1 Timoti 6:17 - Oksapmin

¹⁷ Timoti go kakdah morhe erernong ma kamah han hat pati ihirnong kasip mengtei porinmur. Kamah han gur kakdah timbas hapat han ohe danong ham erer ruumsan mohoh nohnong yah nahatipra ma hapat. Ihan nuhurwi yahnap hat pati han bapmur dahapri. Got orhornongwi Orhorwi yah nahatipra han ma hapat dahenmur. Ama han Got oh Ihir da yah ham amam hat ha patengwe daham erer oh yah mat orhor ruumsan napripat han ohoh ihan orhe danongwi hat patenmur.

1 Timoti 6:17 ပူးပေါင်းရင်းမြစ်များ

Aposer 14:17

Imat wanahat napaptesuh orhor orhornong Oh ihat pat hanhe daham am hatin ohe da oh na remama orhe yah erer ma naprisuh ohe dap tei oh namgisuhmur. Imat ma namgisuh oh aw teimdapat tom pamdira mong moh gapa mar den tohan pa nadam deio den yah mat orhor napiro amam hat indin ohe da oh napiro ama ohe dap tei oh orhe da oh namgit napaptesuhmur potpari.

1 Timoti 4:10

Arpin meng ma hapat dahapti ohoh ihan dipwi pat Got oh kakdah han bap gonsi dirnong namburin han ma hapat. Namburin han hat pat ohoh ihan arpin orhe danong hat ma pati bap dirnong nambutipra ma hapat daham minhan wamat patimur. Inahatipra hanwa daham kasip hat orhor atamrein saptimur.

Matyu 19:23

Saporhan Jisas oh orhe namgit napisapat han nuhurnong Noh arpin meng napotiprohmur. Ihsen ruumsansi ham kamah han hat ma pati han ihiroh Got ohe napapindin hrepnong hatinmat kinhat son ham butahaptimur.

Taitas 2:12

Pitap teinong mara Gin gur norhe yah da pitap teinong dei moh wandeipti gur Got norhornong kom nasar er hat sapti ohe dao kakdah han guragure ina teimdapat tarpam Noh ihtipora noh ihtipora daham ma er hat sapti ohe dao ama ihat sapti danong ohri kom asar mandatinmur. Mandama kakdah morhor patim potahat daham saya apriya hat ayao yah hat son ohe danong hayao Got orhe dahat pat danongwi hat ayao hat sashenmur.

Korosi 3:16

Imat paptin Krais ohe meng oh Norhe mutuhnong orhornong am hatin ohe da oh pomat isip mat pisapora daham isip mat pisashenmur. Isip mat pisonmat oh dam tarpatin meng oh am goshayao sawa meng gospot sayao hat sashenmur. Ihat susa arpin Got ohnong weso potin ohe da ohsi hama rotu hapti gao Got orhe ga ritporhan ma brak matpa ohe gao Yahsup orhe napripat ohe gao ohwi Got orhornong weso potin da orhorsi patim ama ga tei oh sawa meng gospot saya apriya hat sashenmur.

Ruk oh yah meng ma brak matip ohe meng oh 19:2

Sus wandeiyaoh ihsen erer ruumsansi han takis mani daripti han ire duuptei han Sakias oh patgopri.

Rom ihirnong Por oh brak atip ohe meng oh 11:20

Gatmat ma mandatir oh iraire Ohwi inahatin hatin hanwa na dahapti ohe pemdapat gatmat mandatirmur. Mandama gin Juda na hat pati han bap gurnong ma it dip nahat napapat oh guragure yah hat sapti pe inahat na napapatmur. Damdapat Orhorwi inahatin hatin han ma hapat dahapti ohe pe ohwi inahat napapatmur. Ihan gur Nuhur yah hat pati ma hapat daham armi tahat sasipri. Ihat armi tahat sus ohe danong hatin ohe da oh mandayahanoh Rih arpin tenong gatmat mandatip ma hapat. Gin nuhurnong be te hat pati moh atnap gatmar namdatiproh ma hapat daham kas hat orhorwi patenmur.

2 Timoti 4:10

Nohsi patesuh han Demas oh kakdah mohe paten danong isip hama nohnong namdama Tesaronaika apteinong pipmur. Ma napanggeit napapti han ihiroh Kresens oh Garesia mongnong sus patmur. Taitas oh Darmesia mongnong sus patmur.

1 Timoti 6:13

Erer gonsinong paten dasi mat papat han Got ohe kinteio Jisas Krais oh Pontias Pairat ohnong Hanip Brer noh ihat pat hanmura; ihat pat hanmura pomat ma gipotip han ohe kinteio ama han yot ite kintei noh kasip mengtei gonong mama napor nasar meng moh gori kasip hat orhorwi dimar paptenmur. Ama danong oh er maro bisei mar amkaro matiprarim yah mar dimar orhorwi papatin Jisas Krais oh sa apripra.

