1 Tesaronaika 2:17 - Oksapmin

¹⁷ Nohanher taptema. Ihir nuhurnong er naham nadarhetperhan nuhur namdam kakun apris matei patimur. Namdam apris matei patim na wanggoshapti orhora; danong oh gursi patimur. Danong oh gursi ma pati oh pitning isipnap hat patim apris it wanggoshatin ohe mandap oh angtahatirimur.

1 Tesaronaika 2:17 ပူးပေါင်းရင်းမြစ်များ

Korosi 2:5

Noh gursi tap tei na pat orhora; norhe damdapat gurnong ake tom nahat napapatmur. Ake tom napapat ohoh ihan gur Er han ihir apris nuhurnong dasuh naham er nahapri dahatwi patenmur. Noh ake tom nahat napapat orhor kat han ihir apris Ihir Krais ohe danong na mandam kasip hat orhorwi patim tit da orhorsiwi tamrein saptimuro ritperhan noh amrama da yah ham amam hat orhor patmur.

1 Korin 5:3

Noh gursi tap tei na pat orhora; danong oh gursi tap hat patmur. Nohe da oh gursi tap hat patim nohe ma dahapat oh Gure mutuh ma er hat pat han ohnong oh gur mamaru mat da adason matinmur.

1 Tesaronaika 3:6

Gahan Timoti oh gin orhor it apris nuhutnong Tesaronaika ihir ire Got ohe danong hat ma pati dao arwapnanah ihirnong bopor mar da apripti dao oh yah hat kasip hat orhorwi patingwerimur. Ihat patima gutnonghe yah han yoto rim da nat patingwerimur. Ihat da nat patim gutdapathe ihirnong wamtiprinengo dahat patiru hat orhor ihirdapathe gutnong wanahatiproheneng dahat patingwerimur napor ama yah meng oh napotporhan nute dahe amam ham da yah hatirimur.

Rom ihirnong Por oh brak atip ohe meng oh 1:13

Nohe taptem gur mohnong dahatinmur. Nohe da oh dipwi gure patinong apripora dahapat orhor apripor ihah tei oh ti da ti da oh apris mandap gatnahapatmur. Noh gure patinong apripora ma dahat pat oh nohe mong mong mama Juda na hat pati han bap ihirnong noh meng pot pisapat ohe pe oh ire Krais ohe danong ma hapti da oh gurhe ihat ha dahat patengwe rim noh apripor dahapatmur.

Rom ihirnong Por oh brak atip ohe meng oh 15:23

Ginnong oh ama ihat pati han ire apteinong sonhe timbas ohoh ihan noh rih orhor Noh sus ihirnong wamtipraneng dahat patesuh da oh gin arpin Rom aptei pati gurnong wanaham apripramur dahapatmur.

Ruk oh yah meng ma brak matip ohe meng oh 22:15

Tongnoma Jisas oh Noh ina tei batbet ma datipra oh na dat patin orhor gur tapri Pasopa deno rim diprineng dahat patesuhmur. Ama da oh isip hat patmur.

Aposer 17:10

Gahan kwi hatporhan Jisas orhe nita taptem bap ihir Porsi; Sairas ihitnong Beria apteinong sonmur por darhetperhan ihit susa Beria aptei oh koriyaoh Juda bap ire rotu ap oh pathanoh ruhpari.

Ruk oh yah meng ma brak matip ohe meng oh 12:58

Mameng mohnong daham am hatinmur. Tit han tit gonong Gwe ma nohnong inahatir oh gin meng pondeipti han ire duupnong sus pomtiper napor nambur ushanoh mandap sus orhor Watina. Han mohoh nohnong nambur us mohri meng nasama Gin karapus matin naporpat han ohe bes teinong nahatiprohkin. Nahatporhan ohdapat dupsi han ire bes teinong nahatporhan ihir karapus apnong nahatiprikin. Ihan meng pondeipti han ire duupnong na pim patin orhor Meng oh mandap tei morhor pomtipera daham ohnong pora gutagutwi meng pomar mandanmur.