1 Tesaronaika 5:9 - Oksapmin

⁹ Nambur apriprawa daham minhan pati ohe duuptei oh mamaru hat patmur. Got oh dirnong oh Maihirnong heisup mat papat da oh ihirnong imat apriprawa daham na kis nahatipmur. Maihirnong Hanipyah Jisas Krais orhe dap tei ambutiprawa daham kis nahatip han bap dirmur.

1 Tesaronaika 5:9 ပူးပေါင်းရင်းမြစ်များ

1 Tesaronaika 1:10

Hapti gin orhe brer Jisas oh haputporhan it Got orhor pamsuhup han oh Got orhe heisup nahatipra da dat namdapat han oh aw teidapat apriprawa. Ihan ama apripra hannong oh dir minhan patepera daham minhan patiri. Among among pati han bap ihir meng oh gure boknong naham imat naporiptimur.

1 Pita 2:10

Gur rih ma pateshe oh be han bap hatin hat pateshemur. Gin ma pati oh Got orhe nita han bap hat patimur. Be han bap hatin hat ma pateshe oh gur Got orhe hinhina naham napanggeipat da oh hanhan hat pateshemur. Gin oh orhe nita bap hat pati ohoh ihan orhe hinhina naham napanggeipat da oh am hat patimur.

2 Timoti 2:10

Na timbas matin meng ohoh ihan noh ruumsupsi hat orhor pot pisapatmur. Pot ma pisapat oh Got oh Ama han ihir norhe brer matipramur ma dahat pat bap ihir Krais Jisas ohnong Ohwi inahatin hatin han ma hapat daham Got orhorsi eimat yahnap hat ma patepri da oh ha datingwe rim noh ruumsupsi hat orhor pot pisapatmur.

Aposer 13:48

Potperhan ama Juda na hat pati kuuhan ihir amrama Hanipyah orhe meng moh yahnap meng moho rim amam hangopari. Amam hama Got orhor Ama han ihir eimat paten dasi hatiprimur rim ma kis matip han ihirwi Got ohe danong hangopari.

1 Timoti 1:16

Duuptei ernap hat sapat han nohnong Got oh hinhina naham ma nambutip oh mamaru hat daham nambutipmur. Komdapat norhe danong ma hatipri han ihir Por ohnong wamara norhe ma ihirnong kapkap na heisup mar yah da tei orhor yah deipat da moh wamar sa am hatipri daham nohe boknongri ama da oh mar namgim nambutipmur.

1 Pita 2:8

Ama ero por mandatpa han ire ihat pati ohe meng oh ritporhan ma brak matpa oh mamaru hat patmur. Ama ap kwei tam ohe bok oh ihir tung rim tapam or wandasiprimur. ritporhan brak matpamur. Ma brak matpa mengru meng na amram kom asariya han ihirnong oh ama kwei bok oh tung rim or wandaptimur. Ama ihat pati bap ihirnong rih orhor Got oh ihir ihaprimur rim kis mat paptesuh bap ihirmur.

1 Timoti 1:13

Noh rih orhornong dasei meng poro orhe winnong amkar er mat pisao orhe nita ihirnong er mat apisao indeisuhmur. Indeipatin orhor Got orhordapat nohnong hinhina isip nahama Oh nohnong Ohwi inahatin hatin hanwa na daham hanhan hat patim ihat sapat moh noh norhe danong hatin ohe da oh matpora daham orhe damdapat Noh ohnong imat yah matpora ma dahapat ohe yah da oh nohnong isip nahatipmur. Isip nahama orhorsi tap hat patim bopor goshat indin ohe dao Orhorwi inahatin hatin hanwa dahapti ohe dao ama Krais orhorsi tap hat patim daripti da oh napdapmur. Napdap ohoh ihan noh amam da ohsi patmur.