1 Timoti 1:3

Noh rih Masedonia mongnong saporim gonong kasip mengtei Go Epesas ap mutuh morhorwi patenmur ma napotipru ginhe it tap meng orhor napor mama brak mat nasar ohmur. Go Epesas ap mutuh orhorwi patim kat han ihir Got ohe meng pomat na rima dasuh mengnong Got ohe meng hatin mar rit sayao rih pohon ma pateshe mengnong orhor dahat ayao hanip han ropir han ropir ma pateshe ire win na timbas hatin ohe dapnong ohwi dahat ayao hat ma pati oh ama ihat pati danong ha timbas hatingwe rim go baso potinmur. Ama da oh Got ohe danong hat sapti danong oh na napanggeima sakarap goshat son ohe danong ohwi nahat napisapat da ohmur. Ihan ama inahat napisapat danong oh ha timbas hatinoh rim go baso potinmur.

1 Tesaronaika 1:9

Mong mong ama ihir am hama gure boknong ma ripti meng oh mamaru hat riptimur. Ihirdapat oh Tesaronaika gure boknong ihir Got ohe nita bap ma pati ihir Poro ihir Tesaronaika apteinong saperhan ihir amam da tei orhor ambutiriri. Amburipti meng amram dasuh got apsupnong mandatiriri. Mandama arpin Got patesuhru patru patepra han orhe han ham atamreinpera daham orhe atamrein han bap hatiriri.

Epesas 5:5

Nohe ma napotiproh meng moh gur arpin ma hapat dahat pati meng oh napotiprohmur. Mamarumur. Bisei saw goshat sapti ihiro imah mian ire da hatin hat er hat sapti ihiro nohewimur por ma abap mat pisapti ihiro ama bap ihir eimatnap Kraissi; Got ite napapindin hrepnong na hatipri bap ihirmur. Erer oh nohewimur por ma abap mat pisapti han bap ihir ama erernong iraire got hatin mat paptim ihat saptimur.

Aposer 17:25

Ihtin Got oh erer oh timbas hatporhan hanip dirdapathe ohnong na panggeitin hatin Got ohmur. Orhordapatwi dirnong naho dao erer oh napripat han Got ohmur.

Aposer 14:27

Desa Antiok aptei oh koripti Gin sios bap ihir ha tarmutingwe ritperhan ihir tarmutperhan ihirnong Got oh Juda na hat pati han ihir Jisas ohwi inahatin hatin hanwa dahatin ohe mandap oh amanhetporhan ihir Arpin ohwi inahatin hatin han ma hapat dahatirimur pora Got oh ite bes teidapat imat panggeit pihir ohe meng oh gonsi potpari.

Mak oh yah meng ma brak matip meng oh 10:24

Potporhan ihir ameng oh amrama da darhetperhan Jisas oh it Brera. Got orhe napapindin hrepnong hatinmat kinhat son ham butahaptimur.

Matyu 27:57

Gahan kwihan Arimatia ihir kamah han Josep oh Jisas orhe danong hat pat han Josep oh ama apdap oh.

Matyu 6:32

Got ohnong hanhan hat pati han ihir ama ohe danong isip hat pati ohoh ihan gur ire tan hapri. Ita aw tei pat han oh gwe ma hatip hah oh am hat pat ohoh ihan gur da darheripri.

Taitas 3:6

Ma inahatip oh orhe Yahsup oh diradire namburpat han Jisas Krais orhe dap teidapat dire mutuhnong isip mat orhor namtipmur.

1 Timoti 5:21

Nohe imat meng pomtinmur ma napor meng moh noh Got ohe kinteio Krais ohe kinteio yahnap enser ire kinteio oh kasip mengtei mama napor ohmur. Ihan Timoti gorhe da ohri Moh er hanhe Moh yah hanhe por satin da ohri hat patim satipra. Go potahat dahataham manap da tei orhor sanmur.

Matyu 12:32

Hanip Brer nohnong dasei nahayahanoh ama ohe yan oh natimbas matin hatin mat patmur. Mat patmura; Yahsup ohnong dasei deiyahanoh ama ohe yan oh gino kaputo orhorsi na natimbas matin hatin hat patmur.

Ruk oh yah meng ma brak matip ohe meng oh 3:11

Por dahamtiperhan oh Gur watah yot hat patihanoh tit watah timbas hat ma pati han ihirnong aprishenmur. Denhe timbas hat pati han ihirnong ti aprishenmur ama potip oh.

1 Timoti 6:9

Ihat na dahama Noh kamah erer ruumsansi han hatpor ma dahapti ihir iraire Ihtin hansi hat patineng ma dahapti ohe er da oh pramat pisusa ambir temnong deipatmur. Matporhan da ban tahat patim Titsi datpor. Titsi datpor ma dahapat da oh ihirnong er mara timbas deipatmur.

2 Pita 1:11

Ihat daham kasip hat orhor ayahanoh ama ihat pati han gurnong oh Got oh Hanipyah namburpat han Jisas Krais orhe eimat dipwi ma napaptepra apteinong ha rongwe rim Marona napor amam da ohsi isip naham nambutipramur.

Matyu 25:16

Sapatin orhor 5,000 kina ma dar han oh 5,000 moh ohe pe oh isip ha hatinoh daham ohe pe oh titsi ambur isip matipri. Isip mat pisus patin it 5,000 tit ohe boknong matipri.