1 Tesaronaika 2:11 - Oksapmin

¹¹ Nure apris gurnong ma napapindiri oh itapir ihir brer ihirnong pomar ma paptiru nahat ma napapindirinong oh gur am hat patimur.

1 Tesaronaika 2:11 ပူးပေါင်းရင်းမြစ်များ

Hibru 13:22

Nohe taptem gurnong brak mar nasar sawa hatip meng moh gur garham mandapri. Hatip meng ohoh ihan gur pomat amranmur. Noh kasip mengtei mama napor ohmur.

1 Timoti 5:21

Nohe imat meng pomtinmur ma napor meng moh noh Got ohe kinteio Krais ohe kinteio yahnap enser ire kinteio oh kasip mengtei mama napor ohmur. Ihan Timoti gorhe da ohri Moh er hanhe Moh yah hanhe por satin da ohri hat patim satipra. Go potahat dahataham manap da tei orhor sanmur.

2 Tesaronaika 3:12

Kat gur ihat pati ohoh ihan nuhur Hanipyah Jisas Krais ohe mengtei kasip mat orhor We. Gapanwa han gur kak tongnom guragure bes tei den gonom dam patenmur girim kasip mengtei orhor naporiyamur.

1 Tesaronaika 5:11

Ihat apris nambutipra ohoh ihan guragure da kasip goshat ma gospanggeit sapti da ohri mandapri. Ihat orhorwi da ayah maro da kasip goshat ayao hat orhorwi patenmur.

1 Tesaronaika 2:7

Nuhur Krais orhe mengtei nadarhetporhan orhe atamreipti han bap nuhur ohoh ihan nuhur apris gursi patim gurdapat nure winnong nadaptuhuro nuhurnong erer napriso napotin inasi hat patin orhor imat gurnong meng na napotirimur. Kuu ire brer barip ahar pomat paptiru mat orhor gurnong imat napapindirimur.

Taitas 2:15

Taitas go nohe ma napor meng moh dipwi kuuhan ihirnong por am deinmur. Am mara go norhe mengtei porpat han ohoh ihan go kasip mengtei ihirnong Gur mameng moh amram dindeinmur por kasip deinmur. Kasip mara na amraya kuuhan ihirnong imtin meng hatin mat porinmur. Ihirdapat Moh be han naporpathe daham dasei nahatipririm go Noh orhe mengtei imat naporpatmuro porinmur.

Taitas 2:6

Na paser hat pati han ihirnonghe gorhe han pasero kuu kuseno ihirnong meng yah mat ma porpatru mat orhor porinmur. Ihirnong ma poripra oh Gur guragure sapti dao gonsi danong ongeng mat paptenmur kasip mat porinmur.

1 Timoti 6:17

Timoti go kakdah morhe erernong ma kamah han hat pati ihirnong kasip mengtei porinmur. Kamah han gur kakdah timbas hapat han ohe danong ham erer ruumsan mohoh nohnong yah nahatipra ma hapat. Ihan nuhurwi yahnap hat pati han bapmur dahapri. Got orhornongwi Orhorwi yah nahatipra han ma hapat dahenmur. Ama han Got oh Ihir da yah ham amam hat ha patengwe daham erer oh yah mat orhor ruumsan napripat han ohoh ihan orhe danongwi hat patenmur.

1 Timoti 6:13

Erer gonsinong paten dasi mat papat han Got ohe kinteio Jisas Krais oh Pontias Pairat ohnong Hanip Brer noh ihat pat hanmura; ihat pat hanmura pomat ma gipotip han ohe kinteio ama han yot ite kintei noh kasip mengtei gonong mama napor nasar meng moh gori kasip hat orhorwi dimar paptenmur. Ama danong oh er maro bisei mar amkaro matiprarim yah mar dimar orhorwi papatin Jisas Krais oh sa apripra.

1 Timoti 6:2

Ire hrepnong ham be ma atamreipti han bap iraire papat han oh Krais ohe nita hat pathanoh be ma atamreipti han ihirhe Dir tap han bap diradir ohoh ihan ohe naporpat meng moh noh na amratiprohmur dahapri. Ai. Dire napapat han moh Krais ohe danong hat pat moh dire bopor mat papti han ohoh ihan dire yah hat ma atamreiya ohe pe oh ohnong yah deiptimur. Ihan dir yah mat orhorwi ohe atamreindin oh atamreinper daham yah mat orhorwi ha atamreingwemur. Timoti go nohe mama napotiproh meng moh kasip mengtei orhor Gur mameng moh amram dimtinmur pora am mat pisashenmur.

