1 Korin 5:3 - Oksapmin

³ Noh gursi tap tei na pat orhora; danong oh gursi tap hat patmur. Nohe da oh gursi tap hat patim nohe ma dahapat oh Gure mutuh ma er hat pat han ohnong oh gur mamaru mat da adason matinmur.

1 Korin 5:3 ပူးပေါင်းရင်းမြစ်များ

1 Korin 5:12

Got orhe nita hat pati han dirdapat orhe nita na hat pati ihirnong Moh er hanmur. Moh yah hanmur por dirdapat satin hatinda. Basra. Got orhordapatwi sapat hanmur. Oh Got orhe nita na hat pati han ire meng ohmura; Got orhe nita hat pati han ihirnong dirdapat satin ina hat patimur.

2 Korin 10:1

Nohanhera. Kat han ihir nohe boknong meng ma nahapti oh Por oh kakduup apris patim oh kas hat patim meng oh pomat na naporpatmur. Meih sus patim oh kasip bok mengtei inahah meng hatin mat naporpatmur napor meng oh nohe boknong nahat napaptimur. Inahapti orhor noh Krais oh orhe danong na ham manap mengtei risuh ohe tan hat orhor gurnonghe noh imat orhor napotiprohmur. Napotporhan gur amratinmur.

2 Korin 10:11

Ihtin meng ma ripti han bap ihir pomat ha dahatingwemur. Noh meihdapat patim kasip mengteido gapa meng teido ma naporpat hanhe oh kakduup apirhanhe tap da meng orhorwi naporipra ma hapat ha dahengwemur.

2 Korin 13:2

Meng amrama er hat patihan ama er hat pati han ihirnong arpin imtipramur. Noh tipnerip ma apdap oh apris patin gahan sonmat oh gurnong Gur ihat orhor er hat patihanoh noh it bimrip oh ma apripra oh arpin ama er hat pati han gurnong er yan napripramur napor namdapat pipmur. Gin ama napotip meng orhor ginhe it tap meng orhor naporpatmur. Tap meng orhor naporpat ohoh ihan arpin rih ma er hat sapti hano kopen ma er hat sapti hano guragure ma er hat sapti ohe pe oh noh aprisa guragurnong tap nahat arpin er yan napripramur. Tit er hat ma sapat han tit na sam namdatinhe na namdatipramur.

Korosi 2:5

Noh gursi tap tei na pat orhora; norhe damdapat gurnong ake tom nahat napapatmur. Ake tom napapat ohoh ihan gur Er han ihir apris nuhurnong dasuh naham er nahapri dahatwi patenmur. Noh ake tom nahat napapat orhor kat han ihir apris Ihir Krais ohe danong na mandam kasip hat orhorwi patim tit da orhorsiwi tamrein saptimuro ritperhan noh amrama da yah ham amam hat orhor patmur.

1 Tesaronaika 2:17

Nohanher taptema. Ihir nuhurnong er naham nadarhetperhan nuhur namdam kakun apris matei patimur. Namdam apris matei patim na wanggoshapti orhora; danong oh gursi patimur. Danong oh gursi ma pati oh pitning isipnap hat patim apris it wanggoshatin ohe mandap oh angtahatirimur.