1 Timoti 4:2 - Oksapmin2 Ihat ma dindeipti han bap ihir er danong na kas hama yahwi hat sayao dasuh danongwi isip hat sayao hapti han bap ihirmur. အခန်းကိုကြည့်ပါ။ |
Ama ihat pati han bap ihiroh Hanipyah orhe danong hatinmat na ihapti han bap ihirmur. Iraire ina teimdapat er da tarpam tohormi tahat son ohe danong hat sapti han bap ihirmur. Ama ihirdapat Nuhurnong er nahatin han bap ihat apripti ma hapat ma na dahat pati ihirnong oh ambar yah meng tei pora gapa mar wan mandapnong pramat pisapti han bap ihirmur.
Ama mongsup er bap ire atem kat maraya bap ihir hanip dire na wandeipti da ma deipti mongsup bap ihirmur. Ihir marasa aw pe mong pe ohe kakhan bap ire patinong susa Gin gur kasipnap Got ohe isipnap dik ma natip dik oh gin hah ma hapat dahatinmuro. Daham ohsi gusutinmat tap tei hatinmuro pora ambur tap teinong matinmat ambur sangopa.
Ihir Noh arpin Kraismur. Noh arpin propetmur napor Got orhe Maihir norhe nitamur por kis nahat napapat han gur guragure arpin Gotnong mandama ihirnong ha dimtingwe rim gure kintei wandeipti na wandeipti han deiyao hat dasuh nahat apripri ohoh ihan gur ire meng amrapri. Gur Got ohe kis nahat napapat brer gur ohoh ihan gur ihtin mengnong oh na amratin inasi hat pati bap gurmur.
Porpat Jisas oh tit meng tit gipongopri. Gur ihir Nuhur Got ohe meng poripti han nuhur apriyamur dasuh nahat apriprohe ohoh ihan potahat watahat indinmur. Ihir ina teimdapat sipsip ire manap ham yah hat pati da hatin hat apripri orhor ire mutuh ohon kotwa hanip nipat han hatin hat apripri ohoh ihan gurhe inin hat orhor watahat patenmur.
Hanip yah ham orhor hatin hama it brer gar ire dahapti da hatinhe na hapti ohe da ohmur. Brer gar ire dahapti da hatin hat ma pati han ihir mamaru hat dahat patimur. Dasuh han ihir aprisa manap mengtei dakuu meng hatin mat meng poriyao Moh arpin dakuu hanhe dahatin ohe da pinggiyao haptin ihir Arpin dakuu meng naporiya ma hapat daham ti meng ti mengnong oh ihir amram dindeiptimur. Ti meng ti mengnong amram dindeipti ihir tom hru tei ohe manduu kat ma inim oh mer mat pisao popiro deipat hatin hat patin pramar pisaya popriya mar papti han bap ihirmur.