1 Korin 6:5 - Oksapmin

⁵ Nohe gurnong Gur imat pisasipri ma napor meng oh gur Nuhur imat pisapti sa daham ha kas hatingwe rim noh mameng moh naporpatmur. Guragure ruumsup goshat ma pati danong oh guragur tit han oh tit meng pomtin ina hat pat basda. Pomtin ina hat pat han tit pat ohoh ihan ama han oh ha pondeinohmur.

1 Korin 6:5 ပူးပေါင်းရင်းမြစ်များ

1 Korin 15:34

We. Gur da hut patim er hat ma sapti da ohri mandanmur. Mandama yah hat da darhet sashen ohe danong oh hat patim da darhet sashenmur. Kat gur Got ohnong hanhan hat patim ihat saptimur. Ihat saptimur ma napor oh gur kas ham ha mandatingwe rim noh mameng moh napormur.

1 Korin 4:14

Nohe taptem bapa. Noh gurnong aposer nure ma ihat pati meng moh gur amrama ha kas hatingwe rim brak mat na nasarmur. Noh bopor mat papti brer ihirnong ma sawa asaripitru mat orhor norhe bopor nahat napapat brer gurnonghe imat orhor sawa nasar mama brak mat nasar ohmur.

Jemis 1:5

Dakuu danong hatip hat pati gur Got ohnong dahandeinmur. Dahamtiperhan Got oh manap da tei yah mat isip mat orhor napripat han ohoh ihan gur dakuu danong hatip hat patim ma dahandeiya oh Got orhor ama da oh yah mat orhor napriprohmur.

1 Korin 11:14

Sam am hatinmat oh hanip diradire ma ihat dahapti danong asoh dahenmur. Dire ma dahapti da oh mamaru mat dahaptimur. Han dir kak bat na gatmar dapsi hat patin oh kuu tahem ire kak bat dap hatin hat pati moh por dasei mar wamat patimur.

1 Korin 4:10

Ihat ma pati aposer bap nuhurnong kuuhan ihir Maihir Krais ohe danong hat patim ihat ma sapti oh da timbas hat patim ihat sapti han bapmur naporiptimur. Gure ma dahapti danong oh Nuhur Krais orhe tapnong hat patim dakuu dasi hat pati han bapmur riptimur. Nuhurnong Ihir kasip timbas han hat patimur naporiptimur. Gure ma dahapti danong oh Nuhur kasip hat pati han bapmur guragur giriptimur. Nuhurnong Maihir win timbas hat pati bap gurmur napor dasei nahaptimur. Guragure ma dahapti danong oh Nuhur winsi han bap hat patimur dahaptimur.

1 Korin 3:18

We. Gur Noh kakdah mohe dakuu da ohsi hat patim noh dakuu hat pat hanmur rim guragure danong dasuh mat pisasipri. Arpin dakuu han hatpor dahayahanhe imat ma dahaya guroh kakdah han ire Moh dakuu damur ma ripti danong oh mandama Got orhe dakuu danong oh kakdah han ihir Moh da timbas damur ma ripti hrepnong hat patenmur.

Aposer 1:15

Ihat patimdapat gahan 120 kuuhan ihir tarmut patin Pita oh ire mutuh oh tandeima

Aposer 9:13

Potporhan oh Hanipyaha. Nohe ma amrapat oh Ama han oh Got gorhe danong hat pati han bap Jerusarem ap mutuh ma pati han bap gonsi ihirnong er mat pisapat hanmur riptingwerimur.

1 Korin 6:1

Amratin. Got orhe nita gur guragur ina ruumsup goshat patihanhe Got orhe nita na hat pati han ihir Dire ruumsup hat pati meng moh ihir ha napomtingwe daham Got orhe nita na hat pati han ire duupnonghe pisasipri. Got orhe nita guragurwi pondeinmur.

1 Korin 6:4

Guragure ruumsup goshat pati meng oh guragur pomtin ina hat pati ohoh ihan gur ruumsup ma goshaya meng oh Moh be han hat patimur ma poripti han ihir ha napomtingwe rim pisaptida. Basra. Guragur pondeinmur.