1 Korin 3:1 - Oksapmin

¹ Nohe taptem bapa. Dir Krais ohe danong am hat pati orhor noh rih apris gurnong meng ma am nahatip oh gur Krais ohe danong hatin ohe da oh brer ire kopen potahat na dahat pati da hatin hat patin noh hanip ihir ire mutuh Yahsup oh patin meng ma poriptiru mat na napot indipmur. Kakdah morhe dasi hat patin ma ihirnong meng por am deiptiru mat orhor meng napot indipmur.

1 Korin 3:1 ပူးပေါင်းရင်းမြစ်များ

Hibru 5:13

Gur non dapti ire da hatin hat ma pati oh ihsen ire da hatin hat patim yah hat son ohe danong oh gur pomat na am hat patimur.

1 Korin 2:6

Noh dakuu meng hatin mat na naporpat orhora; dakuu meng naporpatmur. Dakuu meng ma naporpat oh kakdah morhe dakuu han ire ripti dakuu mengo kakdah mohe kakhan timbas hatin han ire mengo ama ihtin dakuu meng oh na naporpatmur. Got orhe meng oh dakuu meng ohoh ihan Got orhe dakuu yah meng orhorwi Got ohe danong hatin ohe da oh hanip yah hatin hat pati han bap gurnongwi naporpatmur.

1 Korin 14:20

Nohe taptem gure meng tunmatin meng danong isip hat ma pati oh brer ire iraire indin danong hat ma patiru hat patim ihaptimur. Ihat brer ire hat pati da hatin hatheri patepri. Hanipyah ham ma gospanggeit sapti da hatin hat orhor sashenmur. Er danong hatipririm brer ire ma er danong hanhan hat pati da hatin hat orhor patenmur.

Rom ihirnong Por oh brak atip ohe meng oh 7:14

Dir mohnong dahat patimur. Got ohe sawa meng oh orhe Yahsup ohe bokdapat tarpam apris orhe dahat pat da namgipat sawa meng ohmur. Nohe ma patnong oh kakdah ohe da oh ina teimdapat tarpam er nahapat ohe da ohe hrepnong nahah hatin nahat napapatmur.

1 Jon 2:12

Norhe taptem brer muka. Got oh Krais orhe dap tei gure er hat sapti ohe yan oh it na dahama eimat hanhan mar namdapatmuro rim noh mama meng moh gurnong brak mat nasarmur.

Garesia 6:1

Nohe taptem Yahsup oh yah mat napapat han gurdapat wandeiyaoh guragur tit uh tit er hat sus ambir tapan pat hatin hat pathan gur Got orhe nita moh noh panggeitpora daham ahar daphoma yah teinong matinmur. Nohe boknonghe ihtin da nahatipra daham ahar inin hat patim orhor arpim yah teinong matinmur.

Matyu 16:23

Potporhan Jisas oh Pita ohnong tambuker wamara Ihat mengir han Satan gori kom kat oh sonmur. Got ohe dahapat da oh ha tarpatinoh na daham kakdah orhe danong hat pat han go nohe mandapnong nagaheimar mameng moh rimur por indeingop.

1 Korin 14:37

Korin aptei pati sios bap gure mutuh oh Noh Got ohe meng pot pison han hat patmur. Noh Got ohe Yahsup oh nohe mutuh patim ihat pat hanmur ma dahapti han ihir gure mutuh patihanhe nohe brak mat gurnong nasar meng moh sama Moh arpin Got orhe sawa meng oh nasar ma hapat sa dahatiprohe.