1 Pita 2:24 - Oksapmin

²⁴ Ihat yah hat patdapat Ire ma er danong hat sapti da oh hapur sus erer ma hanhan ham mandapti ohe tan mat er danong sa mandatipri. Mandama yah hat son ohe danong oh da patim kasip hat saya apriya hapti da hatin hat orhor sa patepri daham dire er hat sapti ohe ina ruumsup batbet oh orhe boknongwi mar irat bok sur gartaham haputipmur. Orhe ina boknong batbet dar ma er hatip oh dire er hat sapti danong moh oh nasi mar yah nahatporhan dir gin si ham yah hat saptimur.

1 Pita 2:24 ပူးပေါင်းရင်းမြစ်များ

Matyu 8:17

Ma imtip oh rih Got ohe meng porisuh han Aisaia ohe rim ma brak matip meng moh Oh dire er supo batbet ruumsupo natimbas deipat hanmur rim ohe boknong mar ma brak matip meng oh arpin dam timdipmur.

Rom ihirnong Por oh brak atip ohe meng oh 6:11

Amaru hat orhor gurhe Dir er da ohe kasip hrepnong naham na napapat ma hapat. Krais Jisas orhe tap hat patim Got orhe danong ham Ihir ihat ha sashengwe dahapat da hatin hat sashen da inasi nahat napapat ma hapat dahat patenmur.

Erer tarpatipra 22:2

Aprisa ama ap mutuh ohe mandap mutuh oh sapatgop. Sapathan tom kat pepuk kat pepuk irat dam gwe dama eimat paten dasi hen ohe irat yot oh marhupa hangopa. Ama irat yot ite gwe ma dam timapat oh tit hayop tit tima tit hayop tit tima ihatwi dam timapat irat yot oh patingopa. Ama ohe irat yot ite rin oh among among pati kuu han ihirnong gonsi wan hatinmat ara ire ina bok ayah deipat ohe irat rin ohmur.

1 Jon 2:29

Gur Krais oh duung dasi hat pat hanwa dahat pati ohoh ihan ihat duung dasi hat ma sapti ihiroh Got orhe brer ham ihat sapti ma hapat daham am haptimur.

Jemis 5:16

Got oh imat yah nahapat han ohoh ihan gur sik hat patihanhe Got ohnong dahamtinmat oh er hapti ohe er gap oh tirip hat mandatperhan Got ohnong adahandeinmur. Imat adahandeiya ohe pe oh orhor yah matiprohmur. Tit dawi ham duung dasi hat patim dahandeipti han ire kasip ongeng pang tei oh dahamtiperhan dam timapat ohoh ihan imat adahandeinmur.

Hibru 9:28

Ama ihat tit dahwi hapuriptiru hat orhor Krais oh tit dah pokwi dire gwemat hapura hanip bap trun dire er gap oh orhe boknongwi mar natimbas matipmur. It komdapat ma apripra oh er gap nahirmatinmat na apripramur. Orhe apripranong amam ham minhan ma wamat pati dirnong nambutinmatwi apripramur.

Garesia 3:13

Dir pohon mengnong dimtipera dahapti orhor pomat na dindeipti ohoh ihan Got oh heisup nahat napapatmur. Ama da oh Jisas oh dara ama yan oh oh datipmur. Ohe ma heisup nahat napapat da oh ma datip oh mama brak matpa mengru hatin mat datipmur. Ma brak matpa meng oh Hanip sama Moh er han sutin han ma hapat daham irat boknong nang atpayahanoh ama irat boknong nang atpaya hannong oh Got ohhe heisup mat papat hanmur por brak matpamur. Ma brak matpa mengru hat orhor Got orhe bopor heisup nahat napapat da oh Jisas orhe sur gartahatip boknong matipmur.

Rom ihirnong Por oh brak atip ohe meng oh 6:2

Watina. Mihtin nipat meng mohri it daham na riptimur. Dir er danong hatin da oh mandama hapuriya hatin hat pati ohoh ihan dir er danong hatin oh kinhat it hatiprohe. It na ihtiprohemur.

Rom ihirnong Por oh brak atip ohe meng oh 6:13

Guragur orhor er danong Gin go nohe bes tei moh tongnotina. Buh tei moh tongnotina. Kin tei moh tongnotina pora guragure buho beso kino oh er da ohe hrepnong mat pisasipri. Imat er danong apriyahan ama er da oh pranahat napisus er nahatiproh ohoh ihan imat er danongri aprisipri. Imat aprishen oh hapur susa it masas kopenohe da inasi hat pati hatin hat pati gur buho beso ina moh apriper riyahanoh buh bes ina moh ihirnong yah hat saya apriya hat paten ina dasi ha nahatinoh rim Got orhornongwi imat aprishenmur.

