1 Pita 1:22 - Oksapmin

²² Gin gur Krais ohe namohotip ohe yah meng oh amram dimtipera daham dindeipti ohe pe oh gur er da hirmar mandama guragure taptem ihirsihe da mutuhdapat orhor da gosapris yah hat patimur. Ihat pati ohoh ihan ama ihat da gosapripti ohe da oh isip mat orhor pisashenmur.

1 Pita 1:22 ပူးပေါင်းရင်းမြစ်များ

Jon oh yah meng ma brak matip ohe meng oh 15:17

Nohe mama naporpat sawa meng oh guragur da gosapris bopor goshat paten ohe sawa meng oh naporpatmur napongop.

Jon oh yah meng ma brak matip ohe meng oh 15:3

Gur dam timapat tenap hat patio rim dam isip hat orhor ha timdinoh rim noh mama naporpat meng moh gurnong kat tahanahapat ohe tan mat meng mama naporpat ohmur.

Jon oh yah meng ma brak matip ohe meng oh 17:17

Gorhe meng oh arpin meng ohoh ihan ihirnong ameng ohsi ongeng mar gorhe natamreindin han bap mar paptenmur.

Jon oh yah meng ma brak matip ohe meng oh 17:19

Gin noh maihir yahnap ham ongeng tahat orhorwi ha patengwe rim nohhe ongeng tahat patdapat orhor ire gwemat haputpora dahapatmur pongop.

Aposer 15:9

Ire er gapnong imat dat amdam ma ayah matip oh ire orhe wan da tit dire orhe wan da tit hatperhan dat na namdapatmur. Ohwi inahatin hatin hanwa dahapti ohe pe ohwi dat namdam yah nahapatmur.

Aposer 6:7

Gahan Jerusarem ap mutuh oh Got ohe meng oh nitat ap ap oh pot pisasheri. Imat pisaptin Got ohe meng amrapti han ihir trun han ham isip hat pipari. Be han ihirsi; Got orhe ap yawar hanat bok han kat han ihirsi Moh arpin meng ma hapat daham amrangopari. Ihama patesheri.

Rom ihirnong Por oh brak atip ohe meng oh 1:5

Ama Krais orhe dap teidapat oh Got oh orhe damdapat orhor Noh Krais orhe dap tei oh imat yah matpora ma dahapat da ohsi nohnong Go norhe mengtei yah meng moh pot pisashen hanmur napor nohnong kis nahat napapatmur. Kis nahat ma napapat oh Noh Juda na hat pati han bap among among ma pati bap ihirnong meng potporhan meng amrama Moh arpin ohwi inahatin hatin han ma hapat daham ha dindeingwemur. Dindeipti Krais orhe winnong adaptuhut ha pisashengwemur rim nohnong meng porin han kis nahat napapatmur.

Rom ihirnong Por oh brak atip ohe meng oh 2:8

Arpin yah danong moh mandam nuranure ina boknong daham armi tahat sasipera daham ma er hat sapti bap gurnonghe Got oh ama ihat sapti ohe pe oh orhe bopor heisup da oh tom ohe tan isipnap yohot gure boknong napripramur.

Rom ihirnong Por oh brak atip ohe meng oh 8:13

Imat napapat ohe Yahsup orhe danong na hama ina teimdapat er da tarpam er da tei pranahat napisapat ohe danongwi hayahan eimat Got ohsi yah hat na patepri ohe danong oh dar ihat saptimur. Yahsup orhe inahat napapat ohe kasip ohsi guragure ina teimdapat er da tarpam ihat sapti danong asoh kom asar mandayahanoh yah hat eimat paten danong dar ihat saptimur.

2 Korin 6:6

Ihat patim da ongeng mat pisayao dakuu hat ayao kapkap it diteim potin danong na hayao hanip yah mat papindin ohe danong hayao Got ohe Yahsup ohe ma inahat napapat danong hayao ihirnong ina mutuhdapat bopor mat indin ohe danong hayao ihat pati han bap nuhurmur.

Garesia 3:1

Noh Jisas Krais ohe nambutinmat ma irat bok sur gartahatip ohe meng oh Garesia mong ma pati gurnong pomat napotipmur. Pomat napotporhan gur amram am hat pati orhor gin gure ma da ban tahaya moh nih da ban meng naporit da ban tahayao. Gur da timbas hat patim da ban tahayamur.

Garesia 5:5

Gure ihat dahaptimura; Nure ma dahapti oh Got orhe Yahsup ohe inahapat ohe pe oh Got oh dirnong Gur yah han bapmur napotiprawa daham Oh arpin inahatipra ma hapat daham amam hat orhorwi minhan patimur.

Garesia 5:7

Gur Krais ohwi inahatin hatin hanwa dahat sapti da oh yah hat saptin gahan nih apris gure arpin meng amraptinong oh nagatmatir.