1 Timoti 5:7

Kat ihirdapat kuu tahem ire brero ihirnong Maihir ire kuu tahem ihirnong pomat na paptem er hat patimur potipririm Timoti go mameng moh kuu tahem ire brero ihirnong Gur mamengnong moh pomat daham dimtinmur pora pomat orhor pot pisonmur.

1 Tesaronaika 4:1

Nohanher taptem bapa. Gin tit mengnong moh dahatinmur. Nuhur gursi patim Got orhe Ihir ihat sayahan yaha daham amam hat pat da oh namgit indirimur. Namgitperhan gur am hapti ama da ohsi ihat saptimur. Ihat ma sapti oh ha isip hat sashenoh rim isip mat orhorwi pisashenmur rim nuhur Hanipyah Jisas orhe mengtei kasip mat orhor naporiyamur.

Aposer 20:2

Susa Masedonia mong ama aptei aptei pati kuuhan Jisas ohe danong hat pati kuuhan ire danong akasip mar meng pot pihipri. Imat pot pisusa Grik mong oh kotipri.

Taitas 2:9

Kakdah mama ire be ha atamreingwe rim ire hrepnong naham nang natpat napapti hatin hat pati han ihirnonghe Gur guragure imat ma napapti han iraire danong ham iraire atamreindin meng oh naporiyahan gur ama ihat tamreindin ma naporiya mengnong oh amkaripri. Gonsi amram ihenmur. Ihama ihir Nuranure natamreipti han maihir nuranure poriya meng oh amram yah hat orhorwi natamreiptimur daham amamsi hat ha patengwe rim gur yah hat orhorwi atamreinmur. Gur ire naporiya mengnong sakarap mar guragure dahapti danongwi hat sasipri. Ire ma naporiya mengnong amram ihenmur.

Epesas 4:17

Gin noh Krais ohe mengtei kasip bok meng moh napotiprohmur. Gur Got ohe danong na hat pati han ire da hat sapti da hatin hat sasipri. Ire ma ihat sapti ohri kwitem dus dam na tarpatin ohe danong ham da hut sapti bap ihirmur. Ihir Got ohe yah meng moh na amratiprohemur daham kom asar na dahapti ohoh ihan Got orhe meih mahan patmura; irarhe meih mahan patimur. Ohsi tap tei hat na patimur.

Ruk oh yah meng ma brak matip ohe meng oh 16:28

Darhetporhan oh susa norhe arwapir hanen gon han ihirnong We. Gure arwan ohe hanip ihirnong na kamahara mar orhe danongwi hat sasuh ohe pe oh gin orhe boknong batbet isip darpatmur. Ihan gurhe ihat batbet hapti apteinong hatipririm potahat patenmuro ha potinohmuro pongopri.

1 Tesaronaika 4:6

Ihat susa iraire taptem Got norhe nita bap arwapir ihirnonghe dasuh mar ire erer oh abisei mar adaro hat sasipri Got orhor ihat gidahapatmur. Got ohe ama ihat dahat pat ohe danong agatmar er mat sayahanoh rih kasip mengtei Ama ihya gurnong Got oh yan oh batbet napripramur ma napotparu nahat orhor batbet yan napripramur naporiptimur.

1 Tesaronaika 5:14

Nure taptem gur mamengnong moh amram dindeinmur. Gapa ham na tamreipti han ihirnonghe We. Gur gapa ham na tamreim behe patepri por sawa asar paptenmur. Hanip kintei kas hat pati ire danonghe akasip mat pisashenmur. Got ohe danong hat patim danong ma gapa hat pati ihirnonghe da akasip mar panggeinmur. Gonsi ihirnonghe ahar manap da tei orhorwi panggeim paptenmur.

3 Jon 1:4

Nohe amam isip hat ma pat oh mamaru hat patmur. Got orhe danong ham norhe brer hatin hat ma pati gurnong oh kat ihirdapat Ihir arpin mengnong moh amram pomat orhor dindeiptimur napotperhan amrama noh ama ihat pati ohe pe oh amam isipnap hapatmur. Be ohe amam oh ama ohe amam hrepdapat hat patmur. Ama amam orhap isip hat patmur.

2 Tesaronaika 2:5

Ameng oh noh gursi patim naporisuh meng oh gur hanhanda. Gur am hat patimur. Ginhe it tap meng orhor naporpatmur.