1 Timoti 5:10 - Oksapmin

¹⁰ Ama kuu ihir brer ihirnonghe pomat papayao hohop han ihirnong ambura papayao Got ohe nita bap ihir apriperhanhe ire tong agahmar papayao ruumsup hat pati ihirnong panggeim papayao ama ire kin tei ihat yah hat tamrein sapti kuu tahem ire winnongwi asarinmur.

1 Timoti 5:10 ပူးပေါင်းရင်းမြစ်များ

1 Timoti 6:18

Gur dahat orhorwi patima ihirnong yah mat orhor panggeiyao ihirnong pan mat isip mat orhor apriyao mat pisashenmur pora ama ihat kamah hat pati ihirnong kasip mengtei pot pisashenmur.

Taitas 3:8

Nohe ma napor meng moh arpin dam timdin meng ohoh ihan Taitas go ohe danongwi kasip hat patim orhor kasip mat orhor Got orhe danong ham Ohwi inahatin hatin hanwa ma dahapti kuuhan gur yah danongwi ham yah hat orhorwi sashenmur porinmur. Yah hat sapti ohe da oh kuuhan gonsi ihirnong panggeitin yahnap da ohoh ihan yah hat orhorwi sashenmur porinmur.

Aposer 9:36

Pita oh Rida aptei patin Jisas ohe meng amrapat kuu tit Jopa aptei ama patesuh oh. Uhe win oh Tabita uhmur. Tabita ma porishe oh Grik ire mengtei Dokas uhmur porishemur. Uh ihir erer oh timbas hatperhan ihirnong pandemo ihirnong panggeim yah maro paptesuh kuu uhmur.

Taitas 3:1

Taitas go Got ohe nita hat pati kuuhan ihirnong Gur gapman bap kakhan hat pati han ire hrepnong hat inpera daham ire hrepnong hat patim ire naporiya meng oh marim amram dindeinmur. Dimara ire yah tamreindin ohnong oh tamreindina naporiyahanoh naporiya meng oh gur damdapat pan hat pati da orhorsi tamreinmur.

Taitas 2:7

Pora Taitas gorhe us apir ma hahnonghe yah hat orhorwi pinggim sashenmur. Ihat pinggit sapatin ihirhe gorhe yah hat sapatnong oh wanahama ihirhe ihat yah hat orhor sa sasipri. Ihat susa meng ma am mar poriprahe go arpinnap mengwi porinmur. Deinin meng hatinmathe poripra. Da darherpat pomat mengwi porinmur.

2 Timoti 3:17

Imat ma napisapat oh dir Got orhe atamreindin ohe kasipo dao oh napriporhan ti yah han ti yah han ohe tamreindinnong oh mamen tahat ha patengwe rim inahapatmur.

Rom ihirnong Por oh brak atip ohe meng oh 12:13

Got orhe nita bap guragur hatip hat patihanhe gospanggeit patenmur. Wan aptei han ihir apriyahanhe ambur pomat paptenmur.

Ruk oh yah meng ma brak matip ohe meng oh 7:44

Arpinmur pora tamburkes rim kuu uhnong wandeipat Saimon ohnong Gin Saimon go kuu mauhnong wamtinmur. Noh gwe ap mama mara oh nohe tong gahmatin ohe tom oh yohom na napirmur. Kuu mauh urhe kin tom ohsi nohe tongnong moh nagahmara urhe kak bat ohsi nahirdeimur.

Matyu 5:16

Amaru hat orhor gure yah hat ma sapti da oh ihir ha wanahatingwe rim gure has da oh pitap tei orhor paptenmur. Imat paptin ihir wanahama ita put tei mahat ma pat han ohe win oh adaptuhura sa isip matipri pongopri.

1 Pita 2:12

Mandanmura; Got ohnong ma hanhan hat pati han bap ire kin tei oh yah hat saya apriya hatin ohe yah da orhorsiwi saya apriya hat patenmur. Gur ihat yah hat saptin orhor ihir gure yah hat sapti danong oh wanahama am ham orhor Maihir er hat sapti bapmur napor inahaptimur. Ama ihat pati bap ihir kaput Got ohe pepe dik apris ma nasatipra dik oh Epe. Dir maihir yah hat saptin orhor ihirnong indeishe ma hapat daham Got orhornong armi matiprimur.

Hibru 13:21

Ama imat pamsuhup han Got go gorhe ma ti da ti da dahapat danong dinahatin ohe tihan tihan kasip da oh apris paptenmur. Imat apris papatim gorhe Noh ire mutuh oh ihat patin yaho ma dahapat da oh Krais ohe heim dap tei oh nure mutuhnong namtinmur. Krais gonong nuhur dipwi armi naham napapten hano rim mameng moh napormur. Arpinwa.

