1 Timoti 2:7 - Oksapmin

⁷ Orhor ihat pat han ohoh ihan Por nohnong Gin go Juda na hat pati han bap ihirnong norhornongwi dahatin ohe arpin meng oh pot pisonmur napor kis nahat napapatmur. Noh arpin ihat pat han ohoh ihan noh arpin meng naporpatmur.

1 Timoti 2:7 ပူးပေါင်းရင်းမြစ်များ

Aposer 9:15

Potporhan Hanipyah oh Es. Ama han ohnong noh Go norhe kasip meng mohsi kak hat pati hano Juda na hat pati hano Isrer hat pati hano ihirnong norhe kasip meng mohsi am mat pisonmur.

2 Timoti 1:11

Ama yah mengnong oh nohnong Go ihirnong pot pisusa am mat pisashenmur napor nohnong kis nahat napapatmur.

Rom ihirnong Por oh brak atip ohe meng oh 9:1

Krais ohe tapnong hat pati diroh dasuh menghe na ripti ohoh ihan Krais orhe tapnong hat pat han noh arpin meng napotiprohmur. Norhe da oh noh arpin meng ripat han ma hapat dahapatmur. Yahsup ohdapathe Go arpin ripat hanmur naporpatmur.

Garesia 2:9

Gahan duuptei hanmur ma porishe han Jemiso Pitao Jono ihirhe wanahama Got orhe damdapat Por ohnong kasip deipat ma hapat. Kasip matporhan ama kasip ohsi mama tamreindin moh tamreipat ma hapat dahatpamur. Dahama diradir tap tamreindin moh tamreipti ma hapat dahama Banabas nuhutsi we gosatpamur. We gosaripti Gur Juda na hat pati han bap ihirnong meng pot pisasiprimura; nuhur Juda ihirnong meng pot pisasiprimur goshapti tit dawi hatpamur.

Garesia 1:20

Noh Got ohe kintei ohoh ihan arpinnap meng napormur.

Garesia 1:16

Ma nahatip oh Got orhe damdapat Gin norhe brer ohe da oh noh pinggitpora. Pinggirit oh am hama ama da ohsi wan han bap ihirnong meng pot ha pisonoh dahama orhe brer ohe da oh namgim am nahatipmur. Am nahatporhan noh am hama hanip ihirnonghe ti na dahamtipmur.

Rom ihirnong Por oh brak atip ohe meng oh 11:13

Gin Juda na hat pati bap gurnong oh mama meng moh napotiprohmur. Got oh gurnong meng napot napisapat han kis nahat napapat ohoh ihan noh ama ihat tamrein son ohe danong oh amam isip deipatmur.

2 Pita 2:5

Rih ma Got ohe dahapat danong kom asar er hat sashe bap ihirnonghe Got oh ire ihat er hat sapti danong oh hanhan mar na mandama tomnong bapkei matporhan ipip taham gurmat maras sutipmur. Noa oh Gur duutin dasi hat patenmuro por sawa meng porisuh han ohoh ihan orhorsi; beshei kuu han ihirnongsiwi na sum ambutipmur.

Garesia 3:9

Ihtin ohoh ihan Epraham oh Got ohnong arpin inahatin hatin hanwa dahatporhan Got oh ma bapkei deisuhru gin gonsi dirnonghe Got ohnong Oh arpin inahatin hatin hanwa dahaya ohe pe oh arpin Got oh imat orhor bapkei nahapatmur.

2 Korin 11:31

Nohe arpin meng naporpatnong moh Got oh dire Hanipyah Jisas ohe itap oh dipdipwi armi mat papten han orhor Oh arpin meng porpat ma hapat daham nohnong am hat patmur.

Rom ihirnong Por oh brak atip ohe meng oh 10:14

Gin gur mohnong dahenmur. Hanipyah ohe danong na hat patim oh imat dahamtiproheda. Basra. Imat na dahandeiptimur. Ohe danong hatinhe ohnong hanhan hat patim oh kinhat orhe danong hatiprohe. Am hamwi orhe danong haptimur. Orhe mengnong amram orhornong am ham dahatinhe meng pot na pihim patin oh kinhat ihir amram am hatiprohe. Pot pisaperhanwi ihir amram am hatiprohemur.

Aposer 26:20

Orhe meng amram ma dimtip oh Damaskas apteinongri susa meng potipmur. Porpat Jerusarem apteinong sus potipmur. Pora Judia mong aptei aptei oh sus pot pihipmur. Pot pisapat Juda na hat pati bap ire aptei aptei oh gonsi meng pot pisapatmur. Noh ihat ma meng pot pisapat meng oh ihirnong Gur er da hat sapti danong oh kom asar mandama Got ohe danongwi henmur. Ihat saptin kuuhan ihir gurnong wanahama Maihir er danong kom asar mandama yah hat son ohe danongwi hat sapti ma hapat dahatin ohe da ohwi pitap teinongwi mar pinggit pisashenmur por imat pot pisapatmur.

Aposer 22:21

Potporhan Hanipyah oh Es. Noh gonong meih mong ma Juda na hat pati han bap ire patinong nadarher ohoh ihan go sonmur napongop. Ginapotip ohoh ihan gin noh mama ihat apripat ohmur pongop.

Aposer 14:27

Desa Antiok aptei oh koripti Gin sios bap ihir ha tarmutingwe ritperhan ihir tarmutperhan ihirnong Got oh Juda na hat pati han ihir Jisas ohwi inahatin hatin hanwa dahatin ohe mandap oh amanhetporhan ihir Arpin ohwi inahatin hatin han ma hapat dahatirimur pora Got oh ite bes teidapat imat panggeit pihir ohe meng oh gonsi potpari.

Jon oh yah meng ma brak matip ohe meng oh 7:35

Potporhan ama Juda ihir Oh denong saporhan dir ohnong na wamtipri. Oh diradir kat han Grik ire mutuh rih sus ma pati han ire patinong saprada. Susa ama Grik ihirnong meng am matiprada. Oh na imtiprakin.

Garesia 2:16

Juda bap nuranur mama meng moh am hat patimur. Moses ohe sawa meng dindeiyahan ama dindeiya ohe pewi Got oh Gur yah hat pati han bapmur na naporpatmur. Jisas Krais oh arpin inahatin hatin hanwa dahayahanwi Got oh Gur yah hat pat han naporpatmur. Ihtin ohoh ihan nuhur pohon mengwi dindeiyahanoh Got oh Gur yah hat pati hanmur na naporpato rim nuhurnong Gur yah hat pati han bapmur ha napotinoh rim Jisas Krais ohwi inahatin hatin hanwa dahaptimur.

Rom ihirnong Por oh brak atip ohe meng oh 1:9

Weso pora noh dipwi Got ohnong ma meng porpat oh gure danong hama gure ihat paten ohe meng oh nadahandeipatmur. Nohe ma dipwi nadahandeipat oh Got orhor Oh ire paten meng oh imat naporpat ma hapat daham orhor am hat patmur. Ama Got orhe atamreindinnong oh noh kasip hama pomat orhor atamreim mon orhe yah meng oh pot pisapatmur.

1 Korin 9:1

Noh hanip gure hrepdapat hat patda. Basra. Noh gure hrepdapat hat na patmur. Noh Krais orhe mengtei orhe meng pot pisapat han aposer hat pat basda. Noh aposer ma hat pat oh noh diradire Hanipyah Jisas ohnong wamara am hapat aposer hatipmur. Aposer hat patim orhe mengtei atamreim meng napot napisapat ohe pe oh gur am ham orhe danong ham orhe han haptimur.