1 Timoti 3:16 - Oksapmin

¹⁶ Ama dire yah hat paten arpin meng nareman papat meng oh Got oh pitap teinong matir meng moh wanohe arpin meng yahnap meng tit ma hapat daham mama ga ripti meng hatin mat ripti ohmur. Krais oh hanip hapat pitap hatipmura; pitap hatipmura. Pitap hapat orhe ongeng tahat yah hat sapatin Got ohe Yahsup oh orhe yah hat ma sapatnong oh namgitipmura; namgitipmura. Enser ihir wandeishemura; wandeishemura. Orhe meng oh aw pe mong pe han gonsi pot pisaperhan ihir amram arpin ohwi inahatin hatin hanhe dahashemura; dahashemura. Dahatperhan Got oh orhe yahnap teinong pihipmura; pihipmura. rim mama ga oh ripti ohmur.

1 Timoti 3:16 ပူးပေါင်းရင်းမြစ်များ

Matyu 1:23

Ma brak matip oh Kaput kuu horhor tit be bokdus ake hama brer mon itipramuro. Itporhan winhe Emanuer oh potipramuro rim ma brak matip meng oh dam timdipmur. Emanuer ma porishe oh Got oh dirsi tap hat pat hanmur porishemur.

Matyu 13:11

Napotporhan orhe namgit napisapat han nuhur ohe duupnong susa Go ihirnong ma am deipat meng moh kianorim paham mengteiwi porpat por dahamtipa.

Matyu 28:2

Sus wandeiyaoh bipi isip ma apir tap Hanipyah ohe enser tit aw teidapat wandasa or sar apatiri kwei tan moh dapurkem dapurkem mat pisusa kwei bas orhor tongnot patgopri.

Matyu 3:16

Patitporhan Jisas oh tom dahdapat marpatin orhor aw tan mahat tanpura Got orhe Yahsup oh ner kurwam hatin hat wandasa ohe bas oh tongnongopri.

Matyu 4:11

Gipotporhan Satan oh mandama sangopri. Saporhan Got ohe atamreipti han enser kat ihir aprisa papangopari.

Mak oh yah meng ma brak matip meng oh 1:13

Susa kot apop ire tap sa indeipri. Kot apop ire tap patin Satan oh aprisa Jisas ohe da oh er hat ha sonoh rim da akis mat angopri. Da akis mat patin sande dophei ritipri. Sande dophei ripat Got ohsi tap hat pati han enser ihir aprisa kasip mar ama papinpa oh.

Mak oh yah meng ma brak matip meng oh 16:19

Jisas oh ameng oh pot mandatporhan Got oh ambura Gin ita nohe bes yahnap oper moh tongnotina potporhan sa tongnotipri.

Mak oh yah meng ma brak matip meng oh 16:5

Tanput pathan ihir tem ros wandeiyaoh ire roya ohe oper tandapat Got ohsi ma pati da ihir kopen han tit aprisa watah has tan tit ara tongnot patgopri. Tongnot pathan ihirhe kas ham sein bupang ritpari.

Ruk oh yah meng ma brak matip ohe meng oh 2:32

Ama namburin han oh Juda na hat pati han bap ihirnong am mar amburin ohe has han ohmuro. Gorhe han Isrer dirnonghe has isipsi nahat has nahat napapten han ohmuro. pora Simion oh Got ohnong weso por ama armi matip oh.

Ruk oh yah meng ma brak matip ohe meng oh 20:44

Depit orhor imat Krais ohnong Norhe Hanipyahmur ma potip oh ohri hat pat hano rim Norhe Hanipyahmur potipmur. Ihan gin kinhat it orhe puh hatporhan oh Depit ohe puhmur potiprohe pongopri.

Ruk oh yah meng ma brak matip ohe meng oh 22:43

Por dahamtiporhan Got ohe meng pisaya popriya hapti han enser ihir tit han oh aw tei mahatdapat wandasa Jisas ohe danong ama akasip matip oh.

Ruk oh yah meng ma brak matip ohe meng oh 24:4

Na pathan ihir wamar Epe. Hanip sein moh kinmata sa daham da trun trun darhetpari. Darhera watahayaoh han yot tit ire duup oh tandeit patingopari. Ite watah ma an pati oh amsama hatin has hat orhor patingopari.

