1 Korin 9:5 - Oksapmin

⁵ Hanipyah orhe mengtei meng pot pisapti han Pitao ihir kuu dara inapir ihirsi tap hat meng pot pisaptimur. Ire ma saptiru nohhe kuu dar ihat ushan erda. Basra. Oh yahmur.

1 Korin 9:5 ပူးပေါင်းရင်းမြစ်များ

Matyu 13:55

Bupang ripti Moh ap hapat han ohe brer basda. Orhe sup uh Maria uh basda. Jemiso Josepo Saimono Judaso ihir orhe arwapir basda.

Matyu 8:14

Gahan Jisas oh Pita ohe ap ros wandeioh Pita ohe barip uh ina harsupsi hama ap tan tei oh timon patgopri.

Mak oh yah meng ma brak matip meng oh 1:30

Sus koriyaoh kat han ihir Saimon ohe birip uh er hama ina harsupsi ham ap ham timon patinmur pongopari.

Mak oh yah meng ma brak matip meng oh 6:3

Moh wan han ihirda. Ap hapat han Maria uhe mon orhor basda. Jemiso Josepo Judaso Saimono ire arwap oh basda. Orhe kuunang taptem ihir dirsi na patida gigoshapti gardeingopari.

Ruk oh yah meng ma brak matip ohe meng oh 6:15

Tit oh Matyu ohmur. Tit oh Tomas ohmur. Tit oh Arpias ohe mon Jemis ohmur. Tit oh Saimon ohmur. Saimon ohnong Moh Serot bap ihirmur poripti han ohmur. Tit oh Jemis ohe mon Judas ohmur.

Ruk oh yah meng ma brak matip ohe meng oh 8:20

Kot dah oh patin tit han tit maras Jisas ohnong Gin gwe suao arwaniro ihir imder gosi mengitinmat kot dah maroh wanahat patimur pongopri.

Jon oh yah meng ma brak matip ohe meng oh 1:42

Mesaia ohnong wandeiyamur pora nanip ohnong ambura itait nangman Jisas ohe patnong pipari. Saperhan Jisas oh wamara wan han Jon ohe monmur daham Jon ohe mon Saimon go gin gwe win oh Sipas napotiprimur pongopri. Hibru ire mengtei Sipas ma porishe oh Grik ire mengtei Pita porishemur. Pita ma porishe Oh kweimur ma porishe ohmur.

Jon oh yah meng ma brak matip ohe meng oh 2:12

Gahan Jisaso orhe sup uho nap gapiniro orhe namgit napisapat hano nuranur Kapeneam apteinong waihpa. Wasa Kapeneam aptei oh inpa.

Aposer 1:14

Ire rus ma inpa oh Jisas orhe supo orhe nap gapiniro kat kuu ihiro irair tit dawi hat patim Got ohsi mengir inpari.

Rom ihirnong Por oh brak atip ohe meng oh 16:1

Gin diradire kor taptem Pibi uh sios bap Senkria aptei ihirnong panggeim tamreipat kuu uhmur. Ihan gurhe Ihat pat kuu ma hapat daham amburinmur.

1 Korin 7:15

Kuu uh Got ohe danong hat patina han oh Got ohe danong na hat patdapat Gin noh gosi dit na pateprimur. Namdamur naporhanoh kuu gomdapat Yahwa. Gorhe dawimur porinmur. Han oh Got ohe danong hat patina kuu uh Got ohe danong na hat patdapat Gin noh han gosi dit na pateprimur. Namdamur naporhanoh han gomdapathe Yahwa. Gorhe dawimur porinmur. Got oh dirnong manap gosham yah hat paten da napin pat tei ohoh ihan patem inggoshatipririm Yahwa porinmur.

1 Korin 7:39

Gin tahem gure paten meng oh napotiprohmur. Han oh da patin oh sawa meng oh Wan han datipra. Iman orhorsi patenmur napotip ohoh ihan orhornong dat patenmur. Han oh haputporhan Noh gin wan han tit datpora dahahhanhe yahwa. Gorhe dawimur. Yah orhora; kin wataham Got orhe nita hat pat han ohnong asohwi darinmur.