Jon oh yah meng ma brak matip ohe meng oh 1:29

Gahan kimsidapat Jon oh wandeioh Jisas oh ama apripat hatip oh. Apripathan oh Gin gur wamtin. Got orhe sahapat han sipsip bap hatin hat patim hanip dire er gap hirmar dat namdatin han oh gin mama apir ohmur.

Rom ihirnong Por oh brak atip ohe meng oh 7:6

Gin ma patinong oh Krais ohe tapnong ham hapuriya hatin hat pati ohoh ihan ma natip sawa meng hrepdapat hat na patimur. Sawa meng ohe hrepdapat hat na pati ohoh ihan sawa meng oh Gur Got ohe danong hatinmat mihat indinmur ma naporpat da ohe hrepdapat hat na patimur. Gin Got orhe Yahsup oh kopenohe indin da ina oh nahat napapatin dir ihat saptimur.

1 Jon 3:7

Norhe taptem brer muk gur amratin. Dasuh han ihir apris er da teinong nahatinmat dasuh nahat apripri ohoh ihan gurhe potahat patenmur. Yah hatwi ma sapat han oh Krais orhe duung dasi hat ma pat da hatin hat pat han oh moh ma hapat dahenmur.

Rom ihirnong Por oh brak atip ohe meng oh 6:7

Hapuriya han ihir it er da ohe nang atpat pat hrepnong hatiproheda. Basra. Ihir haputpa ohoh ihan kinhat it ama ohe hrepnong hatiprohe. Dirhe er danong irat bok sur gardeiya hatin mar sum ma mandatpa oh amaru hat orhor hapura er hat sapti ohe hrepnong na hatin ina da ohsi hat patimur.

Rom ihirnong Por oh brak atip ohe meng oh 6:16

Guragur mohnong hanhan hat patida. Gur tit han ohe hrepnong ham be atamreinpera daham ama han orhe hrepnong hahhan ama han orhe danong hatinmat ihaptimur. Amaru hat orhor er da hrepnong hatpera daham ihyahanhe ohe danongwi ham haputin mandap teinong hat patim ihaptimur. Got ohe danong ham orhe hrepnong hatpera daham ihyahanhe duung dasi hat son ohe mandap teinong hat patim ihaptimur.

2 Korin 6:17

Ihirsihe sahsah hat patepri ritporhan ma brak matpa mengnong moh dahenmur. Ma brak matpa oh mamarumur. Gur Got nohe danong na hapti han ire tapnong ham sahsah goshat pati da oh mandama gur gurarhe teinong hat patenmur. Gurarhe teinong hat patim gurnong er naham bisei nahapti han erer oh gurri maripri. Ihat ongeng tahat patin orhor norhor nambutipramur.

Aposer 5:30

Gin gur mohnong dahatinmur. Gur Jisas ohnong irat bok sur garmar sutperhan awher ihirsi; diradire Got oh it da pamsuhurmur.

Ruk oh yah meng ma brak matip ohe meng oh 4:18

Ma sa oh Kakhan ihirnong wer kak tei amor ma kis deiptiru mat orhor nohnong Got oh orhe Yahsup ohsi Go gin mama Yahsup mohe kasip ohsi susa borop hat pati han bap ihirnong norhe yah meng moh pot pisashenmur. Pot ma pisasipra oh nang tatpat pati han ihirnong Gin gure nang tatpat ma pati oh Got oh gin arpit namdamur poro Gin gure kin kwi hat ma pati oh Got oh gin kin nadipekamur poro gipot pisashenmur. Gipot pisusa kat han ire hrepnong mar er mat papti bap ihirnonghe ambura iraire yah hat sashen ohe teinong mat pisashenmur.

Matyu 5:20

Noh mama meng moh gurnong napotiprohmur. Sawa am hat pati hano Parisio ihir Nuhur Got ohe mengnong amram saptimur ma ripti oh garpokmur. Gurri ire tan hathe sasipri. Gur gonsi isip mar amratinmur. Na ihyahan Got ohe napapindin teinong na hatiprimur pongopri.

Hibru 12:13

Kasip mat paptim orhor mandapnong ma sayahe duung rit orhor sashenmur. Da gapa ham katin ersi hat pati ire tan hat patihanhe ihir atnap gapa hatipririm it ha yah hatingwe rim gur mandap oh yah tei duutwi sashenmur.

Aposer 13:29

Ma imtiri oh rih propet ire Kaput ohnong imat imtiprimura; imat imtiprimur rim ma brak matpa mengru arpin gonsi ohe boknongwi mar imtirimur. Imtiperhan orhe han ihir irat bok amdapat arpim kwei temnong sein itirimur.

Aposer 10:35

Abap abap ihir orhornong kasa ham meng amram yah hat ma sapti han bap ihirnong gonsi yah titwi mat papat han ohmur.