Ruk oh yah meng ma brak matip ohe meng oh 24:51

Imat por apripatin orhor Got oh ambur aw teinong mahat pruhum mandangopri.

Jon oh yah meng ma brak matip ohe meng oh 1:14

Ama da meng namgitin han oh Got ohsi patdapat kakdah wandasa hanip ina hapat kakdah indipmur. Kakdah ma indip oh Got oh Noh norhe brer tit hanwi moh orhe boknong bapkei mar has dasi matpora daham orhe boknong hassi mat orhorwi papatin dir wamara Moh Got orhe arpin has ohsi mat papat ma hapat daham dir am haptimur.

Jon oh yah meng ma brak matip ohe meng oh 13:3

Den daptin Jisas oh Noh rih at Got orhe pat teidapat apdap ma hapat. Aprisa erer oh at oh norhe kasip hrepnong namtiporhan norhe kasip hrepnong mar papat ma hapat. Gin noh mama kakdah mong moh mandam it at orhe pat teinong son kakduup hah ma hapat dahama den dapatdapat tandeima orhe tei ohe watah oh daphot sara tahor tit dara bok mutuh moh parpar tahangop.

Jon oh yah meng ma brak matip ohe meng oh 15:26

Inahapti orhor noh gurnong napanggeit napapten Yahsup oh nadarhetipramur. Ma nadarhetipra oh arpin meng ohe duuptei ohe Yahsup ohmur. Ama Yahsup oh nadarhetporhan oh at ohe patdapat aprisa nohe ihat ma pat meng oh Oh ihat pat hanmura; ihat pat hanmura napor meng oh am nahapramur.

Jon oh yah meng ma brak matip ohe meng oh 16:28

Noh rih at ohe pat teimdapat kakdah wanhupmur. Gin it at ohe pat son hahmur. Son hah ohoh ihan kakdah moh mandama at pat sapramur napongop.

Jon oh yah meng ma brak matip ohe meng oh 17:5

Ihat ohoh ihan ginhe rih go mong erer oh na tarpat patin orhor nohnong winsi han naham nadaptuhut napaptesuhru it ginhe amaru hat orhor inahatinmur pongop.

Jon oh yah meng ma brak matip ohe meng oh 20:12

Wandeipat Got ohsi pati da enser yot ihit has watah yot tit ara tit oh Jisas ohe sein itiri ohe kak apit pemdapat ama tongnot pat hatip oha; tit oh aduup apit pemdapat ama tongnot pat hatip oh.

Jon oh yah meng ma brak matip ohe meng oh 6:62

Hanip Brer noh it norhe patesuh teinong rupatin gur wanahayahan gur atnap dasei naham kom natiprikin.

Aposer 1:19

Ihtiporhan Jerusarem ap mutuh mama pati ihir amrapti Judas ohe ake oh oktahat wanhupo rim mongnong Akerdama poriptimur. Akerdama ma poripti oh heim mongmur ma poripti ohmur.

Aposer 10:34

Kornirias oh ameng oh potporhan Pita oh Gin noh am hahmur. Got oh Noh mama han bap maihirnong panggeitpor. Mama han ihirnong na panggeitpor na dahapat han ohmur.

Aposer 14:27

Desa Antiok aptei oh koripti Gin sios bap ihir ha tarmutingwe ritperhan ihir tarmutperhan ihirnong Got oh Juda na hat pati han ihir Jisas ohwi inahatin hatin hanwa dahatin ohe mandap oh amanhetporhan ihir Arpin ohwi inahatin hatin han ma hapat dahatirimur pora Got oh ite bes teidapat imat panggeit pihir ohe meng oh gonsi potpari.

Aposer 20:28

Ihtin ohoh ihan guragure danonghe pomar paptenmur. Pomar paptim Got orhe Yahsup oh gurnong Mama Got orhe nita kuuhan bap ihirnonghe gur wamat paptenmuro napor kis nahat napapat ohoh ihan gur ihirnong pomat orhor awamat paptenmur. Got oh nohe nita bapwi ha hatingwe daham orhe mon ohe heim ohsi mohotip bap ihir ohoh ihan gur ihirnonghe pomat orhor awamat paptenmur.

