1 Pita 3:17 - Oksapmin

¹⁷ Got oh Yah hat sapti ohe pe batbet oh ihir ha datingwe dahah tei yah hat saya ohe pe oh batbet dariyahanoh Got oh Oh yaho dahapatmur. Er hat saya ohe peo oh batbet dariyahanoh yaho na daham oh Er hat sapti pe batbet dariya ma hapat da ham ero dahapatmur.

1 Pita 3:17 ပူးပေါင်းရင်းမြစ်များ

Matyu 26:39

Pora asoteinong hama bos hamnong hama timapat itap ohnong Ata. Kuuhan maihirnong ire er gap oh ahirmara ambutin mandap oh wan katdapathe ambutin kat tit pathanohri nohri ina ruumsup dar na haputiprohmur dahapatmur. Ihan ire er gap ohe ina ruumsup nohe boknong namkat pat moh ha timbas hatinoh rim dat namdatinmur dahapatmur. Ihat dahapat orhor ire er gap oh ahirmar ambutin kat oh norhe boknongwi hat pathanoh nohe ma dahapat danong oh nahatipra. Gorhe ma dahapat danong ohwi nahatinmur por sa dahamtipri.

Matyu 26:42

Pora it susa itap ohnong Ata. Hanip ihirnong ambutin mandap oh wan mandap timbas ham norhe boknongwi hat pathanoh at gorhe dahapat dawi nahatinmur gipor sa dahamtipri.

Aposer 18:21

Kaput Got oh Yahwa. Gin go sona naporhanoh noh it apris gursi indipramur potipri. Pora Akwira ihit gaminnong Epesas aptei oh mandama Por oh it sip tem ros pipri.

Aposer 21:14

Napotporhan ihan nuhur Por ohe son da oh na yawar matin hatin ma hapat dahapti Ihan Hanipyah orhe dahat pat da oh ha tarpatinoh daham kimiritpa. Kimirim atei inpa.

1 Pita 1:6

Imat nambutipra ma hapat daham amam hat orhorwi minhan patenmur. Minhan patim kakdah moh ohe kakun ina ruumsup dariptinong mohhe dahenmur. Ina ruumsup ma daripti oh mamarumur. Got orhor ihir norhe danong ma hat pati da oh ha kasip hatingwe daham ti ina ruumsup ti ina ruumsup nahatporhan dir kakun ama ina ruumsup batbet dariptimur.

1 Pita 2:15

Amram dimara ihat yah hat sapti ohe da ohsi kat han ire na daham dasuh meng ripti atemnong oh apat apaptenmur. Got oh ire dasuh atemnong yah da ohsi apat apaptenmur dahat pat ohoh ihan apat orhorwi apaptenmur.

1 Pita 2:20

Gur er hat saperhan ama ohe pe oh batbet nang nahatperhan gur na gapa ham kasip hat orhor sayahanoh Got oh go yah hapatmur napor na amam nahapatmur. Yah hat saya ohe pe oh batbet nang nahatperhan gur na gapa ham kasip hat orhorwi sayahanoh Got oh Gure ama ihat sapti oh yah hat saptimur napor amam nahapatmur.

1 Pita 3:14

Ihtin orhor ti yah hat ma sapti ohe pe oh inaham batbet napriyahanhe gur Yahwa daham amam henmur. Gur yah hat sapti ohe pe oh ihir kas meng naporiyahanhe gurri ire meng amram kas hamheri inin hat sasipri. Amam ham watahpei hat orhor sashenmur.

1 Pita 4:15

Noh yah hat sapat ohe pe oh niya moh yahwa. Gin noh er hat sapatin niyada ihan kas hatiproh daham guragure er hat saya ohe pe oh nitipririm mama er danong moh hapri. Hanip sutperhan ha haputingwe rim supti dao gapah hapti dao mamter hat sapti dao arwananah ire yah hat sapti danong asoh agatdeipti dao adanong hat saptin inahatipririm yah hat orhorwi sashenmur.

1 Pita 4:19

Orhor imat napapat ohoh ihan orhe da orhor batbet napripat han gur Orhor erer nadarpatip han ma hapat. Orhor da na yawar deipat han ma hapat. Ihan noh orhe bes teinongwi hat patepora daham yah hat sashen ohe danongwi hat orhor orhe bes teidapat hat patenmur.