1 Pita 2:10 - Oksapmin

¹⁰ Gur rih ma pateshe oh be han bap hatin hat pateshemur. Gin ma pati oh Got orhe nita han bap hat patimur. Be han bap hatin hat ma pateshe oh gur Got orhe hinhina naham napanggeipat da oh hanhan hat pateshemur. Gin oh orhe nita bap hat pati ohoh ihan orhe hinhina naham napanggeipat da oh am hat patimur.

1 Pita 2:10 ပူးပေါင်းရင်းမြစ်များ

Rom ihirnong Por oh brak atip ohe meng oh 10:19

Ihir meng amrapti hanhan hat patida. Basra. Ihir gonsi am hat orhor patimur. Moses ohe ma brak matip oh Isrer ihir gonsi am hat patio rim Juda na hat pati han ire boknong mar brak matipmur. Ma brak matip oh mamaru hat patmur. Juda hat pati bap gurdapat Maihir be kuuhan bapmur ma poripti ihirnong asoh norhe da apriporhan gur ihirnong wamara heisup deiprimur. Hut pati han bap maihir kinhaya rim ihirnong heisup deiprimur. ritporhan Moses oh brak matipmur.

Rom ihirnong Por oh brak atip ohe meng oh 11:30

Gur rih ma pateshe oh Got ohe mengnong sakarap mar amkar er hat sashemur. Ama ihat er hat sapti gurnong Juda hat pati han ihir Got ohe mengnong sakarap mar amkar ihat sapti ohe pe oh Got oh Juda na hat pati bap gurnong hinhina naham yah da napripatmur.

1 Korin 7:25

Gin na gosdat pati bap gure paten meng oh napotiprohmur. Ma napotiproh meng oh Hanipyah ohe ritip meng oh na napotiprohmur. Norhe dahat pat meng tit napotiprohmur. Norhe dahat pat meng ma napotiproh oh gure damdapat oh Hanipyah oh Por ohnong hinhina mar ohsi pat ohoh ihan oh amram am hatin ohe meng tit napotiproh ma hapat daham nohe ma napotiproh mengnong moh amratinmur.

1 Timoti 1:13

Noh rih orhornong dasei meng poro orhe winnong amkar er mat pisao orhe nita ihirnong er mat apisao indeisuhmur. Indeipatin orhor Got orhordapat nohnong hinhina isip nahama Oh nohnong Ohwi inahatin hatin hanwa na daham hanhan hat patim ihat sapat moh noh norhe danong hatin ohe da oh matpora daham orhe damdapat Noh ohnong imat yah matpora ma dahapat ohe yah da oh nohnong isip nahatipmur. Isip nahama orhorsi tap hat patim bopor goshat indin ohe dao Orhorwi inahatin hatin hanwa dahapti ohe dao ama Krais orhorsi tap hat patim daripti da oh napdapmur. Napdap ohoh ihan noh amam da ohsi patmur.

Hibru 4:16

Orhe damdapat orhor Noh ihirnong imat yah matpora daham napanggeim yah nahapat han ohoh ihan dir orhe duupnong ham dahamtinmat na kas haptimur. Ruumsup namkat pathanhe watahpei hat orhor dahandeiptimur. Dahamtiperhan orhor hinhina naham napanggeitiprawa dahat pat yah da ohsi napanggeipatmur.