1 Korin 6:2 - Oksapmin

² Gur Nure ruumsup goshat pati da moh Got ohe nita na hat pati han ihir ha napomtingwe daham ma pisapti oh gur mohnong hanhan hat patim ihaptida. Got orhe nita hat pati dirdapat kakdah mama pati kuuhan maihirnong Gur ihat pateshe bapmur por satiprimur. Gurdapat ihirnong imat satin ina hat patimdapat satipri ohoh ihan guragure garpok ma ruumsup goshaya oh guragur sama pomtin ina hat pati basda. Gur ihat pati ohoh ihan guragur sama pondeinmur.

1 Korin 6:2 ပူးပေါင်းရင်းမြစ်များ

Matyu 19:28

Por dahamtiporhan Jisas oh Noh arpin meng napotiprohmur. Kaput rihohe mong erer moh timbas ham kopenohe ina ma hatipri dik oh Hanip Brer noh armi nahatin ohe hassi han hama tongnom napapindin tei ohe tongnotin oh norhor datipramur. Dara gurnong nasamo ham napaptepramur. Napapatin mama guragure erer mandam nohnong dinahapti han gurhe kakhan ihir iraire tongnopti tei tongnoma ihirnong ma wamat paptiru gurhe tongnoma Isrer ihirnong gure hrepdapat mar wamat indiprimur.

Ruk oh yah meng ma brak matip ohe meng oh 22:30

Ma paptepri oh nohe kakhan ham ma papat tei oh gursi nohsi tap hat tongnoma den damo tom damo ham diradir tap hat ihirnong papindin han hatiprimur. Hama gur kakhan ire tongnom ma papti ap tan tei oh gur nitat tongnotiprimur. Tongnoma Isrer ohe mon nathei bap ire puh ihirnong samo dahamaro meng poro mar papteprimur pongopri.

Rom ihirnong Por oh brak atip ohe meng oh 6:16

Guragur mohnong hanhan hat patida. Gur tit han ohe hrepnong ham be atamreinpera daham ama han orhe hrepnong hahhan ama han orhe danong hatinmat ihaptimur. Amaru hat orhor er da hrepnong hatpera daham ihyahanhe ohe danongwi ham haputin mandap teinong hat patim ihaptimur. Got ohe danong ham orhe hrepnong hatpera daham ihyahanhe duung dasi hat son ohe mandap teinong hat patim ihaptimur.

1 Korin 1:20

Orhor inahapat ohoh ihan kakdah mohe dakuu hat pati han ire mengo sawa mengnong isip am hat pati han ire mengo kakdah mohe mutuh mengnong daham aperipti han ire mengo oh dasi naham na napanggeitin mengwi deipatmur.

1 Korin 1:21

Ma indeipat Got oh dakuu han ohoh ihan oh rih orhor Ihir ire kakdah morhe dakuu mengnong daham am hat sapti ohe pe oh norhornong na am haprimur. Jisas oh irat bok sur gartahatip ohe mengnong na dahatin menghe dahapti mengnong oh amram Arpin napanggeitin menghe dahayahan noh ama ihat gidahaya ihirnong amburipramur dahatipmur. Ama irat bok sur gartahatip mengnong oh nuhur pot pisaptimur.

1 Korin 6:4

Guragure ruumsup goshat pati meng oh guragur pomtin ina hat pati ohoh ihan gur ruumsup ma goshaya meng oh Moh be han hat patimur ma poripti han ihir ha napomtingwe rim pisaptida. Basra. Guragur pondeinmur.

2 Korin 4:18

Ihat dahat ma pati dir kakdah moh ohe erernong ma wandeipti danong oh timbas hatin han ohoh ihan pomat kin duung por na wandeiptimur. Dire kin na wandeipti eimat patepra han ohnong wamtipri ohe danong ohwi kasip hat orhor kinkin da hat patimur.

1 Tesaronaika 3:13

Aisip mat paptim ire danong akasip mara yahnap ongengnap mat paptenmur. Imat apapatdapat gorhe it apris gorhe nita bap kuuhan ihirnong ambura Got orhe kinteinong ma matipra oh ama yahnap ongeng mat papat da ohsi hat patina ire boknong matin meng timbas hat patin orhor Got orhe kinteinong yah mat orhor matinmur por nadahandeiptimur.

Erer tarpatipra 20:4

Kanmat mandatporhan gahan noh wandeioh Jisas ohnong na mandatin ina ham orhe mengo Got ohe mengo oh ihir kasip ham marin patio rima ihirnong mahaw mar sutperhan ma haputpa da bap ihiroh masasa patingopa. Ama bap ire ma pateshe oh kurwah ohe danong na hamo orhornong arhur irat bok kis matpa ohe danong na hamo orhe win kis oh ire kinbi teio bes teio na brak matpao ama ihat pateshe han bap ire da oh masas patingopa. Ihir ihat patin Krais oh Gin Satan ohnong tanggap tem apat mandamur. Gurhe nohsi tap ham ihirnong papindin ohe kakhan hat patin krismas 1,000 birhim timbas hatipramur pora kuuhan ihirnong dahamar satin inasi matporhan ihir kakhan ire tongnopti tei oh tongnoma ire hrepnong mar paptingopa.

Erer tarpatipra 3:21

Er da ma gure merwi mar suya han gurnong oh orhe tongnoma napapat tei oh Diradir tap ham tongnom papinper napotiprari. Orhe merwi mar suma itap ohe tongnom napapat tei oh orhe itap ohsi ma tap hat tongnotipru hat orhor gurnonghe Diradir tap hat tongnotpera. Tongnoma diradir tap ham hanip ihirnong papinpera napotiprari.