1 Korin 9:1 - Oksapmin

¹ Noh hanip gure hrepdapat hat patda. Basra. Noh gure hrepdapat hat na patmur. Noh Krais orhe mengtei orhe meng pot pisapat han aposer hat pat basda. Noh aposer ma hat pat oh noh diradire Hanipyah Jisas ohnong wamara am hapat aposer hatipmur. Aposer hat patim orhe mengtei atamreim meng napot napisapat ohe pe oh gur am ham orhe danong ham orhe han haptimur.

1 Korin 9:1 ပူးပေါင်းရင်းမြစ်များ

Aposer 13:2

Gahan ama ihir gonsi Gin dir kakun den na dama Got ohsi mengir indiprohemur gigosham den na dam Got ohnong armi mar inpari. Ihat patin Got ohe Yahsup oh Gin Got norhe natamreindin oh Ihit ihat sa natamreindipri dahat pat han yot Banabassi; Sor ihitnong nakis matinmur pongopri.

Aposer 14:14

Gigoshatperhan ihit amrama Epe. Ditnong Got orhor hatin naham armi nahatperim ihya moho daham itaite watah oh daharmat sara kapkap susa kuuhan ire mutuh oh tandeima

Aposer 14:4

Dahapti gahan ama ap mutuh ihir yot da hapti kat han ihir Got ohe meng pot pisapti han yot ite danong hangopari; kat han ihir Juda bap ire danong hangopari.

Aposer 23:11

Gahan kimsidapat ohe kwitem oh Por oh patin Hanipyah oh Por ohe duup oh aprisa ohnong We. Pora. Go kas hatipra. Watahpei ham kasip hat orhorwi patenmur. Gwe Jerusarem ap mutuh morhor patim ma Got oh ihtin hanmura; ihtin hanmura ma ripat meng orhor Rom ap mutuhnong sushe ama wanin meng orhor ripramur pongopri. Potporhan timdipri.

Aposer 9:15

Potporhan Hanipyah oh Es. Ama han ohnong noh Go norhe kasip meng mohsi kak hat pati hano Juda na hat pati hano Isrer hat pati hano ihirnong norhe kasip meng mohsi am mat pisonmur.

Aposer 9:17

Potporhan Ananais oh arpin Sor ohe pat apteinong apingopri. Aprisa ohe pat ap oh marasa Sor ohnong bes marima Nohan Sora. Hanipyah gorhe ma mandap wamtir han Jisas orhor nohnonghe nadarhermur. Ma nadarher oh nohnong Go sus ohnong bes marinporhan it ha watahatinohmur. Watahatporhan noh norhe Yahsup oh ohe mutuhnong matiprohmur napor nohnong nadarhermur pongopri.

Aposer 9:3

Apriporhan Sor oh ama brak ohsi Damaskas apteinong pipri. Susa aptei kakduup dei tei mandap oh aw teidapat mong moh has hahdo tikimas ringopri.

Aposer 9:5

Gipor hahhan oh Hanipyaha. Go niho potipri. Potporhan oh Noh Jisas gorhe nohnong ruumsup napris er nahat ma napisapat han nohwa.

Rom ihirnong Por oh brak atip ohe meng oh 1:1

Noh Pormur. Noh Krais Jisas ohe atamreipat hanmur. Got oh nohnong Go norhe mengtei Krais ohe yah meng oh pot pisashenmur napor kis nahat napapat han noh Rom ap mutuh ma pati gurnong mama brak mat nasar ohmur.

Rom ihirnong Por oh brak atip ohe meng oh 1:5

Ama Krais orhe dap teidapat oh Got oh orhe damdapat orhor Noh Krais orhe dap tei oh imat yah matpora ma dahapat da ohsi nohnong Go norhe mengtei yah meng moh pot pisashen hanmur napor nohnong kis nahat napapatmur. Kis nahat ma napapat oh Noh Juda na hat pati han bap among among ma pati bap ihirnong meng potporhan meng amrama Moh arpin ohwi inahatin hatin han ma hapat daham ha dindeingwemur. Dindeipti Krais orhe winnong adaptuhut ha pisashengwemur rim nohnong meng porin han kis nahat napapatmur.

Rom ihirnong Por oh brak atip ohe meng oh 11:13

Gin Juda na hat pati bap gurnong oh mama meng moh napotiprohmur. Got oh gurnong meng napot napisapat han kis nahat napapat ohoh ihan noh ama ihat tamrein son ohe danong oh amam isip deipatmur.

1 Korin 1:1

Noh Pormur. Por nohnong Got orhe damdapat orhor Go Jisas Krais ohe meng pot pisashen hanmur napor nohnong kis nahatip hanmur. Gin ihat kis nahat napapat han nohsi; Sostenes nuhut Gurhe sa yah hat pati napor Korin aptei Got orhe nita kuuhan gurnong brak mat mama nasariya ohmur. Got oh Maihir norhe gon han mat papat han bap ihirmur napor kis nahat napapat han bap gurnong oh Jisas Krais orhe dap teidapat yah hat sashen inasi nahat napapat han bap gurmur. Ama ihat Korin aptei pati han bap gursi; among among Jisas Krais orhe danong armi mar papti han bap ihirnongsi tap mat guragurnong brak mat mama nasariya ohmur. Jisas Krais oh iresi; diresi diradire Hanipyah tit pokwi hat pat hano rim brak mat mama nasariya ohmur.

