1 Pita 2:21 - Oksapmin

²¹ Got oh dirnong Norhe nita nahat napapat bap gur guragure yah hat sapti ohe pe oh gur batbet dariprimur. Batbet dat ma sasipri oh Krais orhe gure gwemat yah hat orhor sapatin batbet dat kasip hat ma pipru hat orhor norhe nita bap gurhe ihat orhor na gapa ham ihat orhor kasip ham batbet dat sashenmur napor ama batbet oh dat sashen ohe han bap kis nahat napapatmur.

1 Pita 2:21 ပူးပေါင်းရင်းမြစ်များ

Matyu 16:24

Por indeipat nuhurnong Gur Noh ohe danong ham dimtipora ma dahapti kuuhan gur guragure ma Nuhur ihat inpera ma dahapti da oh mandama Noh Jisas ohe danongwi hat sapatin nohnong ruumsup naham nitperhan hapurhanhe yahwa dahat orhorwi nohe danong ham dinahenmur.

Epesas 5:2

Krais oh dirnong bopor nahama dire gwemat haputipmur. Dire gwemat ma haputip ohe gapgwe oh ap yawar tei apop atendeipti ohe gapgwe hatin hat sus Got ohe rum tem roporhan oh da yah ham amam hatipmur. Ihan Krais oh dirnong imat bopor naham haputipru hat orhor gurhe arwananah ihirnonghe imat orhor bopor mar da apris paptenmur.

1 Jon 3:16

Arwananah ihirnong da apris bopor deipti ohe da oh kinhat sa pat daham am hatper dahayahanhe Jisas Krais ohe namgitip danong moh daham am henmur. Ma namgitip oh oh Noh norhe danong na hatpor. Ire danong ham haputpora daham dire gwemat haputipmur. Orhe dire danong ham ma haputipru dirhe imat orhor arwananah ihirnong bopor mar papti ohe pe oh nuhurnong niyarit hapuriyahanhe yahwa daham ihirnong imat da apris bopor mat paptenmur.

1 Pita 2:24

Ihat yah hat patdapat Ire ma er danong hat sapti da oh hapur sus erer ma hanhan ham mandapti ohe tan mat er danong sa mandatipri. Mandama yah hat son ohe danong oh da patim kasip hat saya apriya hapti da hatin hat orhor sa patepri daham dire er hat sapti ohe ina ruumsup batbet oh orhe boknongwi mar irat bok sur gartaham haputipmur. Orhe ina boknong batbet dar ma er hatip oh dire er hat sapti danong moh oh nasi mar yah nahatporhan dir gin si ham yah hat saptimur.

1 Korin 11:1

Nohe ma ihat sapat oh Krais orhe hat pat ohe tan hat sapat ohoh ihan gurhe norhe ma ihat sapatru hat orhorwi sashenmur.

1 Pita 4:1

Gur Krais ohe ina bok ma batbet datip oh Gin nuhurhe ihtin ina batbet oh datiprohewa daham ama batbet datin danong oh kasip ham patenmur. Ihat patim batbet ma daripti ihiroh er danong eimat mandam ihaptimur.

Piripai 2:5

Gur Krais oh orhe danong na hama hanip dire danong ham ma namgitip danong orhorwi hat patenmur.

Matyu 11:29

Noh ahar manap dasi haho noh norhe win na daptuhuro hapat han ohoh ihan nohnong am hama nohe kat tam tei sar pisapat kaw bok oh gur gure kat tam tei sar pisashenmur. Ma pisaya han guroh ina pang hat paten da datiprimur.

Rom ihirnong Por oh brak atip ohe meng oh 8:29

Imat ma napapat oh rih orhor Maihir norhe han hatipri bap ihirmur daham orhor am hat patesuhmur. Ama orhor am hat patesuh dirnong oh Kaput ihir norhe brer orhor hatin sa hatipri napor orhe kasip ohsi kis nahat napaptesuhmur. Inahat ma napaptesuh oh Krais oh duuptei brer ham nanip hat sa patepra. Ihir ohe nap gapinir hat sa patepri daham dirnong imat kis nahat napaptesuhmur.

Aposer 14:22

Meng pot ma pihipa oh Gur Jisas orhe danong mama hat pati oh ama danong orhorwi kasip hat orhorwi patenmur. Got ohe napapindin teinong ma sapri oh ruumsup nahat napaptin orhor saprimur. Ihat ruumsup nahat napaptin orhor sapri ohoh ihan Jisas orhe danong hat pati da oh kasip hat patenmur poripti Jisas orhe danong ma hat pati ire danong akasip mat pihipari.

1 Pita 3:18

Krais ohe ihtipnong oh gur dahenmur. Krais oh yahnap duutin dasi hat pat han orhor dire er hat sapti ohe batbet yan oh orhe boknongwi matipmur. Ma imtip oh oh Ama batbet yan oh norhe boknongwi nahatporhan nohe ma haputiproh ohe pe oh ihir Got orhe duupnong sa hapri daham tit dahwi haputipmur. Ma haputip oh kuuhan ihirdapat oh eimat ha haputinoh rim ina teinong sutpa orhor Got oh eimat paten dasi mar pamsas pihipmur.