Rom ihirnong Por oh brak atip ohe meng oh 10:12

Ritporhan ma brak matpa oh Got oh Juda hat pati han irarhe hat patimura; Juda na hat pati irarhe hat patimur daham ameng oh ritipda. Basra. Juda hat pati bapsi; Juda na hat pati bapsi Got orhor tit bapwi nahat napapatmur. Inahat napapat han oh diradire gonsi Hanipyah tit pokwimur. Ama inahat napapat han ohnong dir Gorhor nuhurnong napanggeitina por dahamtiperhan orhe damdapat Noh imat bapkei matpora ma dahapat da oh ama imat dahandeiya han gonsi dirnong tap mat bapkei naham isip mat orhor napripatmur.

Rom ihirnong Por oh brak atip ohe meng oh 10:18

Juda hat pati bap Isrer ihir meng na amraptida. Basra. Ihir gonsi amraptimur. Gonsi amrapti ohe meng tit ma brak matip meng oh mamaru hat patmur. Got ohe meng oh aw pe mong pe mong mong moh gonsi sapatin amram am hat patimur. rim brak matipmur. Ihan amratin oh amrapti orhora; dimtinnong oh kat tit na dindeiptimur.

Rom ihirnong Por oh brak atip ohe meng oh 16:25

Nohe yah meng napot napisapatru hat orhor Got ohhe inahat orhor kasip nahat napapten han Got orhormur. Nohe ma napot napisapat meng oh Jisas Krais orhe yah meng orhor napot napisapatmur. Ama napot napisapat yah meng oh rih orhor treman patesuhru patesuhmur. Gahan ama ihat treman patesuh meng oh Got orhor pitap teinong mar papatmur.

Rom ihirnong Por oh brak atip ohe meng oh 16:26

Pitap teinong mar ma papat oh rih orhor patesuhru patru patepra Got oh Propet ihirnong rit asarpat meng moh kaput among among pati kuuhan bap gonsi ihir ha amratingwe rim pitap teinong matipramur. Pitap teinong matporhan ihir amram am hama arpinhe daham sa dindeipri daham reman paptesuhmur. Reman paptesuhdapat gin pitap teinong matporhan orhe ma dahatipru gin among among pati kuuhan ihir gonsi amrama am haptimur.

Rom ihirnong Por oh brak atip ohe meng oh 3:4

Basra. Got oh arpin han ohoh na yawar matin hatin hat pat hanmur. Kuuhan ire patinong asoh wamara Maihir dasuh han bap hat patihe daham am haptimur. Got ohe ma patnong oh ihat dasuh han hat na pat hanmur. Oh arpinwi pat hanmur. Arpin han hat ma pat oh Depit ohe atem teinong Got oh rit atporhan ma brak matip meng oh mamaru hat patmur. Got go kuuhan ihirnong ma satipra oh arpin duung dasi hat pat han orhor nasam inahah ma hapat daham am hatiprimur. Kat han ihirdapat gonong Go dasuh han ihat pathe naporiyahan ma naporiya ohe pe oh dam ti na pat ohoh ihan gwe boknong nahatin menghe timbasmur. rit atporhan Depit oh brak matipmur.

Rom ihirnong Por oh brak atip ohe meng oh 8:3

Dire boknong nahatin meng timbas hat ma pati moh diradire kasip ohsi ihat na patimur. Ina teimdapat er da tarpam pranahat napisapat ohe kasip oh Got ohe sawa mengnong amram dimtin danong oh gapa nahat napapat ohoh ihan dir kinmat diradire kasip ohsi dimtiperhan dire boknong nahatin meng timbas hatiproh. Ihtin kasip oh diradir timbasmur. Got orhorwi ihtin kasipsi han ohoh inahapatmur. Ma inahapat oh orhe mon Krais orhornong darhetipmur. Darhetporhan oh er hat sapti han dire ina ham dire gwemat apdapmur. Ihat apriporhan itap orhor er hat sapti han dire batbet er nang oh orhe boknong mara dire bat gwe han mar sutipmur.

Rom ihirnong Por oh brak atip ohe meng oh 9:5

Ama han bap ire ropir ihiroh nuranure duupteinap awher ihirmur. Ama awher duuptei han ire puh ire bokdapat Krais oh hanip brer tarpam apdapmur. Ama apdap Krais oh dire kakhan titwi ham erer gon moh orhe hrepnongwi naham napapat han Got orhormur. Orhornongwi dipdipwi armi mar papten han ohmur. Arpinwa.

