1 Tesaronaika 5:13 - Oksapmin

¹³ Patim nure mutuh moh ihir napanggeim tamreipti ma hapat. Ihan yahnap mat orhor da apripora daham ihirnonghe gur bopor mar ire hrepnong hat orhor patenmur. Iham guragur manap da tei da gosat orhorwi patenmur.

1 Tesaronaika 5:13 ပူးပေါင်းရင်းမြစ်များ

Mak oh yah meng ma brak matip meng oh 9:50

Eip oh yah orhora; tom oh sumo ham ambar dasan oh timbas hahhan hanip dir kinmat it ambar dasan matiprohe. It ambar dasansi na matin ina hatinmur. Hanip gur eip ohe tan manap gosham ambar gap tei patenmur pongopri.

Hibru 12:14

Susa Arwananah ihirsi manap goshat paten ohe da morhorwi marinpera daham kasip goshat patenmur. Kasip goshat patima Got ohe ongeng mat papat yah dasi na hat patin oh Got ohnong na wamtipri ohoh ihan orhornong wamtinmat oh duung dasi hat orhorwi patenmur.

Jemis 3:18

Hanipnong manap goshat patenmur por sawa meng poripti ohe pe oh yah hat son ohe yah dam oh timan sapatmur.

Epesas 4:3

Got ohe Yahsup oh manap dasi gosham da gosapris paten ohe yah da napripatmur. Napriporhan ama da ohsi tit dawi hat patimur. Ama tit dawi hat pati da oh timbas hatiprarim kasip hat orhorwi marin paptepera daham marin orhorwi paptenmur.

Garesia 5:22

Oh diradire er hat sapti da ohmura; Got orhe Yahsup oh dire mutuhdapat patim dam tit pokwi hapatmur. Dam tit pokwi ma hapat oh tit hanipnong bopor mar panggeipti da ohmur. Tit amamsi da hat pati da ohmur. Tit manap da tei ma pati da ohmur. Tit ahar dahapti da ohmur. Tit ihirnong panggeitpora daham panggeim yah da ma apripti da ohmur. Tit arpin dasi hat ma sapti da ohmur.

2 Korin 13:11

Nohe taptem gurheo. Gur nohe mengnong moh amratinmuro. Amrama yah danong hatin ohe danong moh Got orhe dahat pat da ohsi tap kat mat pisasipera daham tap kat mat pisashenmur. Imat pisus guragur tit dawi hama manap dasi gosapris yah hat patenmur. Ihat patin bopor naham manap dasi nahapat Got oh gursi tap hat sa patepra.

Jon oh yah meng ma brak matip ohe meng oh 15:17

Nohe mama naporpat sawa meng oh guragur da gosapris bopor goshat paten ohe sawa meng oh naporpatmur napongop.

2 Timoti 2:22

Kopen han gure tei kapkap er da oh tarpas rim isip hapatmur. Ihan Timoti gori ihtin da tit tarpam hahhan kom asar tandurinmur. Tandura yahnap hat son ohe danong ohwi hat sasipora daham sashenmur. Susa Got ohe danong hatin ohe dao hanip taptem ihirnong bopor dein ohe dao ama danong ohwi ham yah hat sashenmur. Susa da ongeng mat paptim Hanipyah ohnong Napanggeitina por ma dahandeipti han bap ihirsi manap goshat patenmur.

2 Tesaronaika 3:16

Manap dasi ham yah hat pati ohe duuptei oh Hanipyah orhorwimur. Ama imat napapat han orhor gursi tap hat ha patenohmur. Gursi tap hat napapatin yah hat ma aya diko ina ruumsupsi aya diko oh dipwi Hanipyah orhe manap dasi naham yah hat paten ohe da ohsi naham ha napaptenoh rim nadahandeiptimur.

Korosi 3:15

Krais oh manap goshat paten ohe da oh napin patmur. Ama imat napin pat orhe da hrepdapat hat patenmur. Ama da oh Got oh gurnong ma napdap oh Maihir norhe nita bapmur. Ihir mama da mohsi tit dawi ham manap goshat ha indingwe napor Got oh orhe han nahat napapat ohoh ihan ama da orhorsi hat patenmur. Ihat patima Got ohnong dipwi Wes Got go inahat napapat hano por weso por paptenmur.

Garesia 6:6

Gur guragurnong meng am nahapti han ihirnonghe guragure yah han erer oh kat tit ihirnong aprishenmur.

Garesia 4:14

Nohe ina bok moh sik ham tihet patin orhor ma napot indip oh dasei nahatin hatin sik nohe boknong hat patin orhor gur nohnong dasei naham kom na natpamur. Kom na nasara Got ohe atamreipti han enser ihirnongo Krais Jisas ohnongo ihirnong ha amburiya hatin hat amam hat nambutpamur.

Matyu 10:40

Jisas oh naporpat Gur aptei aptei saptin amam ham namburiyahan ama ire ma ihya oh nohnong ma nadarhetip han nuhutnong tap mat namburiptimur.

1 Tesaronaika 5:14

Nure taptem gur mamengnong moh amram dindeinmur. Gapa ham na tamreipti han ihirnonghe We. Gur gapa ham na tamreim behe patepri por sawa asar paptenmur. Hanip kintei kas hat pati ire danonghe akasip mat pisashenmur. Got ohe danong hat patim danong ma gapa hat pati ihirnonghe da akasip mar panggeinmur. Gonsi ihirnonghe ahar manap da tei orhorwi panggeim paptenmur.