Matyu 10:38

Jisas ohe irat bok sur gar mar ma sutipriru nuhurnonghe imat orhor nitperhan hapuriyahan yahwa dahat patenmur. Ihat nohe danong hat na ayahanoh ama ihat pati han bap gur nohe yah han hatin hat na pati gurmur.

1 Pita 3:9

Ihat patima hanip ihir gurnong er naham inahayao dasei meng naporiyao nahayahanhe gurdapathe ire ma inahaya da oh Dirhe it yansi mar imtiper daham indeipri. Gurdapat oh Got ohe yah da oh ihirnong bapkeisi mat ha paptenoh rim Got oh ihirnong bapkei mat papten ohe meng ohwi adahamar paptenmur. Got oh Gur imat ihirnong bapkeisi mat papten ohe meng oh nohnong dahanahatperhan noh ihirnong bapkei dei gurnong bapkei nahah nahat napaptepramur napor orhe brer naham kis nahatipmur. Imat kis nahatip ohoh ihan gur ire imat adahamarwi paptenmur.

Jon oh yah meng ma brak matip ohe meng oh 16:33

Kakdah moh gur ruumsupsi hapti orhor noh kakdah mohe erer oh nohe hrepnong mar ambapte mat papatmur. Ambapte mat papat ohoh ihan gur Oh erer moh orhe hrepnongwi mat papat ma hapat daham manap da tei hat orhorwi da yah hat patenmur. Gur Nuhur Jisas orhe tapnong hat pati moh yah hat patiwa daham gur da yah hat ha patengwe rim noh mameng moh napormur napongop.

Erer tarpatipra 12:11

Dire taptem ihir sipsip bap ohe heim ohe kasip ohsi; arpin meng pot ma pisapti ohe kasip ohsi ama yot ite kasip ohsi Satan ohnong ambapte matamuro. Ihir Dir ihat saptin niyarit hapuriyahan yahwa daham ihat sashe han ihirmuro.

Hibru 2:10

Erer gon moh Got orhorwi darpapat orhe kasip ohsi papatmur. Ama imat papat han orhor Norhe brer ihir trun han ham norhe has da ohsi ham norhe pat ha apringwe daham dire namburin han Jisas ohnong batbet apdapmur. Batbet ma apdap oh ihirnong yah mat orhor amburin han ha hatinoh rim batbet apdapmur. Imat batbet apriporhan oh batbet dara ama ohe pe oh oh dirnong yah mat orhorwi namburin han hatipmur. Got oh Jisas oh ire amburin han ha hatinoh rim batbet ma apdap oh Got oh erer moh darpam orhe kasip hrepnong mar papat han ohoh ihan imat batbet ma apdap oh yah matipmur.

2 Timoti 3:12

Nohnongwi inahat napapti basmur. Nuhur Krais Jisas orhe tapnong hama yah danongwi hat pateper ma dahapti han gurnonghe gonsi inahatperhan mama mihtin ruumsup oh gure boknong inahaptimur. Imat ruumsup nahapti ohoh ihan gur kasip hat orhor patenmur.

1 Pita 1:20

Ma namohotip oh Got oh rih orhor aw tan mong tan moh na darpat patin orhor Got oh kaput Krais oh ihat hapura orhe heim ohsi imat amohotipramur daham mamen mat paptesuhmur. Mamen mat papatdapat gahan gurnong napanggeitinmat pitap ham namohom haputipmur.

1 Tesaronaika 4:2

Nuhur apris gursi napaptin Hanipyah Jisas orhe meng sawa napotiri meng oh gur am hat pati ohoh ihan guragure mutuhnong oh isip mat orhor pisashenmur.

Aposer 17:3

Dahanggosham Por oh meng oh am matipri. Ma am matip oh Got oh Kaput tit han ohe boknong batbet nang matperhan hapur susa it masapramur por ma brak matpa meng oh Got orhor Ihirnong amburin hanmur rim ma kis matip han ohe boknong mar brak matpamur por ihirnong ameng oh am matipri. Ama imat kis matip han oh nohe mama naporpat han Jisas orhornongmur por ihirnong am matipri.

Aposer 9:16

Am mat pisapatin ama am mat pisapat ohe pe oh ruumsup batbet ma daripra oh norhordapat gorhe boknong naham namgipramur por norhor kis mat papat han ohoh ihan go sonmur ama potip oh.

Ruk oh yah meng ma brak matip ohe meng oh 24:26

Got oh Krais oh batbet ha datinohmur. Darpat has armisi da moh sa datipra ma dahatip da oh gut hanhan hat patida pongopri.

1 Pita 4:13

Es. Noh Krais orhe nita hat pat ohoh ihan nohhe Krais orhe darisuh batbet orhor hatin hat darpat ma hapat daham amam ham batbet dat sashenmur. Amam hat saptin orhe amam armi has da ohsi pepe dik ma pitap hatipra dik oh nohhe amam isipnap datiprawa daham amam hat orhor patenmur.