1 Korin 15:47

Kakdah morhe ohri patesuh han Adam oh Got oh mong morhorsi darpapat kakdah morhe paten han mat mandatipmur. Komdapat ma apdap han Adam oh aw tei mahat ohe eimat paten ina dasi hat ma pat han Adam oh kakdah moh apdapmur.

1 Korin 2:7

Got orhe dakuu yah meng ma naporpat oh rih orhor mong na darpat patin orhor Kaput noh ihirnong mimat yah da apris pitap matiprawa daham reman paptesuh dakuu meng orhor naporpatmur.

2 Korin 1:19

Sairaso Timotio nuhur Got orhe brer Jisas Krais oh mihat pat hanmura; mihat pat hanmura ma napotiri han oh tandapat dawa ripat tandapat es ripat handa. Basra. Dawa. Noh inahatiprohwa ripat meng orhorwi ripat hanmur.

Garesia 2:8

Arpin Got oh Pita ohnong Go Juda ire mutuh oh nohe natamreindinmur por ma kasip mar darhetipru nohnonghe Gin go Juda na hat pati han ire mutuh oh nohe natamreindinmur napor kasip naham nadarhetipmur.

Garesia 4:4

Ihat patin gahan Got oh Noh adik darhetiprawa ma dahatip dik oh hatporhan arpin orhe brernong darhetipmur. Darhetporhan kuu uh brer ake hama itipmur. Itporhan Juda ire sawa meng hrepnong ham amrat patesuhmur.

Epesas 1:9

Got orhor imat napapatin orhor orhe da orhor Noh kaput Krais orhe ma imtipra dap tei oh noh kakdah ohe erero putei ohe erero oh gonsi tit dawi deipat Krais orhe hrepnongwi mar orhornong kakhan matipramur dahatipmur. Orhe hrepnongwi matiprawa daham ma reman patesuh da oh gin pitap teinong matipmur. Ama pitap teinong matip da oh orhe ma dahatip dik oh hatporhan dam timama mamen matipramur.

Epesas 6:19

Ihirnongwi basmur. Nohnonghe gur At Gota. Por oh gorhe hanip dire hanhan hat pati meng oh ritpor ri tei oh gorhor ohe pang teinong tongnotinmur. Tongnotporhan gwe yah meng ma treman pat meng oh Por oh watahpei hat orhorwi pitap teinong mar pot ha pisashenohmur rim nadahandeinmur.

Korosi 1:23

Ihtin han bap hat patim nohe patnong ha apringwe dahat pat ohoh ihan gur ongeng tahat indin ohe dao. Got ohe danong hat sapti ohe dao ohri kom asar mandapri. Kasip hat orhorwi marin patenmur. Ihat ayahanoh nambutipra ohoh ihan kasip hat orhorwi paptenmur. Gurnong yah meng napotperhan amrama Orhor ama ihtin han erer oh napripra ma hapat daham ma minhan pati danong ohri wannong pranahat napisaprohe ohoh ihan imat pranahat napisaprarim kasip hat orhorwi marin paptim minhan patenmur. Ama yah meng oh ire among among gonsi pot pisapti ohe meng oh nohnonghe ama tap meng orhor pot pisashen han kis nahat napapatmur.

Korosi 1:27

Dire kinteinong pitap teinong ma matip oh Got oh Gin norhe areman papat meng moh norhe nita ire da teinong mar pitap teinong matpora. Indeirit ihir wamara sa am hapri daham dire da teinong mar pitap matipmur. Ama pitap teinong matip meng oh mamaru hat patmur. Krais oh Juda na hat pati han bap gure mutuh oh napapten hanmur. Imat napapatim bapkeisi naham yah hat napapten han ma hapat dahatin ohe da ma nareman papatesuh da oh pitap teinong matipmur. Inahat napapten han ohoh ihan gur Got orhe has yahnap dasi hat pat ohe da oh datipri ma hapat daham minhan patenmur.

Korosi 1:6

Ama yah meng oh gonsi aptei aptei ma pip meng oh gurnonghe napotpamur. Napotperhan gur amrapti Got orhe damdapat Yah matpora daham yah nahapat da oh arpin datpamur. Datperhan ama dariya sut orhor ama yah da dam mat napisasuhru dam mat orhorwi mama napisapat ohmur. Gurnong ma inahapatru mat orhor among among ma pati tihan tihan bap ihirhe meng amram arpin menghe dahatperhan isip mar dam mat pisapatmur.

