1 Tesaronaika 1:6 - Oksapmin

⁶ Napanggeit napaptin gurhe meng amrama Hanipyah ohsi nure ma kat han ihirdapat inahatperhan amam hat ma saptiru gurhe dinahama amaru hat orhor pirimur. Gur ihat ma piri oh ina ruumsup isip daripti dus orhor Got orhe Yahsup oh gurnong amam dasi nahatporhan amam ham meng oh dar amam hat pirimur.

1 Tesaronaika 1:6 ပူးပေါင်းရင်းမြစ်များ

Matyu 16:24

Por indeipat nuhurnong Gur Noh ohe danong ham dimtipora ma dahapti kuuhan gur guragure ma Nuhur ihat inpera ma dahapti da oh mandama Noh Jisas ohe danongwi hat sapatin nohnong ruumsup naham nitperhan hapurhanhe yahwa dahat orhorwi nohe danong ham dinahenmur.

Jon oh yah meng ma brak matip ohe meng oh 8:12

Gahan Jisas oh Noh kakdah han gonsi gure has han oh nohmur. Norhe danong ma haya han gur kwitem dus na saptimur. Eimat paten dasi nahapat ohe has teiwi saptimur napongop.

Aposer 13:52

Saperhan Antiok aptei Hanipyah ohe meng amrapti kuuhan ihir Got ohe Yahsup oh ire mutuh oh isip mat papatin amam isipnap ham ama pateshe oh.

Aposer 5:41

Mandatperhan aposer ihir pipari. Susa Dir Jisas ohe mengtei ihapti ohe pe oh mama ruumsup dire boknong naham napris napisapti moh yaho rim amam hat pipari. Amam hat susa Jisas oh Got ohe kis matip han Kraismur poripti ohe yah meng oh na mandam ameng orhorwi Got ohe ap yawar doho dahnong ros poriyao ire ap ap ros poriyao ham dipwi orhe meng oh porwi patesheri.

Aposer 9:31

Gahan Judia mongo Gariri mongo Samaria mongo among among tei pati sios bap ihir manap ham ama yah hat pateshe oh. Ihat Hanipyah orhe danong hat patin orhe Yahsup oh ire danong akasip mar ama ayah mat paptesuh oh. Ihama Got orhe nita han bap ihir artahat sus isip ham ama artahatpa oh Artaham Hanipyah orhe danong ham armi mar paptesheri.

Rom ihirnong Por oh brak atip ohe meng oh 15:13

Ama orhor yah nahatiprawa daham minhan pati ohe da ma napripat han oh Got orhorwimur. Ama Got orhornong noh Rom aptei Got orhe danong hat pati han bap gure paten meng oh nadahandeipatmur. Ma nadahandeipat oh Got go ire gorhornong Ohwi inahatin hatin hanwa dahapti ohe dap teidapat oh amam hat paten da ohsi; manap goshat yah hat indin da ohsi isip mat orhor teip mat apaptenmur. Imat teip mat apapatin gorhe Yahsup ohe kasip ohsi Orhor yah nahatiprawa daham ma minhan pati da oh isipnap mara teip mat orhorwi apris paptenmur por noh Rom aptei Got orhe danong hat pati kuuhan bap gure paten meng oh nadahandeipatmur.

1 Korin 11:1

Nohe ma ihat sapat oh Krais orhe hat pat ohe tan hat sapat ohoh ihan gurhe norhe ma ihat sapatru hat orhorwi sashenmur.

1 Korin 11:2

Gur nohe ma yah hat sapat ohe danong ham gurhe ihat orhor susa kat han ihir Got ohe pohon paten meng oh nohnong napotperhan noh gurnong napotporhan gurhe amram dindeiptio rim noh gurnong amam nahat napapatmur.

1 Korin 4:16

Noh ihat gure ita hat pato rim kasip mengtei Gur ita norhe ihat sapat danong mohwi dimar sashenmur mama naporpat ohmur.

2 Korin 6:10

Ina ruum napripti sup oh nure basnong ruum nahapti orhor nuhur na saheih ham amam da tei orhorwi hat patimur. Nuhur borop han bap hatin hat pati orhor gurnong meng napot ma napisapti ohe pe oh Got ohe yah han erer ohsi kamah han hatin nahat napisapatmur. Nuhur bisei han hatin hat pati orhor Got orhe erernong oh gonsi nuhur marin patimur. Ihat pati han nuhurnong Ihir arpin Got ohe meng yah mat napot napisapti han ihir ma hapat ha dahatingwe rim nuhur mama naporipti ohmur.

2 Korin 8:5

Ma atiri oh nure ihir imat asariyahan yaho ma dahatiri danong ohwi na hatirimur. Isip mat orhor atirimur. Imat ma atiri oh ihir Got ohe hrepnong hat paten ohe danong ohri hapti orhe dahapat daru ham nure danong hatirimur. Iham isip mat asaringwerimur.

