potir oh kakdah morhe timbas hatin ohe danongwi hat patim ihtirneng noh yan oh kian yan datirneng. Kakdah morhe timbas hatin yan ohoh ihan noh yan ti na datirnengmur. Hanip dire da oh it na masaprineng ihan kat han ire ma Dire kimsi hapur timbas hatipri ohoh ihan gin da patim morhor den dayao tom dayao hat inpera daham ma daptiru hat orhor patepera dahapatnengmur.

1 Korin 4:8

Gur Nuhurri yah hat indin ohe danong oh isip ham teip hat orhorwi patimur. Nuhurri kamah han hat patimur. Nuhurri nure kakhan hat ma pati oh Poro ire naporipti ohe pe oh na ihat patimur. Nuranure daham ma ihat pati ohe pe oh kakhan hat patimur rim gur ihat armi tahat patimur. Epe. Gur ihat pati han bapda. Gur kakhan bap ha hatingwe dahapatmur. Gur ihat kakhan bap hatperhan nohhe diradir tap hat kakhan hatper dahapatmur.

2 Korin 1:9

Ihat daham nuranure haputin dik oh gin mama napir oh ma hapat dahatpamur. Dahatpa orhor Got ohdapat nuhurnong Ihir nuranure kasip ohsi ihaptikin ma dahapti da oh ha mandatingwe. Mandayarit norhe hanip haputperhan it da pamsapat ohe kasip mohsi mar pinggitpora. Pinggirit ihir Gin orhe pamsapat kasip ohsi nahah ma hapat dahat ha patengwe rim ama kasip oh namgitipmur.

2 Korin 6:9

Han gonsi nure ihat tamreiptinong oh am hat pati orhor kat han ihirdapat nuhurnong Maihir be han bap ire meng na amratin inasi hat pati han baphe naporiptimur. Nuhurnong haputin ina hat pati orhor nuhur mama pati ohmur. Kat ihir nure danong dason naham inahapti orhor nuhur na hapur da patimur.