1 Tesaronaika 5:7 - Oksapmin

⁷ Er tom dam da ban tahayao da timbas ham timaya hatin hayao hat ma sapti oh kwitem dusnong hat pati han ihirwi ihat saptimur. Ihan teiwi yah hat watahat patenmur.

1 Tesaronaika 5:7 ပူးပေါင်းရင်းမြစ်များ

Jon oh yah meng ma brak matip ohe meng oh 2:10

Oh hanhan hama kuu ma datir han ohnong Nohe patnong aprina potporhan oh apriporhan ohnong Han ihir irat gwe wain tom gap oh yah dasansi han ohri asariptimur. Atperhan ihir ruumsan diperhan Gin ihir wain ruumsan daya tei moh ihir Moh er dasanhe yah dasanhe na daham be yahwiwa daham diprohekin daham yan gar sar ma mohopti ohe wain tom oh asariptimur. Ma ihaptiru go wain yahnap dasansi mohri kianorim na pande ama potip oh.

Aposer 2:15

Gur nuhurnong Ihir er tom dam da ban taham ihyamur ma naporiya oh kianorim gur ihat nuhurnong naporiya. Kwihanda ihan gur nuhurnong ginapotiprohemur. Nuhur kutwi mama ihaya oh er tom oh kutwihe daptida. Kutwi na dapti ohoh ihan gur kianorim Ihir er tom dam ihyamur naporiya.

Rom ihirnong Por oh brak atip ohe meng oh 13:13

Yah hat son oh mong da tei yah hat ma sapti da hatin hat orhorwi sashenmur. Er tom dam tohor goshat indin ohe atornong oh hathe patepri. Bisei saw gosham er hat son ohe atornong ohhe hat patepri. Miano imaho ire da hatin hathe patepri. Ire erernong asoh abopor mar abap matin dao sakarap goshatin ohe dao ama da ohri hapri.

1 Korin 15:34

We. Gur da hut patim er hat ma sapti da ohri mandanmur. Mandama yah hat da darhet sashen ohe danong oh hat patim da darhet sashenmur. Kat gur Got ohnong hanhan hat patim ihat saptimur. Ihat saptimur ma napor oh gur kas ham ha mandatingwe rim noh mameng moh napormur.

Epesas 5:14

Tit has teinong ma hapti ohe meng oh mamaru hat riptimur. Hapura timon pat han go kin wataham masona. Masporhan Krais orhe has ohsi has teinong nahatiprohmur riptimur.

Epesas 5:18

Wain er tom ruumsan dama ohe kasip hrepnong nahatporhan da ban tahat ma sapti oh er ohoh ihan gurri ihapri. Mandama Got orhe Yahsupnong asoh nohe da mutuh mahan ha teip nahatinoh. Teip nahat napapatin noh orhe kasip hrepnong hat patepor daham pei mat pisashenmur.

2 Pita 2:13

Ihir kat han ihirnong ina ruumsup batbet apripti orhor it kang rim it iraire boknong apripramur. Ihir mong da tei kas hatin ohe er da oh ihir na kas ham mong da tei orhor ina teidapat noh ihtiprohneng dahapti ohe er da ohsi ihat saptimur. Ihat sapti danong oh yaho daham amam hat saptimur. Ire ma ihat sapti oh bewi na ihaptimur. Gur rotu ap den dipera rim saya ohsi; sus den ma dapti mutuh ohsi ihat saptimur. Ihat ma sapti oh gure inanong kas inasi naham dasei nahatin inasi naham ihat saptimur.