1 Timoti 1:20 - Oksapmin

²⁰ Ihat ma pati han yot ihitoh Haimeniassi; Areksanda ihitmur. Ihit ihat sus Got ohe danong hat pati da oh mandatperhan noh Ihit ite Got ohnong dasei deipti ohe da oh am ham ha mandatingwe rim noh ihitnong Gut Got ohe nita maire tap na indiprohemur pora itarhe teinong mara Satan ohe bes teinong mat papatmur.

1 Timoti 1:20 ပူးပေါင်းရင်းမြစ်များ

2 Timoti 2:17

Ameng oh hanipnong birit er isip ma artahat sapat ohe tan mar er mar armat pisapti meng ohoh ihan ama armat pisapti meng oh gori amrapra. Ama armat pisapti han ite win yot oh Haimeniassi; Piretas ihitmur.

1 Korin 11:32

Diradire danong pomat sama na yah tahayahanhe Got orhor dirnong nasama da nadason mar dire boknong ruumsup napris da nadason deipatmur. Imat da nadason mar ruumsup ma napripat oh kaput kakdah er hat pati bap erer moh sama Moh er hanmur por ma mandatipra ire tapnong na nahatiprao rim dire boknong ina ruumsup napripatmur.

2 Tesaronaika 3:15

Ohe tapnong ham patepri ma naporiya oh mahaw han hatin mar papindin ohe meng na naporiyamur. Be guragure taptem ihirnong sawa asar kasip deiptiru mat papteno rim mameng moh naporiyamur.

Erer tarpatipra 3:19

Brer ihirnong da adason matinmat ma suptiru orhe bopor nahat napapat gurnong oh da nadason mar inahapatri. Ihan inahah ma hapat daham er hat sapti da oh mandama yah hat sapti da oh pomat dimtinri.

Aposer 19:33

Ihapti gahan Juda ihir Areksanda ohnong mer mat pisus ire mutuhnong matperhan kat ihir Meng ma sakarap goshapti moh ohe duuptei oh mama han ohe bok moh patkin dahangopari. Ihat dahatperhan oh Ihir kimiriyarit mama sakarap goshaya meng moh nohe bok moh na patmur potporo rim oh bes daptuhura Kimiritina potipri.

Erer tarpatipra 13:1

Gahan noh wandeioh kurwah tit sor hru mutuhdapat marapatgop. Ama marapat kurwah ohe kakhe besheisi ambahhe katheisi ihtin kurwah oh marapatgop. Kathei ambahnong oh kakung kakhan ire aripti kakung hatin oh ambahnong nitat mat an patgop. Beshei kaknong oh Got orhornongwi dasei mar arin ohe win oh nitat kak tei oh brak nitat mat itipsi kurwah oh patgop.

2 Timoti 3:2

Ruumsup ma isip hatipra ohe duuptei oh mama mihapti mohoh isip hatipramur. Kat han ruumsan ihir iraire danong bopor hat pati dao Noh mani ruumsan darneng dahapti dao iraire danong ham armi tahat sapti dao hanip ihirnong dasei mar indeipti dao supir itapir ire mengnong sakarap mar amkar sapti dao wes napanggeim napiro na ripti dao yah hat paten danong bisei deipti dao

2 Timoti 2:14

Timoti go nohe ma napor meng moh meng am mat pison han ihirnong ihir hanhan matipririm pomat orhorwi ihirnong sat potinmur. Pora nohe ma napotiproh meng mohri ihirnong kasip mengtei orhor potinmur. We. Nohe meng ma napotiproh oh Got orhor nohnong wanahat patin gurnong napotiprohmur. Ihan gur pomat amrat patenmur. Gur mengnong sakarap goshat orhor pot pisasipri. Sakarap goshat orhor pot pisayahanoh ama amraya ihirnong oh panggeitin dasi na mara da aer mar ihapti ohoh ihan gur ihat sakarap goshat pot pisasipri. Yah mat orhorwi pot pisashenmur por Timoti go ama meng oh sios bap ihirnong potinmur.

2 Korin 10:6

Indeipti gin gur nure meng moh gonsi dimtin ina ha hatingwe rim daham wanahat napaptimur. Napaptin gur nure mengnongwi amram dimtin ina hat patin komdapat tit han tit na dimtin ina hahhanoh noh apris ama han ohnong da adason mar pomtinmat batbet apripramur.

Aposer 13:45

Tap tei hapti Juda bap ihir Kuuhan isip mama ihir Por ohe kopen ripat ohe mengnongwi amratiprohe ma hapat. Juda bap dire pohon ripti mengnong ihir na amratiprohe ma hapat daham ama heisup matpa oh. Heisup mara Epe. Mihtin han ohe mengnong moh amraptida. Gurri mihtin han ohe mengnong mohri amrapri pora Por ohnong dasei mar indeingopari.

2 Korin 13:10

Hanipyah ohe kasip nohnong ma napin pat kasip oh gurnong eimat er nahatin ohe kasip basmur. Gurnong da nadason matporhan da yah hat ha songwerim ohe kasip oh napin patmur. Ama kasip ohsi noh apris gurnong ha ruumsup nahatipra. Ihan noh na apin patin orhor meng mohri nabrak mar nadarhetpor. Nadarhetporhan gur sama pomta tei noh apriprawa daham meng ohri mama nadarher ohmur.

Matyu 18:17

Pomara oh Gure meng moh na amram er da orhor patepramur rihanoh sios ire kintei pomtinmur. Pomara it ihtin da orhorwi hat patepra rim na amrahanoh gur ohnong Go takis yan gapah hat dar paten han haho Got ohnong hanhan hat paten han haho patena por mandanmur napongop.

Hibru 12:5

Gur gapa ham mandatipririm rih Got oh gur kasip hat orhorwi patenmur napor da nakasip mar ma napotip mengnong hanhan ham gapa ham mandatperim ihaptida. Danong nakasip mar ma napotip meng oh mamaru hat patmur. Nohe brera. Hanipyah norhor itapir ihir brer ihirnong ruumsup apris ma yah deiptiru mat orhor gurnonghe imat ruumsup napirhanhe gur da er ham mandapri. Brer ihirnong sum da adason mar yah da pinggiptiru mat orhor gurnong inahahhanhe gur be inahahhe daham dasei mar mandapri.