Hibru 7:26

Ama ihat pat hanat bok han oh dire gapa hat pati oh yah mat napanggeitin dasi hat patmur. Napanggeitin hatin ma pat oh mamaru hat patmur. Hanip dire kintei oh er hat na sapat hanmur. Yahnap hatwi pat hanmur. Biseihe na ham ongeng tahatwi pat hanmur. Hanip dire er hat sapti hatin hat na pat hanmura; Got orhe mihih hat pat hatin hat pat hanmur. Got orhe yah da oh duung dasi mar ongeng mat aw tan ohe tei puteinap mahat daptuhut papatin papat hanmur. Oh ihtin han hat pat han ohoh ihan dirnong napanggeitin hanat bok han hat patmur.

Korosi 2:20

Haputpa han ihir diradire kakdah mohe daham ripti ohe duuptei meng hrepnong it apris patida. Basra. Ihir haputpa ohoh ihan kinhat it apris ama kakdah ohe pohon danong hrep hatiprohe. Amaru hat orhor Krais ohsi tap hat ma pati gur orhorsi tap hat haputpa hatin hat pati ohoh ihan gur kin hat it ama ohe meng hrepnong hatiprohe. Ama meng hrepnong hat na pati ohoh ihan ama meng hrepdapat hat pati hatin hat patim amengnong ohri amrapri.

Rom ihirnong Por oh brak atip ohe meng oh 6:22

Gin mama pati oh Got oh er da hrepdapat nang narpit namdama orhornong dahatin ohe da hrepdapat hat patimur. Ihat pati ohe pe oh Got oh orhe ongengnap mat papat da oh isip mat napisusa yah hat eimat paten dasi nahapatmur.

Aposer 10:39

Imat ma pisasuh oh Juda nure mong teio Jerusarem ap mutuho oh imat pisapatin nuhur wamat inpamur. Wamat patin ihir irat bok sur garmar sutpamur. Gin imat ma wamat inpa ohe meng oh gurnong naporiptimur.

Matyu 27:26

Potperhan oh Barabas ohnong arpit amdama Jisas ohnong orhe han ire bes teinong matporhan ihir kawsi sum tasmat pisangopari. Kaw tasmat pisusa Gin irat bok sur garmar sutina por dupsi han ire bes teinong deingopari.

Epesas 5:9

Orhe has da teiwi susa dam ma timapat ohe dam oh mamarumur. Yah hat sus ma duutin dawi hat sapti dao arpin dasi sapti dao oh has da teiwi sus ma dam timapat ohe dam ohmur. Gur ama has da teinong hat pati bap gur ohoh ihan ama dam ohsi hat sashenmur.

Jon oh yah meng ma brak matip ohe meng oh 19:1

Ihir Jisas ohnong mandatipra. Sutinmur potperhan Pairat oh orhe han ihirnong Jisas ohnong ambur pisus kawsi sutinmur ama potip oh. Potporhan ihir ambur pisus kawsi ama sutpa oh.

Piripai 1:11

Ongeng tahat patin gorhe duutin dasi hat ma sapat da oh Jisas orhe nita bap ihirnong yah mat orhor apripatru mat orhorwi ihirnonghe imat teip mat orhorwi apris paptenmur. Imat teip mat apisapatin ihir wamara am hapti gorhornong armi nahamo winsi han nahamo ha nahatingwemur por nadahandeipatmur.

Mak oh yah meng ma brak matip meng oh 15:15

Gipotperhan oh ihirnong gapa matporim Barabas ohnong arpit amdama Jisas ohnong orhe han ire bes teinong matporhan ihir kaw tasmat pisongopari. Kaw tasmat pisusa Gin irat bok sur garmar sutina por dupsi han ire bes teinong deingopari.

1 Korin 15:3

Duuptei meng oh mohmur napor nohnong am nahatperhan noh ama duuptei meng oh gurnong napotirmur. Ama duuptei meng ma napotir oh mamaru hat patmur. Meng oh Krais orhe boknong mar ma brak matparu oh arpin dire er hat sapti yan oh dara orhe boknong mar haputirmur.

Korosi 2:14

Dire er hat sapti ohe pe yan oh it yansi na naham hanhan mar ma namdatip oh dire boknong Kaput gur er yan datiprimur napor dire boknong mar ma brak mat itip meng braknong oh amkara natimbas matipmur. Ama brak oh amkar ma natimbas matip oh Krais orhe sur garmatpa irat bok andeh sur garmar ha su hatin mara eimatnap sum natimbas matipmur.

Hibru 10:5

Kakdah mohe apop sum atendeipti heim oh na kasip hat pat hano rim Krais oh kakdah moh wandasa mama meng moh itap ohnong potipmur. Go hanip ire er hat saptin dipwi erer nasariyao apop sum natendeiyao ha hengwe na dahapatmur. Ihan gorhe wanin mat papat ina oh napin patmur.

Hibru 10:10

Ma imtip oh itap Got orhe dahapat danong ham dimar sus dire gwe mat tit dah pokwi haputipmur. Ama tit dahwi ma haputip ohe pe oh dire er gap hirmar namdama ongeng nahat napapindin dasi hat napapatmur.