Korosi 2:2

Noh ihat ma kasip hat tamrein apripat oh guragur bopor gosham tap hat ayao damdapat kasip hat orhorwi ayao guragur ihat sa patepri. Ihat patim gur Got orhe Krais ohnong Ihat patesuh hanhe ihat pat hanhe dahatin ohe meng ma nareman paptesuh meng oh gur gonsi pomat orhorwi daham sa am hatipri daham noh mama ihat sapat ohmur.

2 Tesaronaika 1:10

Ma imtipra oh Got orhe ma Noh ama dik oh Hanipyah ohnong pitap matporhan orhe nita bap hat patim Ohwi inahatin hatin hanwa ma dahat pati kuuhan ihir ohnong armisi da maro amam maro sa hatipri ma dahat pat dik orhor imtipramur. Orhornong armi mar ma imtipri oh nuhur gurnong meng napotperhan gur amram arpin meng naporiptihe daham orhornong am hat pati bap gursi; diradir tap hat orhornong armi matiprimur.

2 Tesaronaika 2:7

Ama ernap han oh pitap teinong hatiprarim gaheimat papat orhor ama han ohe er da oh ahar tarpat sapatmur. Ahar tarpat sapatin orhor pitap hatiprarim mandap gaheimat papat han Satan ohnong Got oh dar wan teinong mara ernap han ohnong pitap teinong matipramur.

1 Timoti 3:9

Rih na amrashe treman patesuh meng pitap teinong matir meng moh arpin menghe daham tit dawi hat ma pati ihirnongwi kis deinmur.

Hibru 1:3

Orhe boknong mar meng napor ma darhetip brer ohhe mamaru hat patmur. Itap orhor hatin hat patin itap orhe has yah da oh mon orhe boknong has mat papatin dir wamar am haptimur. Orhe meng oh kasipsi han hat pat ohoh ihan orhe meng kasip hrepnong mar mong erernong moh kasip mat papatmur. Ihtin han ohoh ihan oh dire er hapti ohe bisei er gap oh nahirmar yah naham napapten han hatipmur. Hapat putei mahat ma armi mar papti kakhan orhe bes oper tannong ham tongnom wanahat napapatmur.

Hibru 12:2

Sakatinmat oh dire Got ohwi inahatin hatin hanwa ma dahapti da ohe duuptei oh Jisas orhe bokdapatwi tarpam patmur. Tarpam patdapat ama da ohsi dirnong yah nahapatmur. Inahat pat hano rima orhornongwi kin duung pot orhorwi sakarinmur. Jisas oh Itap ohe mamen mat nat pat amam da oh noh datiprawa daham batbet datin ohe danong na hamo irat bok sur garnaham kas inasi sa nahatipri ohe danong oh dasei deio deipat irat bok sur gartaham batbet dar haputipmur. Hapur susa masas susa itap Got orhe tongnot pat tei bes oper tandapat tongnotipmur.

Hibru 7:7

Got orhe bapkei mat papten meng ma porpat han oh tandaptuhut pat han ma hapat. Amrapat han oh porpat han orhe hrepdapat hat pat ma hapat dahaptimur. Ihan Merkisedek oh meng porpat han ohoh ihan oh tandaptuhut pat han ma hapat dahaptimur.

Hibru 8:1

Nohe ma naporpat meng moh gur Dire hanat bok duuptei han oh ihtin kasipsi hat pat han ma hapat ha dahatingwe rim noh mama meng moh naporpatmur. Ama ihat pat hanat bok duuptei han oh rusa aw tei mahat yahnap kakhan hat ma napapat han oh Got orhe bes oper tandapat tongnom napapatmur.

1 Pita 1:12

Aperiptin Got oh Gin mama propet aperipti han gure napanggeitin meng basmura; komdapat ma tarpatipri han ire panggeit papten mengmur por pinggitipmur. Komdapat ire panggeit papten mengmur ma potip oh gin mama pati kuuhan gure boknong naham ginapotipmur. Gurnong ama napanggeitin ohe meng oh Gin Got oh aw tei mahatdapat orhe Yahsup oh darher meng napotin han nure mutuhnong matporhan nuhur am hama aprisa ama ohe kasip ohsi ama yah meng oh napotperhan gur daham am hat patimur. Gure ama amrapti meng orhor enser ihir Nuhurhe ama meng mutuhnong am hatiprohenengo dahapti orhor hanhan hat patimur.

