1 Tesaronaika 5:19 - Oksapmin

¹⁹ Gur Got orhe Yahsup oh gure mutuh oh irat ohe tan har nahat patnong ohon oh guragur dikimapri.

1 Tesaronaika 5:19 ပူးပေါင်းရင်းမြစ်များ

Epesas 4:30

Er meng riyahanoh Got orhe Yahsupnong ina ruum apris imtiprohe ohoh ihan gur ama Yahsupnong ina ruumsup apin meng ohsi rit sasipri. Ama Yahsup oh Got oh Maihir norhe ambutipra han ihirmur. Ihan noh norhe Yahsup mohsi ire boknong ket tup saripti ohe tan mat itpora. Tup sar mihih mat papatin kaput pepe dik sa tarpatipra daham ama Yahsup ohsi dason nahat napapat ohoh ihan ama Yahsup ohnong ruum sup apris er deipri.

Aposer 7:51

We. Hanip gurhe Ire mengnong na amram noh norhe dahat pat dawi hat sasiprohmur dahapti han gurmur. Gur Got ohe mengnong na amrat pati han bap hatin hat pati han gurmur. Gure ma ihat pati oh rih ranir iraire ma hat patesheru hat patim Got ohe Yahsupnong sakarap mar na dahapti han gurmur.

2 Timoti 1:6

Go Got ohe danong hat pat hano rim noh mama meng moh napotiprohmur. Noh gwe boknong bes namrinporhan Got orhe atamreindin orhe kasip oh gwe mutuhnong nahatipmur. Ama inahatip danong oh Timoti go mandatiprarim irat puka mar ma has deiptiru mat orhorwi papatim isip mat pisashenmur.

1 Timoti 4:14

Ama tamreindin ohe kasip oh Got ohe atem teidapat ire atem teinong potporhan ihir ritperhan han pohon sios ihir Ohnong apir ma hapat daham gwe boknong bes namrinpa ohe kasip oh go mandapra. Ama kasip orhorsi tamrein patenmur.

Epesas 6:16

Got orhorwi inahatin hatin hanwa ma dahapti da ohhe damer hatin mat marin orhorwi sashenmur. Ihat saptin Satan ohe harsi ban oh gonong arwanahahhanhe gwe bok na tapaprohmur. Damer boknonghe tekapiripramur.

1 Korin 14:30

Ihat patin tit han oh Got ohe meng oh ripatin Got oh tit han ohe da mutuhnong Gin go mameng moh ritinmur por am deihanoh ma ripat han go kimiritporhan ohe ma am dei meng oh ha ritinohmur.

1 Tesaronaika 5:20

Gur ire Nuhur Yahsup oh rit natporhan naporiyamur ma naporipti mengnong oh be menghe daham kom asar mandapri. Dahat orhorwi patenmur.