Ama orhor kis nahat napapat guroh Got orhor gurnong bopor naham Moh norhe nitamur napor kis nahat napapat han bap gurnong noh mama brak mat nasar ohmur. Gure paten ohe meng oh noh diradire At Got ohsi; diradire Hanipyah namburin han Jisas Krais ihitnong Gut taman gutagute damdapat Imat yah matpera ma dahapti da ohsi yah mat paptenmuro. Paptim yah ham manap hat paten ohe dasi mat paptenmuro por gure paten meng oh noh nadahandeipatmur.
1 Tesaronaika 1:4 - Oksapmin4 Nure taptem bapa. Nuhur am hat patimur. Got oh orhe damdapat orhor gurnong bopor nahama Maihirnong norhe nita bap matpora daham orhe nita bap nahat napapatmur. အခန်းကိုကြည့်ပါ။ |
1 Tesaronaika 1:4
14 ပူးပေါင်းရင်းမြစ်များ
Imat ma napotip meng orhor tit Hosea ohnong potporhan oh brak matipmur. Ma brak matip oh mamaru hat patmur. Mama nohe nita hat na pati kuuhan maihirnong oh kaput norhe nita bapmur potipramur. Nohe na bopor mat papat kuuhan bap maihirnong kaput norhe bopor mat papat bapmur potipramur. gipotporhan Hosea oh brak matipmur.
Ama bapkei naham napripat da oh rih orhor mong kopen na darpat patin orhor Got oh dirnong Maihirnong kaput krais orhe dap teidapat norhe nita bap matipramur. Indeipat norhe hannap matporhan ihir yah hat ongeng tahat orhorwi saya apriya hat paten han bap mat paptepramur daham ihat paten han bap nahat napapatmur.
Got oh gurnong Maihir norhe nita bapmur napor kis nahapat orhe hrepnong naham bopor naham norhe nita han bapo rim ongeng nahat napapatmur. Ihat napapat ohoh ihan gur Orhor imat napapat ma hapat daham hinhina goshat indin dao yah da gosapris gospanggeit indin dao guragure winnong na daptuhuripti dao manap da deipti dao kapkap irhaha na deipti dao ama dahapti danong ohwi isip hat patenmur.
Nure Got ohnong weso por ma nadahandeipti ohe duuptei oh mamaru hat patmur. Gure tit ma ihat pati oh ohnong Ohwi inahatin hatin hanwa ma dahapti ohe pe oh guragur kasip ham yah hat ma sapti ohmur. Tit ma ihat pati oh hanip ihirnong ma bopor mat papti ohe pe oh kasip hat orhor panggeimo hat ma pati ohmur. Tit oh gur diradire Hanipyah Jisas Krais oh apriprawa daham minhan ma pati ohe pe oh gur ama kasip hat pati ohmur. Gur ihat patio rim nuhur Got ohnong weso por nadahandeiptimur.
Nure taptem Hanipyah oh bopor nahat pat bapa. Got oh weso napotin inasi nuhurnong nahatporhan nuhur Got ohnong dipwi weso naporiptimur. Weso ma naporipti ohe duuptei oh mamaru hat patmur. Rih mong na tarpat patin orhor gurnong Got oh Ama han ihirnong norhe han matipramur. Norhe han ma matipra oh norhe Yahsup oh ihirnong irarhe teinong mar ongeng mat sa paptepra. Imat papatin arpin mengnong amram Arpin menghe daham amram dindeiptin noh ambutipramur daham orhe han naham kis nahatipmur. Imat kis naham napapat hano rim nuhur dipwi weso naporiptimur.
Rih orhor At Got oh gurnong Noh mama han moh norhe nita matipramur. Matinmat oh norhe Yahsup ohsi norhe ongeng mat papten brer matipramur. Mara Jisas Krais orhe heim dap tei oh ire er gap yan oh ahirmatporhan orhe mengnongwi sa dimtipri daham kis nahatipmur. Ihat kis naham napapat han norhor gure ihat paten meng oh noh Got ohnong At Gota. Gorhe damdapat daham Ihirnong noh imat yah matpor ma dahapat da ohsi; manap goshat yah hat paten da ohsi ire mutuhnong isip mat orhor apisashenmur por nadahandeipatmur.
Nohe taptema. Gur ire ihapti da hatin hapririm noh tit meng tit napotiprohmur. Got orhor Maihir norhe nita matipra han ihirmur napora kis nahapat orhe nita naham napapat bap gurmur. Gurnong inahat napapat bap gur ohoh ihan ihir wanahama Maihir arpin Got orhe kis mat papat han bap ma hapat ha napotingwe rim gur ire kintei arpin yah mengnong dahama yah hat orhorwi saya apriya hat patenmur. Ihatwi saya apriya hat ayahanoh gurnong ma er naham timbas nahatin mandap oh timbasmur.
ကြော်ငြာတွေ