Hibru 13:2

Ihat patim hohop han ihir gure ap apriyahanhe ambur papten danong mandapri. Ambur yah mat paptenmur. Kat han ihir Moh be hanip bap ihir apripti ma hapat daham ambur panggeishemur. Basra. Kat enser ihirnong ambur papteshe ohoh ihan hanip ihir apriyahanhe gur ambur paptenmur.

Hibru 10:24

Ihat minhan patim arwananah ire danong ham gospanggeipti dao yah hat sapti ohe dao oh ha isip hat sonoh rim kasip goshat orhorwi sasipera.

Taitas 3:14

Krit ihir gospanggeit indin ohe danong asoh na hat pati bap ohoh ihan Got orhe nita kuuhan bap ihir gospanggeit indin ohe danong asoh na hama be patepririm Taitas go ihirnong Gur beheri gapa hat patepri. Kat kuuhan ihir ire din hano erer oh hatip hat patihanhe moh panggeitin kat oh patin orhor dir kapkap na panggeiyahan er hatiprohekin daham ama ihat hatip hat pati kuuhan ihirnong panggeitin ohe da oh kasip hat orhor am ham pomar panggeit paptenmur porinmur.

Taitas 2:14

Ama minhan pati han Krais orhor Noh ire er nang hrepnong hat pati moh norhor ambura yah teinong matpora. Yah teinong mara ire er gap ahirmara eimat norhe kuuhan hat paten han bap matpora. Mara yah hat pan hat sashen ohe da ohsi matpora daham orhe yah hat paten ohe danong na hama dire danong ham dire gwemat haputipmur. Ama inahapat han orhornong apripra ma hapat daham minhan patimur.

Ruk oh yah meng ma brak matip ohe meng oh 7:38

Aprisa Jisas ohe tongnom hios rit patim den dapat buh pe puh oh apris tandeingopri. Tandeipat yimangopri. Yimtiporhan kin tom oh Jisas ohe tong bas oh wanporhan urhe kak bat ohsi ahirdeingopri. Ahirdeipat tongdapat amam mara urhe gapgwesi tom san oh durker ohe tongnong amongopri.

3 Jon 1:12

Demitrias ohe ma patnong oh Got orhe nita kuuhan ihir Oh yah danongwi ham yah hat sapat hanmur riptimur. Ire ma riptiru oh Got orhe arpin mengnong dindeipat ohe pe oh oh arpin ihat yah hat sapat han ma hapat daham am haptimur. Nohdapathe Oh arpin yah hat sapat hanmur ma ripat oh gurdapathe Jon oh arpin mengwi ripat han ohoh ihan orhe ma ripat meng moh arpin meng ripat ma hapat daham am hat patimur.

1 Pita 4:9

Hanip ihir gure patinong apriyahanhe yah da tei orhor ambur paptenmur.

2 Timoti 3:15

Go brer gar hat patin orhor Got orhe ongeng mat papat yahnap meng oh ritporhan ma brak matpa meng oh gonong napor am nahatperhan go amrama daham am hat patesuhru patru patmur. Ama am hat pat meng oh hanip dirnong da nadapetporhan Krais oh inahatin hatin hanwa dahatperhan Got oh nambutin inasi nahapat ohe meng ohmur. Inahapat meng ohoh ihan ama meng orhorwi kasip ham marin orhor paptenmur.

2 Timoti 2:21

Gur ihat pati bap ohoh ihan gur er danong oh kom asara yah danong ohwi ongeng mat paptenmur. Imat ongeng mat papayahanoh Hanipyah oh ama ihat pati gurnong oh Gur yahnap han ma ap it pati ohe tan hat pati gurmuro. Gur Got orhemuro rim pomat ongeng mat it pati bap gurmuro napotipramur. Ama imat naporpat han bap gur orhe yah atamreindin erernongwi atamreindin mat mamen tahat pati han bap gurmur.

2 Timoti 1:5

Dahama gorhe ra Roissi; gorhe sua Yunis ite Got ohe danong ma hat patesheru hat orhor gwe dahe arpin ihat dahat orhorwi Got ohnong Ohwi inahatin hatin hanwa go ihat dahat pat ma hapat daham noh Got ohnong weso naporpatmur.

