1 Korin 3:8 - Oksapmin

⁸ Got orhorwi winsi han hat pat ohoh ihan irat gwe ohe tan mat sakmat pisapat han nohsi; unuh ohe tan mat ahat pisapat han ohsi nuhut tap da han yot be Got orhe atamreipti han yot nuhutmur. Ama tap atamreipti han yot nute yan ma datipri oh nuranure atamreipti ohe kis yan orhorwi datiprimur.

1 Korin 3:8 ပူးပေါင်းရင်းမြစ်များ

Matyu 16:27

Hanip Brer nohe ma apripra oh at ohe has da ohsi nahatporhan enser ihirhe nuhur tap hat apriprimur. Aprisa gure ma ihapti ohe pe oh it napripramur.

Rom ihirnong Por oh brak atip ohe meng oh 2:6

Imat nasama yan ma napripra oh diradire ihat sapti kis yan orhorwi napripramur. Ihan gure am hat patim orhor ihat sapti han gure yan oh isip er hat sapti ohoh ihan yan oh isip datiprimur.

1 Korin 15:58

Dirnong ihtin inasi nahat napapat ohoh ihan norhe boporsi taptem bap gure kasip hat ma pati danong oh gapa hamhe mandapri. Kasip hat orhorwi patenmur. Ihat orhorwi patim diradire Hanipyah ohe atamreipti moh be na atamreipti ma hapat daham kasip hat orhorwi patim atamrein sashenmur.

1 Korin 3:14

Imat nandor ma nasatipra oh orhe kasip ohsi atamreim ma sashe han ihir orhe kasip oh na taur pat hatipramur. Pat hatporhan yah hat natamreisuh han ma hapat daham ama ohe yah yan oh napripramur.

1 Korin 3:7

Irat gwe pamras dam deipat han oh Got orhor pokwi indeipat ohoh ihan irat gwe ma sakmat pisapat hansi unuh ahat pisapat hansi nutarhe win timbas be han yot ihat atamrein saptimur. Pamras ma dam deipat han Got orhorwi winsi kasipnap hat pat hanmur.

1 Korin 3:9

Gur Got orhe tohan pa ru hatin hat patin nuhut tap han ohe tap rang gure mutuh atamreipti han yot nuhutmur.

1 Korin 4:15

Gurnong Norhe bopor nahat napapat brer gurmur ma napor meng moh gurnong wanahat napapti han ihir trun trun patihanhe trun han ihir gurnong napapti orhora; gure napapat han ita oh tit han noh pokwimur. Noh Krais ohe yah meng oh napotporhan gur ama naporpat ohe pe oh Krais ohe tapnong hat patio rim ihan noh gure ita titwi hat patmur mama napor ohmur.

1 Korin 9:7

Nure tamreipti ohe pe oh den namdeyahan yahmur ma napor meng oh mohnong dahenmur. Ami ihirhe iraire bes tei den gonom daptida. Basra. Iraire papti han ihir pandeptimur. Den ma gonopti han ihirhe iraire gonopti den oh na daptida. Basra. Daptimur. Sipsip ma papti han ihirhe sahama ama non gap ma daripti oh irair na daptida. Basra. Daptimur. Ama ihat tamreipti bap ihir iraire tamreipti ohe pe oh den daptimur. Ihapti ohoh ihan nute meng napor ma tamreipti ohe pe oh nuhutnong den namdeyahan erda. Basra. Namdeyahan oh yahwimur.

Garesia 6:4

Ihan gorhe ihpat da oh pomat sam dahenmur. Daham amam henmur. Ire ma ihaptinong asohhe asama Ihir ihat patihe. Nohe ma pat oh ire ihat pati da moh hatin hat na pat moh noh yah hat pat ma hapat daham sapri. Gorhe ma ihat patnongwi daham satinmur.

Garesia 6:5

Sama gorhe da oh er hat pathanhe gorhor yah tahatinmur.

Hibru 6:10

Gur ihat patim Got orhe danong ayah deipti da ohsi diradire taptem ihirnong panggeitpera daham panggeisheru panggeit orhor mama papti ohmur. Ama ihat sapti da oh Got oh er han bas ohoh ihan oh na hanhan mara dahatwi pat hanmur.

1 Pita 5:4

Gur imat papayahanoh kaput guragure duuptei han gurnong sipsip bap hatin nahat napapat han orhe ma pitap hatipra tei oh gur yah mat ma papti ohe pe oh hassi yahnap na tisorpat hassi yan oh datiprimur.

2 Jon 1:8

Ihat dasuh nahat apripti ohoh ihan diradire kasip ham tamreipti ohe pe ma dat pati da oh timbas hatiprarim gurhe kasip ham inin hat orhorwi wamat patenmur. Guragure kasip ham ma daripti da oh isip mat pei mat orhor ha napinoh rim kasip hat orhor patim inin hat patenmur.

Erer tarpatipra 2:23

Mara urhe brer ihirnonghe sutporhan haputipriri. Imtiporhan Got ohe nita aptei aptei sios bap gur amrama am hapti Watina. Hanipyah orhor diradire mutuhdapat ma dahapti da oh gonsi orhorwi am hat pat han ma hapat dahatipriri. Ihat dahat pat han ohoh ihan guragure ma ihat sapti ohe pe kis yan oh napriprari.

Erer tarpatipra 22:12

Napotporhan Jisas oh Gin gur amratino. Nohe kimsi orhor kapkap ma apripra oh hanip gure ma ihapti ohe yan oh gonsi napinmat apripramur.