1 Korin 10:29

Gur dapri ma napor oh guragure da orhor Moh awam na dapti den ma hapat daham ha mandatingwe rim na ginapormur. Orhordapat moh na dapti denmur dahat pat ohe pe oh gurnong ginapormur. Gure Moh yahwiwa ma dahat pati da oh ohe Moh awammur ma napor ohe pe oh gur Moh arpin awam ma hapat daham mandatiproheda. Basra. Gure damdapat Yahwiwa dahat patim orhor ohe ma ginapornong oh daham ama ginapor han orhe danong ham mandanmur.

1 Korin 10:30

Gure Got ohnong weso por ma dapti oh kat han ihirdapat gurnong Moh er hayamur napor meng oh gure boknong nahatin ina hat patida. Basra. Gur Got ohnong weso por dapti ohoh ihan gurnong na ginapotin ina hat patimur.

1 Korin 11:16

Nohe ma napor meng moh nure meng ma pot pisaptio aptei aptei sios bap ma pati bap ihiro nuhur gonsi nohe ma napor meng ohe danongwi hat patimur. Ihat pati ohoh ihan gur wan danong hatpero dahayahanhe nure ma ihat pati danong moh Ihir ihat pati ma hapat daham am hatinmur.

1 Korin 3:6

Nohe orhe atamreindin napin patin ma atamreipat oh irat gwe sakdeipti ohe tan mat gure mutuh oh meng oh napot napisasuhmur. Aporos ohnong ohe atamreindin apin patin ma atamrein sapat oh irat yah hat ha maronoh rim unuh ahaptiru mat orhor oh meng napot napisapatmur. Nuhut ihat be atamreipti han yotmur. Pamras dam matin han oh tit han Got orhorwimur.

1 Korin 9:19

Nohe ihat ma tamreipat oh hanip ire hrepdapat hat patim ihir Gin go ihat tamrein sashenmur napotperhan noh ihat tamrein na sapatmur. Noh ihat hanip ire hrepdapat hat na pat orhor kuu han ruumsan han ihir Krais orhe danong ham orhe nitanong ruumsan ha hatingwe rim noh ire danong ham ire hrepdapat hat patim tamreipatmur.

2 Korin 10:7

Gur nohe ma ihat pat danong na wanahama be ina teimdapatwi wanahapti Oh be ihat pat hanhe dahaptimur. Iham Nohwi Krais orhe mengtei atamreipat han ma hapat ma dahah han go it potahat dahatinmur. Ma dahatiproh oh Nohwi Krais orhe atamreipat han bas ma hapat. Por ohsihe nutanut arpin Krais ohe mengtei tap atamreipti han yot ma hapat sa dahatipra.

2 Korin 11:5

Ama ihat meng oh nohe boknong naham dasuh nahat apripti han ihir Nuhurwi Jisas ohe meng pot pison han bap kis nahatip bap oh nuhur pokwi winsi han hat patim ihat apriptimur dahaptimur. Ihir ihat dahapti orhor nohe ma dahapat oh Noh ire hrepdapat hat patim gurnong meng naporpatda. Basra. Nohnong Got orhor kis nahat napapatin noh meng naporpat ohoh ihan ihir norhe hrepdapat hat pati ma hapat dahapatmur.

2 Korin 6:1

Nuhur Got ohe tapnong ham atamreipti han nuhuro rim Got orhe damdapat orhor Imat yah matpor daham yah nahat orhor ma napapat bap gurnong orhe inahapat danong oh wa hapri. Damsi hat orhorwi ha patengwe rim nuhur mama kasip mengtei naporipti ohmur.

Garesia 1:1

Noh Got ohe meng pot pisapat han Por noh mama brak dei ohmur. Noh mama mihat tamrein sapat moh tit han tit Gin go mama moh tamrein sashenmur napora kis naham na nadarhetipmur. Jisas Krais ohsi; Jisas ohnong ma pamsuhup han at Got ohsi itarhe taman Go meng pot pisona napora kis naham nadarhetpamur.

Garesia 5:1

Sawa meng oh dirnong nang ohe tan natpam ohe hrepnong nahat napapatin Krais oh nang narpit namdatipmur. Ma namdatip oh nang tarpira nang na tatpat pati han bap hat orhorwi ha patengwe rim nang narpit namdatipmur. Imat narpit namdatip ohoh ihan gur it sawa meng hrepnong ham nang tatpat pati bap hatin hatipririm kasip hat orhor patenmur.

1 Tesaronaika 2:6

Nure gurnong imat ma napotiri oh gurdapatdo wan han ihirdapatdo nure winnong armi naham win ha nadaptuhutingwe rim imat na napotirimur.

1 Timoti 2:7

Orhor ihat pat han ohoh ihan Por nohnong Gin go Juda na hat pati han bap ihirnong norhornongwi dahatin ohe arpin meng oh pot pisonmur napor kis nahat napapatmur. Noh arpin ihat pat han ohoh ihan noh arpin meng naporpatmur.

2 Timoti 1:11

Ama yah mengnong oh nohnong Go ihirnong pot pisusa am mat pisashenmur napor nohnong kis nahat napapatmur.