Epesas 4:3

Got ohe Yahsup oh manap dasi gosham da gosapris paten ohe yah da napripatmur. Napriporhan ama da ohsi tit dawi hat patimur. Ama tit dawi hat pati da oh timbas hatiprarim kasip hat orhorwi marin paptepera daham marin orhorwi paptenmur.

Piripai 1:9

Noh dipwi gure ihat pati meng oh Got ohnong nadahandeipatmur. Nohe dipwi ma gure ihat pati meng ma Got ohnong nadahandeipat oh mamarumur. At Gota. Ire da gosapris bopor goshat ma sapti da oh isip hat ha sashengwemur. Isip hat susa gorhe ma ihat pat ohe da oh isip hat orhorwi sa sasipri.

1 Tesaronaika 3:12

Tit ma dahanahaya oh Hanipyah Jisas go Tesaronaika aptei pati kuuhan iraire bopor gosham da gosaprishen dao kuuhan ihirnong da apris bopor deipti ohe dao oh nure ihirnong isipnap bopor mar apripti da hatin mat orhor ire danonghe imat aisip mat paptenmur.

2 Tesaronaika 1:3

Nure taptem bapa. Gure ma Hanipyah ohnong Orhorwi inahatin hatin hanwa ma dahat pati da ohsi; arwananah ihirsi da gosat pati da ohsi ama ihat dahapti da yot oh guragure bok oh isip hat saptio rim nuhurhe Ihir ihat saptio rim Got ohnong dipwi weso naporiptimur. Weso ma naporipti oh Got oh ama weso potin da oh nuhurnong napin pat ohoh ihan Got ohnong weso naporiptimur.

2 Tesaronaika 2:13

Nure taptem Hanipyah oh bopor nahat pat bapa. Got oh weso napotin inasi nuhurnong nahatporhan nuhur Got ohnong dipwi weso naporiptimur. Weso ma naporipti ohe duuptei oh mamaru hat patmur. Rih mong na tarpat patin orhor gurnong Got oh Ama han ihirnong norhe han matipramur. Norhe han ma matipra oh norhe Yahsup oh ihirnong irarhe teinong mar ongeng mat sa paptepra. Imat papatin arpin mengnong amram Arpin menghe daham amram dindeiptin noh ambutipramur daham orhe han naham kis nahatipmur. Imat kis naham napapat hano rim nuhur dipwi weso naporiptimur.

1 Timoti 1:3

Noh rih Masedonia mongnong saporim gonong kasip mengtei Go Epesas ap mutuh morhorwi patenmur ma napotipru ginhe it tap meng orhor napor mama brak mat nasar ohmur. Go Epesas ap mutuh orhorwi patim kat han ihir Got ohe meng pomat na rima dasuh mengnong Got ohe meng hatin mar rit sayao rih pohon ma pateshe mengnong orhor dahat ayao hanip han ropir han ropir ma pateshe ire win na timbas hatin ohe dapnong ohwi dahat ayao hat ma pati oh ama ihat pati danong ha timbas hatingwe rim go baso potinmur. Ama da oh Got ohe danong hat sapti danong oh na napanggeima sakarap goshat son ohe danong ohwi nahat napisapat da ohmur. Ihan ama inahat napisapat danong oh ha timbas hatinoh rim go baso potinmur.

1 Timoti 1:5

Noh Ihirnong baso potinmur ma napor meng moh ihir iraire ihapti danong oh mandama ongengnap mara duutin dasi mat papti dao Noh er hah sa na dahama Yah hat orhorwi patwa dahapti dao Ohwi inahatiprohwa daham arpinwi dahat pati dao ama yitir dahapti ohe pe oh hanip ihirnong bopor mar da apris hen ohe da oh sa tarpat sasipra daham mama napor ohmur.

1 Timoti 4:12

Kuuhan ihir gonong wanahama moh kopen han ma hapat. Ihan meng moh dasuh mengsi naporpat ma hapat daham dasei nahatipririm gomdapat yah meng potin dao yah hatwi son ohe dao ire danong ham panggeitin ohe dao Got ohe danongwi kasip hat paten ohe dao yah danong ongeng mat papti ohe dao oh Krais ohe danong hat pati han ihirnong pinggit pisashenmur.

1 Timoti 5:2

Suanir san ihir er hayahanhe gorhe sua uhnong sawa asarpatru mat orhor sawa asarinmur. Kuunang ihir er hayahanhe ahar tare asoh sawa meng poripra. Gorhe boknong nahatin menghe timbas hat patin orhor hanip ire kintei asoh Gur ihat sasipri por sawa asarinmur. Gorhe kuunang taptem ihirnong sawa ma asarpatru mat orhor sawa asarinmur.

