1 Korin 9:21 - Oksapmin

²¹ Juda na hat patim ire sawa mengnong na marin pati han ihirnong potinmathe Ihir Krais orhe danong ha hatingwe rim noh iraire be han hatin hat ma pati ohe tan hat orhor patim ihirnong meng porpatmur. Noh ihat patim ma meng porpat oh noh Got orhe sawa mengnong mandam na ihpatmur. Krais orhe naporpat ohe sawa meng ohe hrepdapat hat patim orhor ihirnong meng porpatmur.

1 Korin 9:21 ပူးပေါင်းရင်းမြစ်များ

Rom ihirnong Por oh brak atip ohe meng oh 2:12

Got ohe ma nasatipra oh mamaru mat nasatipramur. Juda na hat pati han bap ihir Moses ohe natip sawa meng hrepnong na hat patim ma er hat sapti han ihirnonghe Moses ohe natip sawa hrepnong mar na sama iraire er hat sapti ohe pe Go er hasuh hanmur por batbet apripramur. Juda hat pati han bap ihir Moses ohe natip sawa ohe hrepdapat hat patim er hat sapti han ihirnonghe ama sawa hrepnong mar sama Go er hasuh hanmur potipramur.

Garesia 3:2

Guragure pohon meng oh dindeipti ohe pe oh Got ohe Yahsup oh gure mutuhnong nahat napapatda da Krais ohe irat bok sur gartahatip ohe meng oh amram Arpinhe daham dindeipti ohe pe oh Yahsup oh gure mutuhnong nahat napapat. Gin gur ama ohnong daham napotinmur.

Rom ihirnong Por oh brak atip ohe meng oh 2:14

Juda na hat pati han bap ihir Moses ohe natip sawa meng oh na amrat patim orhor iraire damdapat Moses ohe ritip sawa mengnong dindeiya hatin hat ma sapti oh Moses ohe natip sawa meng oh ire mutuh oh pat hatin hat patim ihat saptimur.

Rom ihirnong Por oh brak atip ohe meng oh 8:4

Dire bat gwe han mar ma sutip oh dir Got ohe sawa meng oh pomat orhor amram ha dindeingwe rim imat sutipmur. Dir ama yahnap sawa meng amram pomat ma dindeipti oh diradire ina teimdapat er da tarpam pranahat napisapat ohe kasip ohsi na ihaptimur. Yahsup orhe dire mutuh napapat ohe kasip orhorsiwi ihat saptimur.

Rom ihirnong Por oh brak atip ohe meng oh 7:25

Basra. Got oh diradire Hanipyah Jisas Krais orhe dap teimdapat nohnong nambur yah teinong nahatin han hat patwa daham Got ohnong weso porwi paptepera dahapatmur. Noh yah danong hatpor dahapat orhor er da hatin ohe danong oh hat ma sapat oh damdapat Got orhe yah danong hatpor ma dahapat da oh Got orhe sawa hrepdapat hat patmur. Ina teimdapat ma tarpapat sapat da oh er da ohe hrepdapat hat napapatin noh ihat er hat sapatmur.

Rom ihirnong Por oh brak atip ohe meng oh 7:22

Noh ma ihat pat oh mamarumur. Norhe damdapat Got orhe sawa yah mengnong moh amam ham dimtipora dahapat orhor

Aposer 21:25

Juda na hat pati bap Jisas ohe danong hat pati ihirnonghe nuhur nure wanin matpa meng oh Gur hanapsup ire den asariya den oh dapri. Gur heim koharhe dapri. Gur apop ambir tapama heimnong hapatsi oh dapri. Kuu bisei sawhe hapri por brak adarhetpamur pongopa.

Aposer 16:4

Agatdeipti pipari. Susa ap mutuh ap mutuh Jisas orhe danong hat pati bap ihirnong Jerusarem ap mutuh oh aposero sios ire duuptei hano ire rih wanin mar brak matiri meng oh Mamaru mat ha dindeingwe rim brak matirimur por meng am mat pihipari.

Hibru 8:10

Hanipyah norhor orhe gon meng Isrer gurnong ma rit natipra meng oh mohmur. Mama ihat pati dik moh timbas hatporhan norhe sawa meng oh gure da mutuhnong namtipramur. Ma namtipra oh gure ina mutuh oh nabrak dei hatin mat namtipramur. Nadeipat gur norhe nita kuuhan bap ham amram dimatwi pateprimur. Noh gure Got hat patepramur.

Aposer 15:28

Got orhe Yahsup ohe dahapat da ohsi; nuranure ma dahapti da ohsi nuhur tap mat Dir mama meng pok mohwi potiprohemur dahayamur. Nure ma dahaya da meng oh mohmur.

Garesia 6:2

Guragure ruumsup hat pati da oh gospanggeit sashenmur. Ihat ma sapti oh Krais orhe napotipru hatwi saptimur.