1 Pita 2:23 - Oksapmin23 Ihat ma patesuh han ohnong dasei mar er meng ohe boknong matperhanhe oh it diteim na porisuh han ohmur. Batbet oh ohe boknong matperhanhe oh Nohhe gurnong inahatipramur por ihirnong kas menghe ti na deisuhmur. Be kimirim batbet dara At duung dasi yah mat nasapat han orhorwi sama duung dasi sa matipra daham diteim na pora itap orhe bes teinong mat mandasuhmur. အခန်းကိုကြည့်ပါ။ |
Timbas matporhan yan oh nang dap dakmeiriya han ireo rim ma mamen mat asariptiru mar Got oh Norhe danongwi kasip hat ma sapti han ire yan atpora rim ma nasarpat yan oh nohe mamen mat nat patmur. Kaput pepe dik oh Hanipyah duung dasi ma nasapat han orhor nasama ama mamen mat nat pat yan oh napripramur. Ama yan oh nohnongwi na napripramur. Hanipyah ohnong oh kapkap apris pitap teinong ha hatinoh daham kinkin da hat ma pati bap gursi gonsi diradirnong tap mat ama yan oh napripramur.
Imat kis nahat napapat ohoh ihan noh ama ohe meng oh pot pisapatin ama ohe pe oh nohnong ruumsup nahat napapti orhor noh na kas hapatmur. Ruumsup nahat napaptin orhor nohe ma na kas hapat oh Krais Jisas orhor nohnong Go nohe yah meng moh pot pisashenmur napor nohe hrepnong matip yah meng moh orhor wamat paptepra ma hapat dahapat ohoh ihan nohhe ruumsupsi nahat napapti dus orhor noh na kas hapatmur. Norhe Orhorwi inahatin hanwa daham ma am hat pat han orhor orhe mengnong yah mat orhorwi wamat papatru yah mat papatin orhor orhe pepe dik oh sa hatipra dahama na kas hama kasip hat orhorwi patmur.
Gahan Jon noh wandeioh aw tan mahat tanputporhan hos tohan tit patgop. Ohe bas oh han tit tongnot patgop. Ama han oh hanipnong dahamar satpor dahaho ihirsi gusutpor dahaho ihat dahahhanoh duung dasiwi ihpat hano rim ohe win oh yot winsi patgop. Tit win oh duung han ohmura; tit win oh arpin han ohmur. Ama win yot ohsi tongnot patgop.
Ihat patima hanip ihir gurnong er naham inahayao dasei meng naporiyao nahayahanhe gurdapathe ire ma inahaya da oh Dirhe it yansi mar imtiper daham indeipri. Gurdapat oh Got ohe yah da oh ihirnong bapkeisi mat ha paptenoh rim Got oh ihirnong bapkei mat papten ohe meng ohwi adahamar paptenmur. Got oh Gur imat ihirnong bapkeisi mat papten ohe meng oh nohnong dahanahatperhan noh ihirnong bapkei dei gurnong bapkei nahah nahat napaptepramur napor orhe brer naham kis nahatipmur. Imat kis nahatip ohoh ihan gur ire imat adahamarwi paptenmur.
Be ma natamreipti ihirnong papti han bap gurhe amaru hat orhor Got ohe danong hat patim orhor paptenmur. Ihirnong kas ina matinmat kasip mengteihe poripri. Diradir Hanipyah aw tei mahat ma pat han oh tit pokwimur. Ama han orhor Moh duuptei hat pat hanmur. Moh ohe hrepdapat mat papat hanmur napor na nasapatmur. Orhor tap kat titwi nahat napapatim nasapat han ma hapat. Ihan nohhe ihirnong ohe ma napapatru mat orhor ihirnonghe imat paptepor daham pomar paptenmur.
Got oh manap da tei ham wanahat napat orhor gur Nuhur wan danong na hatiprohemur. Mama da morhorsiwi mihat pateprimur daham ma ihat sapti guroh guragure batbet datinnong oh ruprup mat sara patan pruptimur. Ama imat ruprup mar patan prupti ohe yan oh Got orhe duung dasi dahanaham orhe bopor heisup da ma pitap teinong matipra dik oh ama patan prupti er yan oh napripramur.