1 Pita 4:18 - Oksapmin

¹⁸ Imat satipramur rim ma brak matpa meng oh mamaru hat patmur. Duung dasi ham yah hatwi ma sapti han ihirhe batbet daripti dus orhor namburpatmur. Got ohnong kom asar er hat ma sapti ihirnong oh atnap batbet isip datiprimur. rim brak matpamur.

1 Pita 4:18 ပူးပေါင်းရင်းမြစ်များ

Ruk oh yah meng ma brak matip ohe meng oh 15:1

Gahan takis yan dar kat pe be agapah ham daripti hano er hat ma sapti hano ihir apris Jisas ohe meng amratperim ohe duup oh tarmungopari.

Ruk oh yah meng ma brak matip ohe meng oh 23:31

Ihat batbet isip ma datipri oh mohnong dahatinmur. Nohe yah hat sapat ohe da oh irat hapen hatin hat patin orhor ihir irat tei nasariya hatin naham batbet nahayamur. Irat hapen hatin hat pat han nohnong inahaya ohoh ihan da er hat sus kan irat hatin hat pati han ihirnong atnap batbet isip apriporhan datiprimur pongopri.

Aposer 14:22

Meng pot ma pihipa oh Gur Jisas orhe danong mama hat pati oh ama danong orhorwi kasip hat orhorwi patenmur. Got ohe napapindin teinong ma sapri oh ruumsup nahat napaptin orhor saprimur. Ihat ruumsup nahat napaptin orhor sapri ohoh ihan Jisas orhe danong hat pati da oh kasip hat patenmur poripti Jisas orhe danong ma hat pati ire danong akasip mat pihipari.

Aposer 27:24

Por go kas hatipra. Go susa Sisa ohe duup tandeitipramur. Got oh hanip dirnong yah nahapat han ohoh ihan gwe ma por meng ohsi oh namrama gorhorsi sip tem ma sapti han ihirhe tit han tit na er hatipramur. Guragur gonsi yah teinong hatiprimur naponongmur.

Aposer 27:31

Deiptin Por oh wamara ami ire duuptei hano dupsi hano ihirnong Maihir sip tem morhor na patem sayahan dir kat tit haputiprohemur. Gonsi diradir sip tem mohwi patin oh ti na haputiprohemur pongop.

Rom ihirnong Por oh brak atip ohe meng oh 1:18

Hanip dir Got ohe dahapat danong na hama amkar er hat ma sapti oh arpin mengnong ama er hat sapti da ohsi amkar er deiptimur. Ama ihat er hat sapti han ihirnong oh aw tei mahat ma pat Got oh gonsi ihirnong bopor heisup mat wamat papatmur. Ama heisup mat papat da oh pitap teinong matporhan hanip dir wamar am haptimur.

Rom ihirnong Por oh brak atip ohe meng oh 5:6

Got orhe damdapat bopor nahat napapat danong ma namgitip oh dir gapa ham ohnong dahatin mandap oh timbasnap hat patin Got orhor Noh Kaput ihir ihat patin noh ihirnong panggeitinmat darhetiprawa dahatip dik oh hatporhan arpin orhe mon ohnong darhetporhan oh apris dire gwemat haputipmur.

Rom ihirnong Por oh brak atip ohe meng oh 5:8

Hanip dir ihat dahat patimur. Got oh ihat na daham dire er hat patin orhor orhe bopor nahat napapat da oh Krais orhe dire gwemat haputip boknong mar namgitipmur.

1 Korin 10:12

Nuhur yah hat orhorwi saya apriya hat patepriwa dahat pati guroh inin timbas hat saptin er da oh apris buporinsi nahatiproh ohoh ihan gure bok oh er da tarpatiprarim yah hat inin hat orhorwi sashenmur.

1 Timoti 1:9

Sawa orhe tamreindein hat ma pat oh mamarumur. Ama sawa meng oh yah hat ma sapti han bap ihir Nuhur er hat pati sa ha dahatingwe rim na natip sawa mengmur. Er hat sapti han ihir sawa meng moh amram Nuhur er hat sapti sa ha dahengwerim ohe natip sawa mengmur daham yah mat orhor poriptimur. Er hat ma sapti ihiroh mama bap ihirmur. Iraire danong ham yahwiwa daham er hat sapti bapo sawa meng amkar sapti bapo Got ohnong kom asar er hat sapti bapo Got ohe dahapat danong na ham orhe kintei oh bisei hat sapti bapo supiro itapiro wan han bap ihiro ha haputingwe rim sut pisapti bapo

Hibru 4:1

Got orhe ihir apris matei sa tupetipri ritip meng oh na timbas ham pat ohoh ihan gur orhe napotip teinong sonmat oh wan katnong hapri. Wan katnong hatperhan Got oh wanahama tupetin teinong na hatin ina ham wan katnong haya ma hapat dahatiprarim gur ihan kas ham duutin dasi hat orhor orhe napotip teinong hatinmat orhorwi sashenmur.

Jemis 5:6

Gur ire boknong matin meng timbas hat ma pati han ihirnong oh Moh er hanhe pora ama ohe pe oh sutperhan hapuriptimur. Ihir Gurdapatwi inahena. Gurnong it yansi na nahatiprohemur daham kimirit pati han bap ihirnong gur suptimur.

1 Pita 5:8

Gur guragure da oh inin ham ongeng mat paptenmur. Paptem mahaw han Satan oh raion kot samin hatin hanip ihirnong sum diporim ut tit angtahat apripat ohoh ihan sum nadiprarim gur inin hat patim watahat patenmur.

2 Pita 3:7

Gin mong tan aw tan ha tarpatinoh potporhan aw tan mong tan tarpatip ohe meng kasip orhorsi gin mama pati aw tan mong tan mohnong Kaput irat har mar sutipramur daham sutinmat ama meng kasip ohsi mamen mat marin papatmur. Mamen mat ma papat oh pepe dik oh Hanipyah oh aprisa Got ohe meng na amram sapti han bap ihirnong dahamar sutipramur. Ama dik oh mongnong irat har mar timbas matinmat mamen mat papatmur.