2 Timoti 1:14

Pot pisusa Got ohe yah meng oh gwe hrepnong ma matipnong oh ihir aer matipririm orhe Yahsup dire mutuh ma pat Yahsup ohsi diradire ihsen yahnap tit ma boporsi mar paptiru mat orhor apaptenmur.

Hibru 11:8

Epraham oh Got oh arpin inahatiprawa dahatporhan arpin dam timdip ohe meng oh mohmur. Got oh Epraham ohnong Gin gorhe aptei mong moh mandama norhe ma namdatipra mong teinong sonmur potporhan oh Arpin inahatiprawa daham amrama orhe aptei mong oh mandama wan mong hanhan hat pat mongnong pipmur.

Hibru 13:1

Gur taptem guragure da gosapin pati da hatin hat orhor Got ohe nita bap guragur da gosat orhorwi patiru hat orhorwi patenmur.

Hibru 5:9

Dapsi mat yah mat orhorwi dimtip han ohoh ihan hanip dir orhe meng amram dimtipera ma dahapti dirnong eimat yah hat paten ohe dasi nahen ohe duuptei han hat patmur.

Hibru 6:10

Gur ihat patim Got orhe danong ayah deipti da ohsi diradire taptem ihirnong panggeitpera daham panggeisheru panggeit orhor mama papti ohmur. Ama ihat sapti da oh Got oh er han bas ohoh ihan oh na hanhan mara dahatwi pat hanmur.

Hibru 9:14

kakdah ohe apop gapa heim ohsi imat pondeishe ohoh ihan Krais ohe kasip heim oh atnap yahnap nahapat ma hapat dahaptimur. Orhe bok andeh mihihnap bok ina hat patin eimat paten ohe Yahsup ohe kasip ohsi dire gwemat haputipmur. Ihat mihihnap hat pat han oh heim tandurker haputip ohoh ihan ina teimdapatwi na yah nahapatmura; dam na tarpatin ohe er da oh hapti damdapat Gin orhor ma ihpat ohe er oh er hat pat sa daham damdapat ma dahapti da ohsi tap mat yah nahapatmur. Yah nahama dire patru patepra Got orhe atamreindin inasi nahapatmur.

Jemis 1:21

Ihtin ohoh ihan er hat sapti dao er gap ma teip hat pati dao oh gonsi hariri por mandanmur. Mandama Got ohe meng oh nohe da mutuh moh amgap tasi hat pat moh put marasa nambutin inasi nahatin da meng ma hapat. Ihan nohwi ihtin hanwa dahat pat ohe da oh mandama Got ohe meng hrepnong hatpora daham orhe nambutin ohe da meng hrepnong hat patenmur.

Jemis 4:8

Er da hat ma sapti bap gure bes tom gahmar yah deiptiru mat orhor gure ma er hat sapti danonghe imat hirmara yah mar timbas matinmur. Timbas mara gure yot da hat ma sapti oh tit da mandama tit danongwi pomtinmur. Iham sus gure da oh Got ohe duupnong hat sonmur. Hat saperhan ohhe gure duup apris nambutiprohmur.

1 Pita 1:2

Rih orhor At Got oh gurnong Noh mama han moh norhe nita matipramur. Matinmat oh norhe Yahsup ohsi norhe ongeng mat papten brer matipramur. Mara Jisas Krais orhe heim dap tei oh ire er gap yan oh ahirmatporhan orhe mengnongwi sa dimtipri daham kis nahatipmur. Ihat kis naham napapat han norhor gure ihat paten meng oh noh Got ohnong At Gota. Gorhe damdapat daham Ihirnong noh imat yah matpor ma dahapat da ohsi; manap goshat yah hat paten da ohsi ire mutuhnong isip mat orhor apisashenmur por nadahandeipatmur.

1 Pita 2:17

Gur kuuhan gonsi ihirnong kin katket mat paptepri. Gonsi ihirnong rum mutuh mat orhorwi paptenmur. Guragure taptem bap ihirnonghe bopor mat paptenmur. Got ohnonghe orhe danong ham kasa ham orhe hrepnong hat orhorwi patenmur. Kakdah moh ohe kakhan duupteinap hat pat han ohnonghe rum mutuh mat orhorwi paptenmur.

1 Pita 3:1

Kakdah moh ohe kakhan ire hrepnong ham ire meng amram dindeiptiru mat orhor kuu gurhe imanir ire hrepnong hat patim ire meng amram dindeinmur. Kuu gure imat ma amram dindeipti ohe pe oh gure imanir Got orhe mengnong na amrapti han ihirhe Kuu ire ma ihat sapti moh Got orhe arpin mengnong moh amram ihat sapti ma hapat daham ire dahe Got oh arpin inahapat han ma hapat daham Got orhe danong sa hapri. Guragure meng poripti ohe pe oh basmur.

