1 Korin 4:19 - Oksapmin

¹⁹ Ihir Por oh wanaham na apriprakin dahapti orhora; basra noh aprin ina hat pat ohoh ihan han Hanipyah orhor Gin go sona naporhanhe noh arpin kapkap orhor wanaham apripramur. Aprisa ama Nuhurwi ihtin han bap hat patimur ma ripti han ihirnong wamara arpin Got ohe kasipsi ihat pati bapdo da atem teidapatwi giripti bapo rim noh ire danong adason mar wamar am hatipramur.

1 Korin 4:19 ပူးပေါင်းရင်းမြစ်များ

Aposer 18:21

Kaput Got oh Yahwa. Gin go sona naporhanoh noh it apris gursi indipramur potipri. Pora Akwira ihit gaminnong Epesas aptei oh mandama Por oh it sip tem ros pipri.

Aposer 19:21

Hanip yah orhe meng oh artahat sus kasip ham isip hat saporhan gahan Por oh Gin noh Jerusarem ap mutuhnong sonmat oh Masedonia mongo Akaia mongo among mutuh kat oh sapramur. Susa Jerusarem ap mutuh patdapat Rom apteinong sapramur potipri.

Aposer 20:2

Susa Masedonia mong ama aptei aptei pati kuuhan Jisas ohe danong hat pati kuuhan ire danong akasip mar meng pot pihipri. Imat pot pisusa Grik mong oh kotipri.

Rom ihirnong Por oh brak atip ohe meng oh 15:32

Nadahamar paptin Got orhor Gin ire patinong ha sonoh dahahhanoh noh amam hat orhor aprisa diradir pan inasi gosham indiprimur.

1 Korin 11:34

Gur Hanipyah orhe danong ham orhe deno tomo oh adinmat oh pahoh hat patihanhe guragure ap orhor den dam kasip hama apris denmur. Pahohsi hat patim orhor apris Hanipyah orhe deno heim tomo oh adayahanoh orhe danong na hat patim be adiperhan Got oh Go er hanmur napor inahatiproh ohoh ihan gur ihat pahoh hat patimhe apris dapri. Gin oh gurnong napotin meng oh pat orhora; kimsi apris gurnong pomat napotipramur.

1 Korin 14:5

Noh Gur meng tunmat hatin mengripti meng oh gonsi ihat ha mengitingwe dahat patmur. Ihat dahat pat orhora; noh isipnap ma dahat patnong oh Got orhe mengnong mohwi pitap teinong mara pot ha pisashengwe isipnap dahat patmur. Meng tunmat hatin hat ma ripti meng oh it dapuker pitap teinong mar ritin han oh ti na pathanoh kinhat da tanper ihir am hatiprohe. Ihat pat ohoh ihan meng oh it dapuker pitap teinong mar ritin han oh ti na pathanoh Got orhe meng pitap teinong mar porpat han ohri hat patmur.

1 Korin 16:5

Noh Masedonia mong aptei aptei meng pot pisasipramur. Meng pot pisuso hapat gure pati teinong apris diradir tap hat indiprimur.

1 Korin 16:7

Noh apris gursi atei gar dik tit na indipra ma hapat. Hanipyah oh Yahwa. Go isip dik tit indin naporhan yahwa isip dik orhor indipra ma hapat daham noh Masedonia mong aptei aptei maihirnongri meng pot pisus mamen deipat gure pati teinong apripramur dahapatmur.

1 Korin 2:6

Noh dakuu meng hatin mat na naporpat orhora; dakuu meng naporpatmur. Dakuu meng ma naporpat oh kakdah morhe dakuu han ire ripti dakuu mengo kakdah mohe kakhan timbas hatin han ire mengo ama ihtin dakuu meng oh na naporpatmur. Got orhe meng oh dakuu meng ohoh ihan Got orhe dakuu yah meng orhorwi Got ohe danong hatin ohe da oh hanip yah hatin hat pati han bap gurnongwi naporpatmur.

1 Korin 4:18

Sios bap guragur kat han ihir Por oh ihat wanaham na apriprakin daham iraire danong ham Nuhurwi ihat sios ire wamat paten han hat patiwa daham armi tahat saptimur.

1 Korin 4:6

Nohe taptem gurnong ma napor meng moh Got orhe atamreipti han yot Aporos nutanute ma atamreipti boknong mar napormur. Ma napor oh gur Dir dire Got ohe atamreipti han bap ihirnong ma sapti oh Got orhe Gur mimat hanip satinmur napor ma brak matip mengnong amkar mandama hanip diradire dahapti da ohsi hanipnong imat sapti ma hapat ha dahatingwe rim noh mama meng moh nutanute boknong mar meng oh napormur. Ihan gur hanipnonghe sama Moh winsi han pathe ihan noh ohe hrepnong hatiprohmur. Moh win timbas hat pat hanhe ihan noh ohe hrepnong na hatiprohmur gosham hanipnonghe sam armi tahat sasipri.

2 Korin 1:23

Nohe Korin gure pati kat ma na apdap oh Noh ire pati kat ushanoh iraire er hat pati pe oh noh imaro hama ruumsup matipra rim ihan noh mama dik moh akat na sapra daham na apdormur. Noh mama meng napor moh arpin meng napormur. Got oh am hat patmur.

2 Korin 10:9

Nohe ma nasarpat meng moh gur sama dirnong kas hatin meng nasarpat ma hapat dahatipri.

Hibru 6:3

Got oh Ihir imat dapsi mat ha pisongwe dahahhanoh arpin ama da ohsi dapsi mat pisaprohemur.

Jemis 4:15

Dir ihat pati bap ohoh ihan Noh ihat indiprohwa. Noh ihtiprawa guragure dahapti da ohsi daham girit sasipri. Gur Hanipyah oh Nohe ma ihtipra ohe dahapat danong oh yahwa naporhanoh noh da patim ama danong hatipramur por ihenmur.