Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Korin 9:12 - Oksapmin

12 Gure mutuh oh patin kat han ire ma tamreipti pe oh guragure erer oh ihirnong apriperhan ihir dar daptimur. Nute yah hat ma tamreipti ohe pe oh Ihir erer oh ha napingwe naporiyahanoh oh erda. Basra. Oh yahnapmur. Nuhut napina napotin oh yahnap hat pat orhora; nuhutdapat gurnong na naporiptimur. Gurnong imat ma na naporipti oh gure Krais ohe yah meng amratin ohe mandapnong agatdeipririm gurnong imat na napora erer datin oh nuranure boknongwi ruumsup dariptimur.

အခန်းကိုကြည့်ပါ။ ကော်ပီ




1 Korin 9:12
23 ပူးပေါင်းရင်းမြစ်များ  

Pohon sawa mengnong am hat pati han gur Got ohnong am hatin ohe da oh gur ki ohe tan marin papti orhor guragurri am hatinmat dapum na roptimur. Kat ire ron mandap kat oh gur mandap agaheimat paptimur. Gure sawa meng am hat patin ma ihapti ohe pe oh ruumsup oh guragure boknong hatipra ohoh ihan gur hinhinsi hat pati bap gurmuro.


Dire tamreindin oh watah ap hamo titwi tamreiptimur gosham irair watah ap hamo hat inpari.


Noh na amrat pati han ihirnongri meng pot pisapora daham nohe ma ihat sapat mohoh gure patinong kapkap aprin mandap oh gaheinahat hatin napaptesuhmur.


Hanip ihirnong da apris bopor deipti da oh dire mutuh patin oh kat ihirdapat kat ire boknong dasuh inin meng oh ire boknong deiyahanhe dir ire meng oh na amram bopor mat orhor paptimur. Ama da oh patin oh dire Got ohe danong hat pati da oh gapa ham na mandaptimur. Ama da oh patin oh dire Got ohe yah naham inahatiprawa daham amam hat ma minhan pati danong oh gapa ham na mandaptimur. Ama da oh patin oh gonsi ruumsup ma apripatnong oh na gapa ham kasip hat orhorwi patimur.


Gur dahenmur. Guragure ruumsup goshat pati da oh Got orhe da oh gure mutuh oh hatip hat patin ama da oh tarpapatmur. Gur ihan ama ihtin da ohri tarpaprarim guragur kat han ihirdapat er nahamo gure erer nadaro nahayahanhe gurdapat Ihir inahaya moh dir meng pomtipera na daham hanhan mar mandanmur.


Ire ma tamreipti ohe pe oh den dar daptiru hat orhor nuhutnong oh Hanipyah oh Norhe yah meng ma pisapti han gurhe gure ihat ma meng pisapti ohe pe oh ihir deno erer oh ha naprishengwe. Napriperhan gur dar denmur naporpatmur.


Oh imat naporpat ohoh ihan nohdapat gurnong imat napotin ina hat pat orhor nohdapat imat napina na naporpatmur. Ginhe noh gurnong imat ha napanggeitingwe daham brak moh gurnong na nasarmur. Noh gurnong napanggeitin han erer oh napina napotin danong na hat patmur. Noh gurnong na napot patin orhor hapurhanhe yahwa dahat patmur. Nohe gurnong erer oh ti napina na naporpat ohe pe oh norhor amam ham yah hat pat ma hapat daham ma armi tahapat da oh timbas hatiprarim gurnong erer oh napina na naporpatmur.


Noh mama yah meng pot pisapat ohe pe oh norhe da orhor Noh ihat sapat hanmur rim noh armi tahatiprohda. Basra. Got orhor nohnong Go ihirnong imat meng pot pisashenmur napor kis nahat napapat ohoh ihan noh ihat na tamrein ushanoh noh norhornong batbet dar hinhinsi han hatiprakin daham meng pot pisapatmur.


Noh gurnong erer ti napanggeitinmur na napora be meng ma napot napisapat ohe pe oh nohe yan ma darpat oh mamaru hat patmur. Noh kuuhan ihirnong Gur ti napanggeitinmur potin ina hat pat orhor na pora noh ihirnong be meng pot pisapato rim noh amam isip hat patmur. Ama amam isip hat patnong oh noh yan hatin mat darpatmur.


Noh orhe meng napot napisapat ohe pe oh gure mutuh dam ma tarpat sapti oh arpin Hanipyah Krais orhe mengtei ihat sapat han ma hapat dahatin ohe dam oh tarpat sapatmur. Ihat gure mutuh oh dam tarpat sapat ohoh ihan gur wamar Moh Krais orhe mengtei ihat sapat han ma hapat daham am hapti basda. Kat ihir ihat na dahayahanoh nohe ma ihat sapatin kat gure mutuh ma dam timapatnong oh wanaham ihir Por oh aposer hat pat ohe pe oh ire mutuh moh dam timapat ma hapat sa dahapri.


Kat han ihir Nuhurnong Jisas orhe meng pot pisashen han bap kis nahat napapat han bap nuhurmur. Ihat pati han bap nuhur Por ohe yah hat tamrein sus yan darpatru mat orhor nuhurhe ihat yah mat orhor meng pot pisus tamrein sapti han bapmur. Ihan yanhe Por ohe ma darpatru mat orhor naprishenmur napor dasuh nahat apris gure mutuh oh patim yan dariptimur. Ire ihat patim ma yan daripti oh nohri ihathe yan na darpat hanmur. Nohhe ihat yan ma na darpat oh ama ihat dasuh han bap ihir gure mutuhnong aprisa Nure yan ma dariptiru mat orhor Por ohhe imat darpatmur napor dasuh nahatipririm noh yan na dar be tamrein patesuhru patru hat orhorwi patepramur.


Gur ama da timbas hat mengripti han ire mengnong asoh pan hat ma amrapti oh mamaru hat gur amraptimur. Ihirdapat gurnong Nure natamreindin moh gur be natamreinmur napor ire hrepnong nahayao gurnong bisei naham borop nahayao gure da oh ire boknong ha hatingwe rim dasuh nahayao Nuhurwi ihtinsi pati han bapmur naporiyao dak moh pung naporiya hatin hama dasei nahayao nahatperhan gur na garhama yahwa daham amraptimur. Ihan norhe ma napotiprohnong moh ire inahatperhan gur na gapa ham ire mengnongwi amraptiru hat orhor nohe mengnong mohhe imat orhor amranmur.


Noh Troas ap mutuhnong susa Krais ohe yah meng oh potpora daham Troas ap mutuhnong pipmur. Susa wandeioh Hanipyah oh ire danong nohe meng amratin dasi mar amamen mat papatgop.


Damsi hat orhor indinmur ma naporipti han nuhurnong gurdapat Ihir yah hat na patema er hat saptimur. Ihan nuhurhe ire hat saptiru hat sapera daham tambapte tapaya hatin hatipririm nuhur potahat patim orhor meng oh pomat naporiptimur.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