1 Pita 3:20

Ama er hat sashe da bap ihir rih Noa oh tom hru tei sashen ohe ap hapatin Got oh ihirnong kapkap heisup ham na suma minhan wamat paptesuhmur. Ohe minhan pat danong oh ihir na hama orhe mengnong oh kom atpamur. Kom atperhan Got oh heisup mar tomsi orhor gonsi ihirnong sutipmur. Gonsi supat kirhei kuuhan ihirnongwi tomsi na suma it ambutipmur.

1 Pita 3:8

Gin Pita noh mama napor meng moh timbas matinmat mama meng moh napotiprohmur. Guragur tit dawi goshat patim saya apriya hat patenmur. Ama da ohsi ihat patim tit han oh amam darhanhe guragur tap hat amam da titwi darinmur. Ina ruum darpathanhe guragur tap hat ina ruum titwi darinmur. Guragure taptem ihirnong asohhe gonsi hinhina da aprisa bopor mat paptenmur. Bopor mat paptima Norhorwi ihtin han hat patwa dahapti ohe da oh mandama ire danong hat patenmur.

1 Pita 4:17

Ma inahapti oh gin Got ohe dahanaham nasatin dik oh gin apris orhe nita bap dirnong nasapat ma hapat dahat patenmur. Dirnongri imat nasapat ohoh ihan Got orhe yah meng na amram kom asaripti ihirnong oh atnap batbet isip apinmat satipramur.

1 Pita 4:8

Yah hat ma sapti ohe duuptei isipnap hat ma pat oh mohmur. Bopor gosham gospanggeit indin da oh isipnap hat patmur. Isipnap hat pat ohoh ihan ama da oh mandapri. Kasip hat orhorwi marin paptenmur. Bopor deipti ohe da oh arwananah ihir gurnong er nahayahan gurdapat it yansi na mar hanhan mar mandapti ohe da ohoh ihan bopor deipti ohe danong ohwi kasip ham paptenmur.

2 Pita 1:7

Got orhe da hatin hat sapora daham sapti ohe basnong oh Got orhe nita taptem ihirnong hinhina mar panggeipti da oh ohe basnong matpora daham kasip ham imtinmur. Taptem ihirnong hinhina mar panggeipti ohe da ohe basnong oh kuuhan gonsi ihirnong bopor mar da apripti da oh ohe basnong matpora daham kasip ham imtinmur.

1 Jon 3:11

Taptem guragur da gosapris bopor goshat patenmur ma ripti meng oh gur kopen Krais orhe danong haya tei orhor amrasheru ginhe mama amraptiru amraptimur.

1 Jon 3:23

Got orhe ma naporpat sawa meng oh mamaru hat patmur. Gur norhe mon Jisas Krais ohnong Oh arpin ihtin han hat pat ohoh ihan orhorwi inahatin hatin han ma hapat daham ohe danongwi hat patenmur. Ihat patim orhe Gur arwananah ihirnong da apris bopor mat paptenmur ma naporpatru hat orhor patenmur napor Got orhor imat sawa nasarpatmur.

1 Jon 4:12

Dir Got ohnong na wandeipti han orhora; dir hanip ihirnong da apris bopor mat paptihanoh ama imat bopor mat papti ohe pe oh ama na wandeipti Got orhor dire da mutuh patim ihirnong da apris bopor mat papten ohe da oh dirnong isip mat orhor naprisa pei mat orhorwi napisapatmur.

1 Jon 4:20

Ihan hanip dir Nohri Got ohnong da apris bopor mat papatmur giripti orhora; Got orhe nita bap kuuhan ihirnong da na apris na bopor mat paptihanoh ama giripti bap ihir dasuh hapti han bap ihirmur. Hanip wanggosham pati han bap diradir da na apris na bopor mat paptihanoh Got na wandeipti han ohnonghe atnap da na apris na bopor mat pati ma hapat daham Ama giripti bap ihir dasuh han baphe daham am henmur.

1 Jon 4:7

Norhe bopor nahat napapat bap gur arwananah ihirnong da apris bopor deipti da oh Got orhe bokdapat tarpam dirnong imat bopor nahat napapat da ohoh ihan gurhe Got orhe dirnong bopor nahat napapatru mat orhor arwananah ihirnonghe imat orhor da apris bopor goshat patenmur. Imat ma da apris bopor mat papti ihir Got orhe brer hama orhornong am hat patim ihat sapti ma hapat dahenmur.

Erer tarpatipra 2:4

Gur ihat yah hat sapti orhor tit ma ihat saperhan ohe ma na amam hapat da oh mamaru hat patiri. Gur kopenat ma orhe nita ham isip bopornap mar ma pateshe da oh gin mandatiriri.