1 Pita 1:20

Ma namohotip oh Got oh rih orhor aw tan mong tan moh na darpat patin orhor Got oh kaput Krais oh ihat hapura orhe heim ohsi imat amohotipramur daham mamen mat paptesuhmur. Mamen mat papatdapat gahan gurnong napanggeitinmat pitap ham namohom haputipmur.

1 Pita 1:21

Ama namohom haputip ohe dap tei oh gurhe Got orhorwi inahatin hatin hanwa dahat patimur. Got oh Krais ohnong it da pamsasa armi mar win isipsi papten han matipmur. Got oh Krais ohnong imtipo rim ihan dirnonghe inahatipra ma hapat daham minhan patimur.

1 Pita 3:18

Krais ohe ihtipnong oh gur dahenmur. Krais oh yahnap duutin dasi hat pat han orhor dire er hat sapti ohe batbet yan oh orhe boknongwi matipmur. Ma imtip oh oh Ama batbet yan oh norhe boknongwi nahatporhan nohe ma haputiproh ohe pe oh ihir Got orhe duupnong sa hapri daham tit dahwi haputipmur. Ma haputip oh kuuhan ihirdapat oh eimat ha haputinoh rim ina teinong sutpa orhor Got oh eimat paten dasi mar pamsas pihipmur.

1 Pita 3:22

Jisas Krais oh ama Got ohe mengnong kom asar hapurishe da ihirnong meng poro hama itap ohe pat aw tei mahat rus itap orhe bes oper tan armisi tandapat ham tongnotipmur. Bes oper tannong ma hatip oh itap oh Noh ensero kakhan hat pati supo ama kasip erer oh gonsi mon ohe hrepnongwi matporhan orhor bes oper tandapat tongnot patim ihirnong sa paptepra daham orhe bes oper tannong matipmur.

1 Jon 1:2

Ama dirnong paten dasi nahatin ohe da oh orhe boknong hat pat han oh nure kinteinong pitap hatipmur. Pitap hatporhan nuhur wamara Arpin oh ihat pat hanwa daham nuhur am hama gur Oh ihat pat han ma hapat ha dahatingwe rim noh mama meng napor brak mat nasar ohmur. Ama ihat pat han oh da dipdipwi patesuhru patru patepra han oh itap Got orhorsi tap hat patdapat pitap hatporhan nuhur wamtipamur. Nure ma wandeishe ohe meng oh gin gurnong napot napisaptimur.

1 Jon 3:5

Gur am hat patimur. Krais orhe bok oh er dahe timbasnap han ohmur. Ama han oh dire er da hat sapti da oh hirmat namdatinmat kakdah moh wandas pitap hatipmur.

1 Jon 3:8

Er hat ma sapat han oh rih orhor er hat sasuhru hat sapat han Satan orhe brer hat patim ihat sapat ma hapat dahenmur. Ama er hat sapat han ohe er hat sapat danong amkar atimbas matinmat Got orhe brer oh kakdah moh wandas pitap hatipmur.

Erer tarpatipra 17:5

Urhe kinbi tei win oh paham win tit patgop. Ama paham win oh aptei aptei gonsi ma bisei saw hat er hat sapti ohe sup hatip ap mutuh oh winsi Babiron ap mutuh mohmur por Babiron ap mutuhnong kis mar kuu uhe kinbi teinong brak matpasi kuu uh patgop.

Erer tarpatipra 17:7

Da trun trun darherpatin enser oh Go kinham da trun trun darherpat. Gin noh kurwah beshei kaksi; kathei ambahsi kurwah ohe meng ohsi; kurwah orhe bas tongnot pat kuu ite ma ihapti danong oh gur na dahat pati meng oh pitap teinong mar napotiprohmur.

Erer tarpatipra 7:9

Ihat mandatporhan noh wandeioh kuuhan wanohe tam ban na satin hatin ban tit tarmut mandaya hangop. Ama ihir aw pe mong pe among among ina nitatsi han bapo ambap ambap bapo among among nitatsi bapo ameng ameng nitatsi bapo ihir watah has dapsi ara gaku rin tan marima mutuh ap tan tongnot pat hansi; sipsip bap ite rumkin dason oh tarmut mandaya hangop.