1 Korin 6:10 - Oksapmin

¹⁰ agapah hayao nohwi ruumsansi han hat pateporo dahayao er tom dam da ban tahat sayao dasuh ham er meng ritin danongwi hat sayao erer mohotpero rim ma mohoya mani oh kat pe tit be adariyao ama ihat sapti bap ihiroh Got ohe napapindin hrepnonghe eimatnap na hatipri bap ihirmur.

1 Korin 6:10 ပူးပေါင်းရင်းမြစ်များ

Matyu 21:19

Pahoh ham sus wandeioh irat pik irat kai hatin mandap manggap oh patgop. Pathan Jisas oh Rinsi hat pat moh dam pat ma hapat daham kapom diporim wamar sangop. Sus wandeioh dam timbas rinwi patgop. Rinwi pathan oh Gin irat moh dam eimat na timapramur potporhan asut orhor gathat hangop.

Matyu 23:13

Jisas oh naporpat Parisio ihirnong Parisio sawa meng am hat pati hano gur pang yotsi han bap hat patimur. Ihat pati han gur Got ohe napapindin hrepnong na hapti han gurmur. Na hapti han gurdapat Got ohe napapindin hrepnong hatperim ihapti han ire mandapnong agatmar agaheideiptimur. Ihan gur Got orhe bopor heisup nahat napapat hrepnong hat pati han bap gurmuro. Gurarhe hinhinsi hatipri han bap gurmuro.

Matyu 23:33

Gur inapawam bap gurmuro. Ihat pati han bap gurnong Got oh dahanahama Gur eimat er han bapo rim irat has tei ma nahatipra oh de kat tandutipri.

Jon oh yah meng ma brak matip ohe meng oh 12:6

Judas ohe ama giritip oh borop han ihirnong daham na giritipmur. Oh nuranure den mohom dapti ohe mani oh ohe bes teinong mat patim oh kat mani gapah ham dar deo ihpat han ohoh ameng oh ritipmur.

Aposer 20:32

Got orhe damdapat orhor Noh ihirnong imat yah matpora ma dahapat da ohsi gurnong orhornong dahat son ohe da oh isip nahat napisasipramur. Napisusa yah hat orhor ongeng tahat pati bap ire erer wanin mat at papat oh guragur taman titwi datiprimur. Imat napaptepra han Got orhe bes teinong nahat namdamur.

1 Korin 15:50

Nohe taptem bapa. Nohe ma naporpat oh gur mihat ha dahatingwe rim naporpatmur. Hanip dire ina moh gonsi timbas hapat ina ohoh ihan ama ohe inasi hat patim Got orhe napapindin teinong na saprimur. Aw tei oh eimat paten inasi ham paten ap tei ohoh ihan mama pathar timbas hapat ina mohsi hathe na saprimur.

1 Korin 5:11

Nohe ihirsi patepri ma napotir oh guragur kat han ihir Nuhur Got ohe nitamur ripti it er danong hat ma sapti ihirsi tap hat patepri napotirmur. Ma napotir oh ihir it bisei saw hat sayao Nohwi erer ruumsansi hat patneng dahayao dasuh got ire danong hayao dasuh ham er meng ritin danongwi hat sayao er tom dam da ban tahat sayao erer mohotpero rim ma mohoya mani oh kat pe tit be adariyao ama ihir Nuhur Got orhe nitamur ripti it er hat sapti han bap ire tapnong hathe patepri napotirmur. Ama ihat pati han bap ihirsihe gursi tap hathe den dapri.

Garesia 5:21

Tit er da orhap dahapat da ohmur. Tit er tom dam ma da ban tahat sapti da ohmur. Tit tarmuriya tei ma tohor meng goshat sus ma mian imah ire da hatin hat sapti da ohmur. Ama ihtin da muk oh diradire ma er hat sapti da muk ohmur. Ama ihat sapti han gurnong noh rih kasip mengtei napotipru ginhe it mama napor ohmur. Gur kaput Got ohe napapindin hrepnong na hatinmat ihaptimur.

Epesas 4:28

Gapah hapti han gurhe gapah hapti danong oh hariri por mandanmur. Mandapti guragure bes tei yah hat tamreindinnong asoh yah hat tamreima den yah mat damo hatip hat pati ihirnong pandemo hat patenmur.

Epesas 5:5

Nohe ma napotiproh meng moh gur arpin ma hapat dahat pati meng oh napotiprohmur. Mamarumur. Bisei saw goshat sapti ihiro imah mian ire da hatin hat er hat sapti ihiro nohewimur por ma abap mat pisapti ihiro ama bap ihir eimatnap Kraissi; Got ite napapindin hrepnong na hatipri bap ihirmur. Erer oh nohewimur por ma abap mat pisapti han bap ihir ama erernong iraire got hatin mat paptim ihat saptimur.

1 Tesaronaika 4:6

Ihat susa iraire taptem Got norhe nita bap arwapir ihirnonghe dasuh mar ire erer oh abisei mar adaro hat sasipri Got orhor ihat gidahapatmur. Got ohe ama ihat dahat pat ohe danong agatmar er mat sayahanoh rih kasip mengtei Ama ihya gurnong Got oh yan oh batbet napripramur ma napotparu nahat orhor batbet yan napripramur naporiptimur.

1 Pita 4:15

Noh yah hat sapat ohe pe oh niya moh yahwa. Gin noh er hat sapatin niyada ihan kas hatiproh daham guragure er hat saya ohe pe oh nitipririm mama er danong moh hapri. Hanip sutperhan ha haputingwe rim supti dao gapah hapti dao mamter hat sapti dao arwananah ire yah hat sapti danong asoh agatdeipti dao adanong hat saptin inahatipririm yah hat orhorwi sashenmur.