1 Timoti 5:25

Yah hat ma sapti dahe amaru hat orhor am haptimur. Kat ihir iraire yah hat sapti da oh pitap teinongwi mat pisaptin kapkap wamar am haptimur. Kat ihir iraire yah hat sapti da oh kapkap pitap teinong na deiptin wamar kapkap na am haptimur. Kaput komdapatwi pitap teinong matperhan wamara Moh ihat yah hat patesuh hanhe daham am haptimur. Hanip da oh ihat am hapti ohoh ihan kapkaphe Moh nure napapten han matpera rimhe kis deipri.

1 Timoti 2:10

Ihir Nuhur Got ohe nita hat pati kuumur rim iraire yah hat saptiru hat orhorwi ha patengwemur. Ihtin kuu bap hat patim kat kuuhan ihirnonghe panggeit ha pisashengwemur. Ire ihat Got ohe danong hat patim arwananah ihirnong panggeit ma pisapti da oh awat yahnap an pati hatin hat saptimur.

Korosi 1:10

Imat ma nadahandeipti oh Hanipyah orhe hrepdapat hat patim yah hat sapti dao orhe bopor mat pat ohe dao ama da ohsiwi hat ihir ihat ha sashengwemur. Ihat susa Got gorhornong am hatin ohe dao yah hatwi sashen ohe dao oh isip hat ha sashengwemur.

Epesas 2:10

Orhor nambutin inasi nahat napapat moh rih orhor Got oh Krais Jisas orhe tapnong hatipri bap ihir mama yah da mama yah danong hat sa sasipri daham ama yah da oh mamen mat natipmur. Mamen mat nasara ama mamen mat natip yah danong hat sashen ohe inasi naham kis naham napapatmur.

Aposer 22:12

Namdatperhan noh patin ama aptei han ihir Ananais sawa meng amrapat han ama Juda ihirhe Moh yahnap hanmur ma poripti han oh apingop.

Aposer 10:22

Potporhan ihir Kornirias ami han ire duuptei han oh nadarhetirmur. Oh Got ohnong kas ham ohe meng amram yah hat pat hanmur. Juda han ihir gonsi ohnong oh yah hanmur poripti hanmur. Gin Got ohsi pati da enser ihir yah han tit ohe pat aprisa Gin Pita ohe meng oh ha amratinoh rim Pita ohnong ambura gwe patnong moh ha popringwemur. Aprisa gonong meng sa napotiproh potirmur. Ohnong imat potporhan ohdapat nuhurnong nadarhetporhan gin nuhur gonong mama nambur apripti ohmur pongopari.

Aposer 9:39

Susa aptei kotperhan Pita ohsi tei ohe ap dahnong prungopari. Pruperhan oh ruporhan kuu tahem ihir yimat apris ohnong paper mara Watah moh uhe ma nahapat watah oh mohmur. Gin gohe wamtinmuro pora yimat tit pinggingopari.

Aposer 6:3

Ihan gure mutuh amdapat beshei han dakuu Got ohe Yahsup oh ire mutuh oh kasip mat papatsi han ihirnongwi kis matinmur. Kis matperhan den erer ohe atamreindin oh ihir ha atamreingwe rim ire bes teinong mat mandatiprimur.

1 Timoti 5:16

Krais ohe danong hat pati kuu ihir iraire heim taptem tahem tit pathanoh Moh norhor pat ohoh norhor panggeit papteprohwa. Sios ihir tahem bisei trun ihirnong ma papti oh ihat ha paptengwemur. Ihan nohehe norhe tahem mauhnong papteprohwa daham ha paptengwemur.

1 Timoti 3:7

Sios na hat pati han ihirhe wamara orhe us apir hat patnong asoh wamara Moh ohe boknong matin meng oh timbashe. Yah hat pat ma hapat dahat ma pati han asohwi kis deinmur. Ihir wamara Yah hat na pat ma hapat dahat pati han asoh kis deiyahanoh ihirdapat ohnong dasei matperhan oh da er hama noh mandatpora daham Satan ohe ambir temnong hatipra ohmur. Ihan yah hat us apir hapat han asohwi kis deinmur.

1 Timoti 3:2

Arpin yahnap ohe tamreindin ohoh ihan guragure kintei yahnap hat ma pat han asohwi kis deinmur. Yahnap hat patin ma kis matiprohe han oh mamaru hat pat han ohnongwimur. Kuuhe tit kuu pokwi ma dat pat han ohmur. Dahatin dahe potahat dahama kak tongnot ma pat han ohmur. Ire kintei asoh ma yah hat us apir hapat han asohwimur. Hanip gonsi ihirnong ma norhe yah hanwimur por amburpat han ohmur. Da nadapetin meng ma naporpat han ohwimur.

Matyu 25:17

Mani 2,000 kina ma dar han ohehe tap da orhor matporhan it 2,000 kina ohe boknong matipri.