Garesia 5:22

Oh diradire er hat sapti da ohmura; Got orhe Yahsup oh dire mutuhdapat patim dam tit pokwi hapatmur. Dam tit pokwi ma hapat oh tit hanipnong bopor mar panggeipti da ohmur. Tit amamsi da hat pati da ohmur. Tit manap da tei ma pati da ohmur. Tit ahar dahapti da ohmur. Tit ihirnong panggeitpora daham panggeim yah da ma apripti da ohmur. Tit arpin dasi hat ma sapti da ohmur.

Epesas 5:1

Gur Got orhe boporsi nahat napapat brer gur ohoh ihan gurdapathe ita orhe da orhor dindeinmur.

Piripai 3:17

Nohe taptem gur nohe ma ihat sapatnong moh wanahama Ohe ma ihat sapatru hat dirhe sasipera daham nohe ma hat sapatru hat sashenmur. Susa gur nure ihat saperhan wanaham pomat ma dindeipti ihirnong oh gurhe pomat wamar sashenmur.

2 Tesaronaika 1:4

Weso pora Got orhe nita bap aptei aptei ma pati ihirnonghe Tesaronaika sios bap ihir ihat kasip hat orhorwi patimur por gure winnong armisi naham win nadaptuhut napisaptimur. Nuhur imat gure winnong ma nadaptuhut napisapti oh mamaru mat napisaptimur. Kat ihirdapat Tesaronaika aptei pati Got ohe nita ihirnong Maihir Got orhe nita bapmur rim ina ruumsup apriperhanhe ihir batbet isip dat sapti orhor ire Got ohe danong hat ma pati da oh na gapa ham kasip hat orhorwi ihat saptimuro por gure winnong armisi naham win nadaptuhut napisaptimur.

2 Tesaronaika 3:7

Gur Poro ire dirnong namginipti da moh dir dindeiyahanoh yahmur dahat patimur. Nure gurnong ma namgishe da oh mamarumur. Nure gursi ma patenipti oh nuhurri be gapanwa han hat na pateshemur.

2 Tesaronaika 3:9

Nuhur den mohom ma dashe oh gurnong namgim ihashemur. Nure meng naporipti ohe pe oh Den namdina napor den dar dashehanoh yah hashemur. Ihtin orhora; nuhur na dashemur. Nuhur gur nure tamreim den dapti ohe da oh gurhe wamar am hama ha dimtingwe rim nuhur gurnong namgim ihashemur.

2 Timoti 4:2

Timoti go Got orhe arpin meng pot orhorwi paptenmur. Ihat papindin oh ihir na amratper ariya teio meng amratper riya teio oh gomdapat ire ma ihaptinong oh dahapra. Potpora daham pot orhorwi paptenmur. Pot orhorwi porpatim go manap da tei orhor Gur mihat ma sapti oh er hat saptimur. Mihat ma saptinong oh yah hat saptimur pora meng am matin inasi hat patim orhorwi pot pisashenmur.

Hibru 10:34

Kat gur karapus hat pati ihirnong hinhina mar panggeiptin ama ohe ruumsup oh it guragur tap hat darishemur. Kat gure ruumsup ma hashe oh guragure erer oh nadatinmat apriperhan Yahwa nure ma datipri han oh yahnap dipwi paten han patmur. Mama kakdah mohe erer moh timbas hatipra han ohoh ihan yah da tei orhor gur darina potperhan ihir nadarishemur.

1 Pita 1:6

Imat nambutipra ma hapat daham amam hat orhorwi minhan patenmur. Minhan patim kakdah moh ohe kakun ina ruumsup dariptinong mohhe dahenmur. Ina ruumsup ma daripti oh mamarumur. Got orhor ihir norhe danong ma hat pati da oh ha kasip hatingwe daham ti ina ruumsup ti ina ruumsup nahatporhan dir kakun ama ina ruumsup batbet dariptimur.

1 Pita 1:8

Gur Jisas ohnong na wamat patim orhor ohe danong ham bopor mat paptimur. Ginhe na wamat patim orhor Ohwi inahatin hatin hanwa daham amam isip hat patimur. Ama amam isip ma hat pati oh wanohe na ritin hatin armisi amam oh hat patimur.

1 Pita 3:13

Gur yah hat son ohe danongwi hat saptin oh ihir ama ohe pe oh gurnong eimat er nahatiproheda. Basra. Ihat sapti ohe pe oh eimat na er nahatiprohemur.

3 Jon 1:11

Norhe bopor nahat napapat han Gaias gori er danonghe dindeipra. Yah danong orhorwi dindeinmur. Yah danong dindeipti han ihir Got orhe nita hat patim ihat saptimur. Er danong dindeipti han ihirhe Got ohnong hanhan hat patim ihat saptimur. Ihtin ohoh ihan gori er danongri dindeipra. Yah danong ohwi dindeinmur.