1 Pita 5:9 - Oksapmin

⁹ Ihtin han oh er nahatinmat apripat ohoh ihan gure Got ohe danong ma hat pati da oh kasip hat orhor marin patim ama da ohsi ambapte mar er mar darhetinmur. Gur dahat patimur. Gure ma batbet dar ina ruumsi hapti da moh gure taptem mong mong ma pati ihirhe ihtin batbet orhor daripti ma hapat daham kasip hat orhorwi orhe danong hat patenmur.

1 Pita 5:9 ပူးပေါင်းရင်းမြစ်များ

Jemis 4:7

Ihan noh Got orhe hrepnong hat patim orhe ma dahah da orhor nohhe ihtipor daham ihat patenmur. Ihat ma pati ohe kasip ohsi Satan ohnong sum er mat darhetinmur. Imat sum er mat darhetperhan oh namdam tandutiprohmur.

Aposer 14:22

Meng pot ma pihipa oh Gur Jisas orhe danong mama hat pati oh ama danong orhorwi kasip hat orhorwi patenmur. Got ohe napapindin teinong ma sapri oh ruumsup nahat napaptin orhor saprimur. Ihat ruumsup nahat napaptin orhor sapri ohoh ihan Jisas orhe danong hat pati da oh kasip hat patenmur poripti Jisas orhe danong ma hat pati ire danong akasip mat pihipari.

1 Pita 2:21

Got oh dirnong Norhe nita nahat napapat bap gur guragure yah hat sapti ohe pe oh gur batbet dariprimur. Batbet dat ma sasipri oh Krais orhe gure gwemat yah hat orhor sapatin batbet dat kasip hat ma pipru hat orhor norhe nita bap gurhe ihat orhor na gapa ham ihat orhor kasip ham batbet dat sashenmur napor ama batbet oh dat sashen ohe han bap kis nahat napapatmur.

1 Korin 10:13

Dir er hat ha songwerim dire boknong er da oh apris kis nahapatmur. Ama kis nahapat kis oh hanip gonsi dirnong tap kis orhorwi kis nahapatmur. Dir er hat ha songwerim ma kis nahapat da oh Got oh norhor imat ihirnong panggeipramur napor ma rit natip da ohsi oh arpin han ohoh ihan dirnong imat orhor napanggeipatmur. Imat ma napanggeipat oh er da oh dirnong kis nahatporhan dir na ambapte matin ina hat patihanoh Got oh baso porpatmur. Dir ama ohe er danong ambapte matin ina hat patihanoh Got oh yahwa daham baso na porpatmur. Ama er da oh dirnong kis nahat napapatin Got oh dirnong ama er danong ambapte matin ohe kasip ohsi nahatporhan dir ama kasip ohsi er danong ambapte mar tonggamar son ina hat patimur.

2 Timoti 3:12

Nohnongwi inahat napapti basmur. Nuhur Krais Jisas orhe tapnong hama yah danongwi hat pateper ma dahapti han gurnonghe gonsi inahatperhan mama mihtin ruumsup oh gure boknong inahaptimur. Imat ruumsup nahapti ohoh ihan gur kasip hat orhor patenmur.

Epesas 6:16

Got orhorwi inahatin hatin hanwa ma dahapti da ohhe damer hatin mat marin orhorwi sashenmur. Ihat saptin Satan ohe harsi ban oh gonong arwanahahhanhe gwe bok na tapaprohmur. Damer boknonghe tekapiripramur.

1 Pita 3:14

Ihtin orhor ti yah hat ma sapti ohe pe oh inaham batbet napriyahanhe gur Yahwa daham amam henmur. Gur yah hat sapti ohe pe oh ihir kas meng naporiyahanhe gurri ire meng amram kas hamheri inin hat sasipri. Amam ham watahpei hat orhor sashenmur.

Hibru 11:33

Ihir Got oh inahatin hatin hanwa ma dahat pateshe ohe pe oh kat han ihir kat han ire hrepnong mar papti mong oh ire merwi mar adarishemur. Kat ihir yah duutin da ohsi mar yah mat papteshemur. Kat ihir ihat dahat patimdapat Got orhe napripramur por ma rit atip erer oh kakdah morhor darishemur. Kat ihir ama ihtin dasi hat orhor raion oh kot samin hatin han nitipririm ire atemnong apashemur.

1 Timoti 6:12

Got ohnong Ohwi inahatin hatin hanwa daham ohe danongwi hat ma sapti ohe da oh nang dap dakmeitinmat ma sakaripti ohe tan hat kasip hat orhorwi sakarinmur. Sakara Got ohsi yah hat eimat paten da oh dar paptenmur. Ama da oh Got oh Oh mama da moh sa datipra napor gonong kis nahatipmur. Kis nahatporhan go kuuhan ire kintei Nohnong Got oh mama da ohsi naham kis nahatipmur por ire kintei oh yah meng potipmur. Ihtin han nahat napapat ohoh ihan go kasip hat orhorwi marin sashenmur.

