1 Korin 7:25 - Oksapmin

²⁵ Gin na gosdat pati bap gure paten meng oh napotiprohmur. Ma napotiproh meng oh Hanipyah ohe ritip meng oh na napotiprohmur. Norhe dahat pat meng tit napotiprohmur. Norhe dahat pat meng ma napotiproh oh gure damdapat oh Hanipyah oh Por ohnong hinhina mar ohsi pat ohoh ihan oh amram am hatin ohe meng tit napotiproh ma hapat daham nohe ma napotiproh mengnong moh amratinmur.

1 Korin 7:25 ပူးပေါင်းရင်းမြစ်များ

1 Korin 15:10

Noh ihtin han hat patin orhor Got orhe damdapat orhor Ohnong yah matpora daham orhe da orhor yah nahatporhan gin noh mama ihtin han hat pat ohmur. Got orhe da orhor ma yah nahatip da oh na wa hama arpin dam tarpama mama dam timan sapat ohmur. Ihat dam ma timan sapat oh ire Krais ohe mengtei kasip hat ma atamrein sapti oh noh atnap kasip hat orhor atamrein sapatmur. Nohe ihat kasip hat orhor ma atamrein sapat oh norhe kasip orhor ihat sapatda. Basra. Got orhe damdapat orhor kasip nahapat kasip ohsi ihat atamrein sapatmur.

1 Korin 4:2

Hanip dir tit han ohe atamreindin tit atamreiyahanoh de ohe danong ohri ham atamreiyahanoh Moh yah hat natamreipat han ma hapat dahatiproh. Orhe porpat meng orhorwi hat atamreiyahanoh Go norhe yah hat natamreipat hanmur porpatmur.

1 Korin 7:10

Gin kuu gamder gure paten meng oh napotiprohmur. Kuu han inap gur imanir ihirnong mandapri. Kuusi han gurhe inanir ihirnong mandapri. Guragur gamder gosdat orhorwi patenmur. Kuu han dat patdapat Gin noh ohnong mandam sapora dahahhanoh wan han ihirnong it daripra. It apris gorhe han mandam pip han ohnong it gutagut da gosapris gosdar patenmur. It iman ohnong na datin dasi hat pathanhe ihan gorhap be patenmur. Nohe mama Gur ihat patenmur naporpat sawa meng moh norhe sawa meng basmur. Hanipyah orhe sawa meng oh gurnong naporpatmur.

1 Korin 7:12

Gin Got ohe danong hat patsi; Got ohe danong na hat patsi gosdat pati gamder gurnong mama meng moh napotiprohmur. Ma napotiproh meng oh Hanipyah ohe ritip sawa meng na napotiprohmur. Norhe dahat pat sawa meng oh napotiprohmur. Got ohe danong hat pat han go Got ohe danong na hat pat kuu dat pathanhe uhnong mandapra. Uh Noh Got ohe danong na hat pat orhor gosi patepramur rihanhe yahwa daham dat orhorwi patenmur.

1 Korin 7:28

Gosdatper gosham gosdariyahanhe oh erda. Oh yahmur. Kuu horhor ihir han dariyahan erda. Oh yahmur. Yah orhora; guragure brer manhem brersi ham aya dus asoh ruumsup oh namkatipra rim mameng moh naporpatmur.

1 Korin 7:34

Ihat patima kakdah mohe ma dahapti da ohsi; Got ohnong dahapti da ohsi hat patimur. Kuu tahemo horhoro ihirhe Nuhur ina tei mohsi; da mutuh ohe da ohsi Hanipyah orhemur por ongeng mat apaptepera daham Hanipyah orhe atamreindin ohe danong ohwi hat patimur. Hansi kuu ihirhe han orhe ma dahah danong asoh ayah deipat da ohsi hat patim kakdah morhe tamreindin dasi haptimur.

1 Korin 7:40

Kuu gohe gorhe dawimur napor orhora; norhe dahapat oh han darhanoh ama han dar amam oh garpokmur. Han na darhanoh ama amam oh isipnap hat patepra ma hapat dahapatmur. Nohe ma dahapat oh Got orhe Yahsup oh nohe mutuh moh patin noh ihat dahat pat ma hapat dahapatmur.

1 Korin 7:6

Gur nuhur kinhat indipri napor nohnong ma dahanahatiri meng oh gin noh mama napor ohmur. Mama napor meng moh Guragur kuu daripti ditadit gamin inpera dahayahanhe yahmur. Gur ihat patenmur na naporpatmur. Be yahwi naporpatmur.

2 Korin 11:17

Nohe norhe boknong tohormi tahat hatin hat patim mama napotiproh meng moh Krais orhe hat patru hat patim mameng moh na naporpatmur. Norhe da ban tahat pat da hatin hat patim imat naporpatmur.

2 Korin 2:17

Nuhurnong ma Got oh ihat son inasi nahat napapat bap nuhurmur. Ihtin inasi ma inahat napapat bap nuhuroh kat han ire Nuhur Got ohe meng moh erer oh han ap mat pisusa yan daripti ohe tan hat meng moh pisaper daham ma meng pisaptiru mat nuhur imat meng na pisaptimur. Nure ma ihat saptinong ohri Krais orhe nitao rim ma Got ohe kis naham nadarhetip han hatin hat orhorwi arpin han hat orhorwi meng pot pisaptimur.