Jut ohe brak mat atip ohe meng oh 1:4

Mohnong dahenmur. Kat han Got ohe mengnong kom asar na amrapti ihir Got orhe nita gure mutuhnong ahar apris patimur. Ama Got ohe mengnong na amram apris pati han bap ihir gurnong Got oh orhe da orhor yah naham napanggeipat ohoh ihan dirhe diradire ti da ti da ma dahapti danong hayahan yahwiwa. Orhe heisup nahatin bopor oh dire boknong moh timbaswa. Ihan yahwi hat saptimur napor er danong hat son ohe da namgit napisaptimur. Iham susa diradire Hanipyah tit hanwi Jisas Krais ohnong Oh dire Hanipyah kakhanda por ohnong kom asar mandaptimur. Ama ihapti han ihirnong rih orhor Got oh Noh ama ihapti han ihirnong noh heisup mat paptepramur rim heisup meng oh ire boknong matporhan brak matpamur.

2 Pita 2:3

Ama ihat apripti han bap ihir Nohwi darneng dahat aprisa iraire damdapat daham ama dasuh meng naporiya ohe pe oh be gure mani ruumsan nandariprimur. Ama ihapti han bap ihirnong Got oh rih orhor sama Maihir er han bap ohoh ihan er yan sa datipri daham wamat papat han bap ihirmur. Imat ma wamat papat ohe da oh na kap mar arpin apinmat mamen mat apapat ohoh ihan arpin apripramur.

2 Pita 1:1

Noh Saimon Pitamur. Jisas Krais orhor Go norhe meng mohsi pot pisona napotporhan orhe kis nahat napapat han noh orhe boknong hat patim orhe mengtei be atamreim sapat han noh mama brak mat nasar ohmur. Diradire namburpat han Jisas Krais oh Gotmur. Ama Krais orhor orhe duung dasi hat pat ohe pe oh orhornong Ohwi inahatin hatin hanwa dahatin ohe da oh Juda hat pati bap nuhurnong yah mat orhor napripatmur. Yah mat orhor ma napripatru mat orhor gurnonghe imat orhor napripatmur. Napriporhan ohwi inahatin hatin hanwa ma dahat pati han bap gurnong mama brak mat nasar ohmur.

Rom ihirnong Por oh brak atip ohe meng oh 11:7

Got oh Noh Isrer kat bap ihirnongwi ambutiprawa dahatip ohoh ihan orhe norhe ambutipra ma dahatip han ihirnongwi orhe ambutipra ma dahatip da ohsi amburpatmur. Kat gonsi Isrer bap ihiroh ama da oh nuhurnonghe ha napinoh daham sawa mengnong kasip ham tamreipti orhor Got oh orhe ambutin danong am hatipririm ire danong aban matporhan ihir na dariptimur.

Aposer 1:20

Judas ohe ama ihtir oh Yahsup oh Depit ohe atem teinong rit atporhan Depit oh Tit han ohe ap tit mandam saporhan ap orhap be patepramur. rim ma brak matip mengru hat orhor gahan arpin da tarpatirmur. Depit ohe tit meng rim ma brak matip oh Tit han tit ohe aduup apitnong hatipramur. rim brak matipmur.

Rom ihirnong Por oh brak atip ohe meng oh 11:30

Gur rih ma pateshe oh Got ohe mengnong sakarap mar amkar er hat sashemur. Ama ihat er hat sapti gurnong Juda hat pati han ihir Got ohe mengnong sakarap mar amkar ihat sapti ohe pe oh Got oh Juda na hat pati bap gurnong hinhina naham yah da napripatmur.

Matyu 26:24

Naporpat Ma brak matpa mengru Hanip Brer nohnong arpin inahatiprohemur. Inahatiprohe orhora; Hanip Brer nohnong nang ham mahaw han ire bes teinong nahatipra han oh batbet isip dara hinhinsi han hatipramur. Orhornong nohnong ma nang hah ohe pe oh batbet isip ma datipra oh ohnong na itpaneng batbet isip na datipranengmur. Ohnong itpa ohoh ihan orhornong batbet isip datipramur napongop.