Erer tarpatipra 6:11

Dahamtiperhan oh watah has dapsi ti dara nitat deingop. Nitat deipat Kopenmuro. Gur ihat patina. Guragure tap tamreipti kat han ihirnonghe mahaw han ihir gurnong ma nisheru mat orhor ha sutingwe dahapatmur. Ama norhe kis mat papat han ihirnong suyarit norhor dahamar yan apripramur dahat patmur. Ihan gurhe ihat kimirit patinmuro pongop.

1 Pita 4:13

Es. Noh Krais orhe nita hat pat ohoh ihan nohhe Krais orhe darisuh batbet orhor hatin hat darpat ma hapat daham amam ham batbet dat sashenmur. Amam hat saptin orhe amam armi has da ohsi pepe dik ma pitap hatipra dik oh nohhe amam isipnap datiprawa daham amam hat orhor patenmur.

1 Pita 1:6

Imat nambutipra ma hapat daham amam hat orhorwi minhan patenmur. Minhan patim kakdah moh ohe kakun ina ruumsup dariptinong mohhe dahenmur. Ina ruumsup ma daripti oh mamarumur. Got orhor ihir norhe danong ma hat pati da oh ha kasip hatingwe daham ti ina ruumsup ti ina ruumsup nahatporhan dir kakun ama ina ruumsup batbet dariptimur.

Korosi 2:5

Noh gursi tap tei na pat orhora; norhe damdapat gurnong ake tom nahat napapatmur. Ake tom napapat ohoh ihan gur Er han ihir apris nuhurnong dasuh naham er nahapri dahatwi patenmur. Noh ake tom nahat napapat orhor kat han ihir apris Ihir Krais ohe danong na mandam kasip hat orhorwi patim tit da orhorsiwi tamrein saptimuro ritperhan noh amrama da yah ham amam hat orhor patmur.

Jon oh yah meng ma brak matip ohe meng oh 16:33

Kakdah moh gur ruumsupsi hapti orhor noh kakdah mohe erer oh nohe hrepnong mar ambapte mat papatmur. Ambapte mat papat ohoh ihan gur Oh erer moh orhe hrepnongwi mat papat ma hapat daham manap da tei hat orhorwi da yah hat patenmur. Gur Nuhur Jisas orhe tapnong hat pati moh yah hat patiwa daham gur da yah hat ha patengwe rim noh mameng moh napormur napongop.

Erer tarpatipra 7:14

Dahanahatporhan noh ohnong Hanipyaha. Nohri hanhan hat patmur. Gorhor am hat patmur potip. Potporhan oh Maihir iraire mahaw han ihir ina ruumsup isip tit apriya orhor ihir Jisas orhe panggeitin ohe kasip ohsi na gapa ham kasip ham yah hat ma pati han bap ihirmur. Ire watah has dapsi mohhe sipsip bap ohe heim ohsi gahmara ongeng mar has mar mama an pati han ihirmur.

Ruk oh yah meng ma brak matip ohe meng oh 22:32

Satan oh gonong kis nahatpor ihah ohoh ihan noh go nohe danong hat sapat ohe da oh mandatipra rim noh Got ohnong naporpatmur. Imat naporpat ohoh ihan gwe er da tit ma hatiproh da oh mandama it norhe danong hatiprohmur. Hama gorhe taptem ihirnong norhe danong hat pati ohe da oh kasip mat pisashenmur pongopri.

Erer tarpatipra 1:9

Noh guragure nita Jon noh brak mat mama nasar ohmur. Diradir Jisas ohe nita bap dir Got orhe napapindin hrepnong hat pati bap dirmur. Ama ihat pati han dirnong be han ihirdapat Jisas ohe nita hat pati han bap ma hapat daham ina ruumsup napriptimur. Ina ruumsup diradir titwi daripti han dirmur. Ina ruumsup napripti orhor Jisas orhe tapnong hat pati ohoh ihan dir na gapa ham kasip hat orhorwi saptimur. Noh Got ohe mengsi; Jisas ohe arpin meng ma napor mengsi pot pisapatin ama ohe pe oh ihir nohnong inahama tom goh Patmos mongnong nang natpam namdatpamur.

2 Timoti 4:7

Ire nang dap dakmeitperim ma yah hat orhor sakat sus dakmeiriptiru nohhe Got orhe napotip meng danong orhorwi hat sapatru hat susa gin mamen mar timbas deimur. Noh Got ohe danong hatin ohe da oh gapa ham na manda ma hapat dahapatmur.

Hibru 12:8

Itapir ihir brer gonsi da adason mar suptimur. Ama ruumsup oh gure boknong na inahahhanhe Nuhur bisei saw brer itap timbas brer hatin hat pati ma hapat. Orhe brer na hat pati ma hapat dahat patenmur.