1 Timoti 1:12 - Oksapmin

¹² Dire Hanipyah Krais Jisas oh nohnong Oh mama tamreindin mohe danongwi hama kasip hat tamrein sasipra ma hapat daham nohnong Go norhe natamreindinnong moh natamrein sashenmur napora mama tamrein sashen ohe kasip moh napdapmur. Nohnong imat napdap hano rim noh orhornong weso porpatmur.

1 Timoti 1:12 ပူးပေါင်းရင်းမြစ်များ

Piripai 4:13

Norhe ihat patnong oh yahwiwa dahat ma pat oh Krais orhe kasip ohsi ihtin da nahatporhan ihat dahat patmur.

2 Timoti 4:17

Ihirdapat nohnong na napanggeim namdatiri orhora; Hanipyah oh ama dahanahatiri dik orhor apris Juda na hat pati han bap ihirnong meng pot pison inasi naham napanggeit napapatin noh Got ohe meng moh ihirnong pomat potirmur. Potporhan Dir Por ohnong sutpera ma dahapti han bap ihir kotwa bap hatin hat pati bap ire atem teidapat orhor Got oh nohnong nambutirmur.

Korosi 1:25

Ama ihat pat han norhornong Got oh Go norhe nita sios ihirnong papten han hat patenmur. Patim norhe meng gonsi meng moh pomat orhorwi pot pisashenmur napor kis nahatipmur. Kis nahatporhan noh sios gurnong napanggeit napapten han ham mama napapat ohmur.

Piripai 2:11

Adaptuhura Jisas Krais moh orhorwi hanip yahnapmur ha poringwe daham win isipnapsi han matipmur. Orhorwi Hanipyahnapmur por armi mar ma winsi deipti oh itap Got orhe winsi tap mat win isipsi mar win adaptuhuriptimur.

2 Korin 4:1

Got orhor yah nahapat han ohoh ihan dirnong hinhina nahama mama ohe tamreindin da moh napin pato rim nuhur garham na mandaptimur.

1 Korin 7:25

Gin na gosdat pati bap gure paten meng oh napotiprohmur. Ma napotiproh meng oh Hanipyah ohe ritip meng oh na napotiprohmur. Norhe dahat pat meng tit napotiprohmur. Norhe dahat pat meng ma napotiproh oh gure damdapat oh Hanipyah oh Por ohnong hinhina mar ohsi pat ohoh ihan oh amram am hatin ohe meng tit napotiproh ma hapat daham nohe ma napotiproh mengnong moh amratinmur.

Aposer 9:22

Da darhetperhan Sor ohhe Jisas oh Krais ohmur por dakuu mat pison ohe danong oh isip hapat ihirnong dakuu mar da adapet pison ohe meng ohwi pot pihipri. Imat pot pisapat Damaskas ap mutuh ma pati kuuhan ihir amrama Jisas oh arpin Krais ma hapat daham kimiringopari.

Aposer 9:15

Potporhan Hanipyah oh Es. Ama han ohnong noh Go norhe kasip meng mohsi kak hat pati hano Juda na hat pati hano Isrer hat pati hano ihirnong norhe kasip meng mohsi am mat pisonmur.

Aposer 16:15

Pomat amrapat Jisas ohe danong hapat tom waporim uho urhe supiro itapiro taptem bapo ihirhe tom wangopa. Tom wasa nuhurnong Gur nohnong Uh arpin Jisas ohe danong hat pathe dahayahanoh apris nohe ap indiprohemur napor kanahatporhan nuhur arpin sus uhe ap oh inpa.

1 Timoti 1:11

Ti sawa ti sawa yah meng ma natip oh Dire armi matin han Got orhor Norhe has yah meng oh ihtin meng morhor pot pisonmur napor nohnong meng wamat paten kakhan nahatporhan noh mama napot napisapat ohmur.

1 Korin 15:10

Noh ihtin han hat patin orhor Got orhe damdapat orhor Ohnong yah matpora daham orhe da orhor yah nahatporhan gin noh mama ihtin han hat pat ohmur. Got orhe da orhor ma yah nahatip da oh na wa hama arpin dam tarpama mama dam timan sapat ohmur. Ihat dam ma timan sapat oh ire Krais ohe mengtei kasip hat ma atamrein sapti oh noh atnap kasip hat orhor atamrein sapatmur. Nohe ihat kasip hat orhor ma atamrein sapat oh norhe kasip orhor ihat sapatda. Basra. Got orhe damdapat orhor kasip nahapat kasip ohsi ihat atamrein sapatmur.