1 Korin 7:7

Noh yahwimur naporpat orhor norhe ma dahat patnong oh Nohe mama pon han ham yah hat patru hat patepera daham ihat ayahanhe oh yahnapmur dahapatmur. Ihtin orhor Got oh nitat da napin patmur. Ma napripat oh nohe mama hat pat da hatin nahahhanhe gurhe nohe mama hat pat da hatin hat orhor patenmur. Ihat paten dasi na nahama kuusi hansi gosdatin da napin pathanhe gutagut gosdara gutagut gamin taham patenmur.

1 Korin 7:8

Kuu pono han pono kuu tahemo hat pati gurnonghe gin noh mama meng oh napotiprohmur. Gur nohe tan hat patepera dahayahanhe yahwimur.

Garesia 1:19

Ama ihat indip ohhe Jisas ohe atamreishe han ihirnong kat han ihirnong na wamtipmur. Jisas ohe nap Jemis ohnongwi wamtipmur.

1 Timoti 3:2

Arpin yahnap ohe tamreindin ohoh ihan guragure kintei yahnap hat ma pat han asohwi kis deinmur. Yahnap hat patin ma kis matiprohe han oh mamaru hat pat han ohnongwimur. Kuuhe tit kuu pokwi ma dat pat han ohmur. Dahatin dahe potahat dahama kak tongnot ma pat han ohmur. Ire kintei asoh ma yah hat us apir hapat han asohwimur. Hanip gonsi ihirnong ma norhe yah hanwimur por amburpat han ohmur. Da nadapetin meng ma naporpat han ohwimur.

1 Timoti 4:3

Ihat ma pati bap ihir mama dasuh meng moh We. Kuuo hano gurhe gosdaripri. Awammur. Mama den moh awam den ohoh dapri ameng oh napot aprisipri ohoh ihan gur ameng oh amrapri. Ihir Mama den moh awammur. Dapri riyahanhe gur amrapri. Got oh Mama den moh Krais ohe danong ham arpin meng dindeipti han ihir mama den moh norhornong weso napor sa dapri napor ma natip dennong oh mohri awam na dapti denmur napotipri ohoh ihan gurri ameng oh amrapri.

1 Timoti 5:2

Suanir san ihir er hayahanhe gorhe sua uhnong sawa asarpatru mat orhor sawa asarinmur. Kuunang ihir er hayahanhe ahar tare asoh sawa meng poripra. Gorhe boknong nahatin menghe timbas hat patin orhor hanip ire kintei asoh Gur ihat sasipri por sawa asarinmur. Gorhe kuunang taptem ihirnong sawa ma asarpatru mat orhor sawa asarinmur.

Taitas 1:6

Kis mat ma pisapra oh mama mihat pati han ihirnongwi kis mat pisonmur. Iraire kintei asoh Moh er hat na sapat han moh ohe boknong matin ohe meng oh timbashe dahat ma pati hano tit kuu dara ama dar kuu uhnongwi pomar papti han ihiro iraire brer ihirhe Krais ohnong Ohwi inahatin hatin hanwa dahat saptin kuuhan ihir wamara Moh ihat sapat brerhe. Mian imah ire hanip kintei ma er hat sapti ohe da hatin hat na sapat brerhe. Supir itapir ire mengnong na sakarap mar amrapat brerhe ma dahat pati brer ire itapiro ama ihtin han ihirnongwi sios ihirnong wamat papten han kakhan mar kis mat pisonmur.

Hibru 13:4

Kuuhan gosdaripti gamin hat ama pati oh yah ohoh ihan gutagute gamin gosdar ma yah hat pati danong oh er deipri. Gutagute yah hat pati danong oh ongeng mar paptim da gosat patenmur. Mian imah da hatin goshat saptio bisei saw goshaptio ama ihat sapti ohe yan oh Got oh ihat ma pati bap ihirnong oh batbet yan apripra ohoh ihan ihat sasipri.