1 Korin 7:6 - Oksapmin

⁶ Gur nuhur kinhat indipri napor nohnong ma dahanahatiri meng oh gin noh mama napor ohmur. Mama napor meng moh Guragur kuu daripti ditadit gamin inpera dahayahanhe yahmur. Gur ihat patenmur na naporpatmur. Be yahwi naporpatmur.

1 Korin 7:6 ပူးပေါင်းရင်းမြစ်များ

2 Korin 8:8

Noh Masedonia ire imat ma panggeitiri meng oh gur imat orhor ha panggeitingwe rim na ginapormur. Noh gur hatip hat pati han ire danong ma hat pati da oh arpin ire danong ham panggeitin danong hat patido da na panggeitin ina hat patio daham noh am hatinmat mameng moh napormur.

1 Korin 7:25

Gin na gosdat pati bap gure paten meng oh napotiprohmur. Ma napotiproh meng oh Hanipyah ohe ritip meng oh na napotiprohmur. Norhe dahat pat meng tit napotiprohmur. Norhe dahat pat meng ma napotiproh oh gure damdapat oh Hanipyah oh Por ohnong hinhina mar ohsi pat ohoh ihan oh amram am hatin ohe meng tit napotiproh ma hapat daham nohe ma napotiproh mengnong moh amratinmur.

1 Korin 7:12

Gin Got ohe danong hat patsi; Got ohe danong na hat patsi gosdat pati gamder gurnong mama meng moh napotiprohmur. Ma napotiproh meng oh Hanipyah ohe ritip sawa meng na napotiprohmur. Norhe dahat pat sawa meng oh napotiprohmur. Got ohe danong hat pat han go Got ohe danong na hat pat kuu dat pathanhe uhnong mandapra. Uh Noh Got ohe danong na hat pat orhor gosi patepramur rihanhe yahwa daham dat orhorwi patenmur.

2 Korin 11:17

Nohe norhe boknong tohormi tahat hatin hat patim mama napotiproh meng moh Krais orhe hat patru hat patim mameng moh na naporpatmur. Norhe da ban tahat pat da hatin hat patim imat naporpatmur.

1 Korin 7:10

Gin kuu gamder gure paten meng oh napotiprohmur. Kuu han inap gur imanir ihirnong mandapri. Kuusi han gurhe inanir ihirnong mandapri. Guragur gamder gosdat orhorwi patenmur. Kuu han dat patdapat Gin noh ohnong mandam sapora dahahhanoh wan han ihirnong it daripra. It apris gorhe han mandam pip han ohnong it gutagut da gosapris gosdar patenmur. It iman ohnong na datin dasi hat pathanhe ihan gorhap be patenmur. Nohe mama Gur ihat patenmur naporpat sawa meng moh norhe sawa meng basmur. Hanipyah orhe sawa meng oh gurnong naporpatmur.

1 Korin 7:40

Kuu gohe gorhe dawimur napor orhora; norhe dahapat oh han darhanoh ama han dar amam oh garpokmur. Han na darhanoh ama amam oh isipnap hat patepra ma hapat dahapatmur. Nohe ma dahapat oh Got orhe Yahsup oh nohe mutuh moh patin noh ihat dahat pat ma hapat dahapatmur.