Jon oh yah meng ma brak matip ohe meng oh 5:23

Mon nohnong nasatin da naham ma nasapat oh gure at ohnong winsi mat ma paptiru mat orhor brer nohnonghe ihat winsi ha nahatingwe rim nohnong ama da ohsi nahat napapatmur. Gur at orhor nadarhetip brer nohe danong na ham winsi na nahapti han gur At orhe danonghe na ham orhornong winsi na deipti han gurmur.

1 Korin 3:5

Gur mohnong dahenmur. Aporos nuhut winsi han yot hat patin gur nuhutnong ginaporiptida. Basra. Nutarhe be Krais orhe atamreipti han yot hat patimur. Nute ma ihat pati oh Aporos ohe atamreindin orhe apin patmura; nohe atamreindin orhe napin patmur.

Garesia 3:26

Gin dir gonsi Krais Jisas ohnong ohwi inahatin hatin hanwa dahapti ohe pe oh Got oh Nohe brermur naporpatmur.

Garesia 3:28

Ihama dir Krais ohe nitao rim tit pokwi haptimur. Hapti Moh Judamur. Moh Grikmur. Moh be atamreipat hanmur. Moh hanip ire hrepnong hat na patim orhe teinong hat pat hanmur. Moh kuumur. Moh hanmur rim na tisariptimur. Jisas orhe nita tit bapwi hat pati ohoh ihan dir na tisariptimur.

1 Timoti 1:1

Por noh Timoti gonong mama brak mat nasar ohmur. Nohnong oh Gotsi; Jisas Krais ihit Gin go Jisas Krais norhe meng moh pot napisashenmur napor kis nahat napapti ohoh ihan noh itaite yah meng oh noh mama pot pisapat ohmur. Nambutin ina naham napapat han Got ohsi; apris yah nahatiprawa daham ma minhan pati Jisas Krais itait kis nahat napapti ohoh ihan noh gin ite meng oh mama pot pisapat ohmur.

1 Timoti 1:2

Timoti go norhe meng naporpat ohe pe oh go Krais ohwi inahatin hatin hanwa dahat pat ohoh ihan go norhe namanhetin brer hatin hat pato rim noh mama brak mat nasar ohmur. Gin ditadite at Gotsi; Hanipyah Krais Jisas ihitnong noh ma nadahandeipat oh Gut gutagute damdapat ma ihirnong imat yah matpera dahapti da ohsi; gutagutsi manap goshat paten ohe da ohsi mat paptenmur por nadahandeipatmur.

1 Timoti 6:13

Erer gonsinong paten dasi mat papat han Got ohe kinteio Jisas Krais oh Pontias Pairat ohnong Hanip Brer noh ihat pat hanmura; ihat pat hanmura pomat ma gipotip han ohe kinteio ama han yot ite kintei noh kasip mengtei gonong mama napor nasar meng moh gori kasip hat orhorwi dimar paptenmur. Ama danong oh er maro bisei mar amkaro matiprarim yah mar dimar orhorwi papatin Jisas Krais oh sa apripra.

2 Timoti 2:2

Timoti go nohe kuuhan trun bap ire kintei ma ripatgwer meng oh gohe Mama han ihir dakuu ham meng pomat am mat pison han hat pati ma hapat daham ama ihat pati han ire bes teinongwi mat pisonmur.

Taitas 1:4

Ama han norhor Taitas go diradir tap hat Got ohnong Ohwi inahatin hatin hanwa daham taptem titwi hat patimur. Ihat ma pati oh go norhe brernap hat pato rim noh mama brak mat nasar ohmur. Ihan noh at Gotsi namburin han Krais Jisas ihitnong Gut gutagute damdapat Yah matpera daham yah deipti da ohsi Taitas ohnong yah mat papayao manap hat paten ohe dasi mat papayao mar paptenmur por Taitas gwe ihat paten ohe meng oh noh nadahadeipatmur.

Pirimon 1:9

Noh gonong Aw go imat ambutina napotin orhora; noh gonong bopor nahat napapat ohoh ihan gonong Imat ambutina na napotiprohmur. Gorhordapat Noh imat ambur papinpora daham ha imtinoh rim noh Go imat ambutina na naporpatmur. Noh Krais Jisas ohe nitao rim karapus nahat napapti han bat Por noh gonong napotin ina hat pat orhor gonong imat na napotiprohmur.

Matyu 20:4

Be patihan Gin gurhe nohe tomhan nakapom saprohehan sona. Susa tamreinperhan ama tamreiya ohe yan oh napriprohmur por darhetipri.